قازاقستان 2022-2023 جىلدارى ءۇش ءتىلدى ءبىلىم بەرۋ جۇيەسىنە تولىعىمەن كوشەدى - ق ر بعم
قازاقستان 2022-2023 جىلدارى ءۇش ءتىلدى ءبىلىم بەرۋ جۇيەسىنە تولىعىمەن كوشەدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم، اقپاراتتىق تەحنولوگيالار دەپارتامەنتىنىڭ ديرەكتورى جاڭىل جونتايەۆا ءمالىم ەتتى.
«2018-2019 جىلداردان باستاپ، قازاقستان تاريحى التىنشى سىنىپتان تەك قازاق تىلىندە وقىتىلادى دەگەن جوسپار بار. ول ورىس ءتىلدى مەكتەپ پە، قازاق ءتىلدى مەكتەپ پە، ماڭىزدى ەمەس. ال دۇنيەجۇزى تاريحى ءپانى قازاق ءتىلدى مەكتەپتە دە، ورىس ءتىلدى مەكتەپتە دە تەك ورىس تىلىندە وتەدى. 2019-2020 وقۋ جىلىندا 10-11 سىنىپتار ينفورماتيكا، حيميا، بيولوگيا پاندەرىن تەك اعىلشىن تىلىندە وقيدى. بەسىنشى سىنىپتان باستاپ وقۋشىلار تەرمينولوگيانى وقي باستايدى. ءۇش ءتىلدى ءبىلىم بەرۋ جۇيەسىنە تولىعىمەن 2022-2023 جىلدارى كوشەمىز دەپ مەجەلەپ وتىرمىز»، - دەپ اتاپ ءوتتى ج.جونتايەۆا.
ايتا كەتەيىك، ءۇش ءتىلدى وقىتۋ جۇيەسى 33 مەكتەپتە تاجىريبە رەتىندە ەنگىزىلگەن بولاتىن. قازاقستاندا ءۇش ءتىلدى وقىتۋ وسى مەكتەپتەردىڭ ۇلگىسىندە قۇرىلادى دەپ جوسپارلانعان. جوعارى سىنىپتاردا اعىلشىن تىلىندە وقىتۋ بويىنشا جۇمىستار 2017-2023 جىلدارى جۇزەگە اسىرىلادى.
inform.kz
You Might Also Like
-
جاقىن ماڭدا توك كوزى جوق بولسا، تەلەفوندى قالاي قۋاتتاندىرىپ الۋعا بولاتىنىن جەلى قولدانۋشىلارى كورسەتتى. قولىڭىزدا قۋاتتاندىرۋ قۇرالى مەن كادىمگى ليمون بولسا جەتكىلىكتى ەكەن. ليموندى ورتاسىنان ءبول...
-
ق ر ءبىلىم جانە عىلىم مينيسترلىگى ۇلتتىق ءبىرىڭعاي تەستىلەۋدى رەفورلامالاۋ بويىنشا جۇمىستاردى باستاۋدى جوسپارلاپ وتىر. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق...
