InfoHub Logo

ساباقتىڭ تاقىرىبى: قازاقستان - ءبىزدىڭ وتانىمىز.
ماقساتى: بىلىمدىلىك: وقۋشىلاردىڭ تاقىرىپ بويىنشا العان بىلىمدەرىن تەكسەرۋ جانە پىسىقتاۋ. ولقىلىقتارى بولسا تولىقتىرۋ.
دامىتۋشىلىق: بالالاردىڭ اۋىزەكى سويلەۋ تىلدەرىن جانە تىلدىك قورلارىن بايىتۋ. وقۋشىلاردىڭ ويلاۋ، ەستە ساقتاۋ قابىلەتتەرىن قالىپتاستىرۋ.
تاربيەلىك: جاس ۇرپاقتىڭ پاتريوتتىق سەزىمدەرىن وياتۋ، وتانعا دەگەن سۇيىسپەنشىلىكتەرىن ارتتىرۋ.
ساباقتىڭ ءتۇرى: بەكىتۋ ساباعى
ساباقتىڭ بارىسى:
ءى. ۇيىمداستىرۋ كەزەڭى: سالەمدەسۋ، وتىرعىزۋ، كەزەكشىمەن ديالوگ
ءىى. تاقتاعا وقۋشىلاردىڭ نازارىن اۋدارۋ. ينتەربەلسەندى تاقتادا ماقال جازىلعان.
تۋعان جەردەي جەر بولماس،
تۋعان ەلدەي ەل بولماس

- بالالار، بۇل ماقالدى قالاي تۇسىنەسىڭدەر؟ كىم اۋدارماسىن ايتا الادى؟
- ال «تۋعان جەر» ءسوز تىركەسىنىڭ ءسينونيمىن كىم ايتادى؟
- ال ءبىزدىڭ وتانىمىز قالاي اتالادى؟
ساباعىمىزدىڭ تاقىرىبى «قازاقستان - ءبىزدىڭ وتانىمىز»
داپتەرمەن جۇمىس: كۇندى، تاقىرىپتى جازۋ
ينتەربەلسەندى تاقتامەن جۇمىس.
- بالالار ءقازىر نازارلارىڭدى ينتەربەلسەندى تاقتاعا، مىنا ماتىنگە اۋدارعىم كەلەدى...
ءماتىندى وقۋشىلار وزدىكتەرىنەن وقيدى، اۋدارما جۇمىسىن جاسايدى. اۋدارما جاساۋ بارىسىندا كەزدەسكەن جاڭا سوزدەردەن قيىندىقتار تۋىنداسا سول سوزدەردىڭ استىن سىزادى.

قازاقستان رەسپۋبليكاسى.
قازاقستان رەسپۋبليكاسى - ەۋرازيا قۇرلىعىندا ورنالاسقان. قازاقستاننىڭ جەرى كەڭ-بايتاق جانە وتە باي. تابيعاتى ءار-الۋان. مۇندا جازىق دالا دا، ورمان دا، وزەن دە، ءشولدى ايماقتار دا بار.

ءىىى. - ەندەشە ساباعىمىزدىڭ ماقساتىن انىقتاپ الايىق...
ساباقتا نە ۇيرەنۋىمىز كەرەك؟ بالالار وزدىكتەرىنەن ساباقتىڭ ماقساتىن قويادى، ال ءمۇعالىم تولىقتىرادى.
ءىV. سوزدىك جۇمىس.
ءماتىن بويىنشا بىلمەگەن سوزدەردى مەڭگەرتۋ.
جاڭا سوزدەر:
قۇرلىق - ماتەريك (سۋشا)
كەڭ - بايتاق – پروستورنايا
باي – بوگاتايا
ءار الۋان – رازليچنايا
جازىق دالا – راۆنينا
ءشولدى ايماقتار - پۋستىني

