اعىلشىن ءتىلى ۇبت-نىڭ مىندەتتى پاندەرىنە قوسىلۋى مۇمكىن - ق ر بعم
ق ر ءبىلىم جانە عىلىم مينيسترلىگى ۇلتتىق ءبىرىڭعاي تەستىلەۋدى رەفورلامالاۋ بويىنشا جۇمىستاردى باستاۋدى جوسپارلاپ وتىر. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر بعم ۆيسە-مينيسترى تاقير بالىقبايەۆ ءمالىم ەتتى.
«ءبىز ءقازىر اعىلشىن ءتىلىن ەنگىزۋدى مەجەلەپ وتىرمىز، كورشى رەسەيدە 2021 جىلدان باستاپ اعىلشىن تىلىنەن مىندەتتى تۇردە ەمحتيحان تاپسىرىلاتىن پاندەرگە قوسپاقشى. سوندىقتان بىزدە مىندەتتى تۇردە تاپسىرىلۋى ءتيىس پاندەردىڭ قاتارىنا اعىلشىن ءتىلىن دە قوسۋىمىز ابدەن مۇمكىن. وسى ورايدا، ءبىز ۇلتتىق ءبىرىڭعاي تەستىلەۋدى رەفورمالاۋ بويىنشا جۇمىستاردى باستاماقپىز. ونىڭ نۇسقاسى قانداي بولادى، قالاي ىسكە اسىرىلادى، ونى تۇبەگەيلى انىقتاعاننان كەيىن حالىققا ەگجەي-تەگجەيلى ايتاتىن بولامىز»، - دەپ اتاپ ءوتتى ۆيسە-مينيستر.
ونىڭ ايتۋىنشا، ۇبت سۇراقتارىنىڭ باعىتى مەن مازمۇنى دا ءبىرشاما وزگەرەدى.
«مۇندا بىرنەشە باعىتتار بار، بىرىنشىدەن، ءبىز فاكتىلەردەن لوگيكالىق سۇراقتارعا كوپ باسىمدىق بەرەتىن شىعارمىز. دەمەك، تۇلەكتەردىڭ ويلاۋ قابىلەتىن باعالاۋعا بولادى. وعان ءبىزدىڭ ەنگىزىپ جاتقان ارنايى تاپسىرمالار بار»، - دەدى تاقير بالىقبايەۆ.
inform.kz
You Might Also Like
-
قازاقستان 2022-2023 جىلدارى ءۇش ءتىلدى ءبىلىم بەرۋ جۇيەسىنە تولىعىمەن كوشەدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر ءبىلىم جانە عىلىم مينيسترلىگىنىڭ مە...
-
2012 جىلدان بەرى العاش رەت قازاقستاندا جاستار جۇمىسسىزدىعىنىڭ دەڭگەيى تومەندەدى. بۇل تۋرالى بۇگىن استانادا ق ر مەملەكەتتىك حاتشىسى گۇلشارا ءابدىقالىقوۆانىڭ قاتىسۋىمەن وتكەن كاسىپتىك-تەحنيكالىق ءبىلىم ...