- بالالار، قازاقستان تۋرالى ءبىز نە بىلەمىز؟
1 - تاپسىرما
قازاقستان تۋرالى ءار وقۋشى ءبىر سويلەم قۇراستىرادى جاڭا سوزدەردى پايدالانا وتىرىپ.
2 - تاپسىرما.
جۇپپەن جۇمىس.
وقۋشىلار جۇپپەن قازاقستان رەسپۋبليكاسى تۋرالى وتىلگەن تاقىرىپتار بويىنشا سۇراق - جاۋاپ ۇيىمداستىرادى.
3 - تاپسىرما.
توپپەن جۇمىس.
ءار توپ وتىلگەن مودۋل بويىنشا العان بىلىمدەرىن جيناقتاپ، تاقىرىپ اياسىندا ءماتىن قۇراستىرادى.
4 - تاپسىرما.
ينتەربەلسەندى تاقتادا مۇقاعالي ماقاتايەۆتىڭ «ءۇش باقىتىم» ولەڭى قويىلادى. بالالار تىڭدايدى.
ءۇش باقىتىم
ەڭ ءبىرىنشى باقىتىم - حالقىم مەنىڭ،
سوعان بەرەم ويىمنىڭ التىن كەنىن.
ول بار بولسا، مەن بارمىن، قور بولمايمىن
قىمباتىراق التىننان نارقىم مەنىڭ.

ال ەكىنشى باقىتىم - ءتىلىم مەنىڭ،
تاس جۇرەكتى تىلىممەن تىلىمدەدىم.
كەي - كەيدە دۇنيەدەن تۇڭىلسەم دە،
قاسيەتتى تىلىمنەن تۇڭىلمەدىم.

باقىتىم بار ءۇشىنشى - وتان دەگەن،
كىم مىقتى؟- دەسە بىرەۋ، - وتان دەر ەم!...
وتى سونگەن جالعاندا جان بارسىڭ با؟
ويلانباي - اق كەل - داعى وت ال مەنەن.
مۇقاعالي ماقاتايەۆ

سۇراق - جاۋاپ ۇيىمداستىرۋ.
ءمۇعالىم:
- بالالار، «ءۇش باقىتىم» دەگەندى قالاي تۇسىنەسىڭدەر؟
- ءوز ولەڭىندە اقىن «باقىتىم» دەپ نەنى ايتادى؟
5 - تاپسىرما.
ءار توپ جەكە وزدەرىنە ۇسىنىلعان تاقىرىپقا اڭگىمە قۇراستىرادى.
1 توپ 2 توپ 3 توپ
حالىق تۋرالى ءتىل تۋرالى «وتان» تۋرالى ماقال - ماتەلدەر ايتادى
(ق ر حالقى) (قازاق ءتىلى تۋرالى جانە وزگە دە ق ر تۇراتىن حالىقتاردىڭ ءتىلى جايلى)
6 - تاپسىرما.
شاعىن سايىس. كىم ەڭ كوپ ءسوز قۇراستىرادى؟
«قازاقستان» سوزىنەن باسقا سوزدەردى قۇراستىرۋ.
V. باعالاۋ.
VI. ۇيگە تاپسىرما.
ۇيگە تاپسىرمانى دەڭگەيلەرى بويىنشا ۇسىنۋ.
1. اماليا، الينا، ولگا، اليشەر، ارتەم، دانيل - ەسسە جازۋ
“مەن ءۇشىن باقىت - ول...”
2. كاتيا، ديما، ديانا، ۆيتاليي، ەگور – “ءۇش باقىتىم” ولەڭىن نەمەسە “وتان” تۋرالى باسقا وزدەرى قالاعان ولەڭدى جاتتاۋ، ءبىراق جازعان اقىندى ءبىلۋ.
VIءى. قورىتىندىلاۋ.
ءار وقۋشىعا قاعازدان جاسالعان «سمايلدار» تاراتىلادى. ولاردىڭ تەك كوزدەرىنىڭ سۋرەتى بار. وقۋشىلارعا بۇگىنگى ساباقتان العان اسەرىن كورسەتۋ ۇسىنىلادى. ءار وقۋشى ءوز سمايلىنا اۋىزىن سالادى. كۇلىپ تۇرعان سمايل بولسا - ۇنادى، رەنجىگەن بولسا - ۇناعان جوق، ت. ب. بۇل ءادىس ءار وقۋشىعا ساباق بارىسىندا ساباقتى تۇسىنگەنىن نەمەسە تۇسىنبەگەنىن، ۇناپ - ۇناماعانىن جانە ساباق بارىسىنداعى كوڭىل - كۇيىن كورسەتۋگە جول اشادى.
- بالالار، ساباقتىڭ باسىندا قويعان ماقساتىمىزعا جەتتىك پە؟
- ساباق اياقتالدى. ساۋ بولىڭدار، بالالار!