InfoHub Logo

ق ر ءبىلىم جانە عىلىم ءمينيسترى اسحات ايماعامبەتوۆ ورتا ءبىلىم بەرۋدە قازاقستاننىڭ 5 سالىستىرمالى زەرتتەۋلەرگە قاتىساتىنىن ايتتى.

ولاردىڭ نەگىزگىلەرى - PISA (Programme for International Student Assessment)، TIMSS (Trends in International Mathematics and Science Study)، PIRLS (Progress in International Reading Literacy Study) زەرتتەۋلەرى.

«PIRLS زەرتتەۋىندە ءبىز ءماتىندى ءتۇسىنۋ جانە وقۋ ساۋاتتىلىعى بويىنشا 27-ورىندامىز. TIMSS-تا ماتەماتيكا جانە جاراتىلىستانۋ پاندەرى بويىنشا اكادەميالىق بىلىمدە ۇزدىكتەر ىشىندەمىز جانە 10 جەتەكشى ەلدىڭ قاتارىنا كىردىك»، — دەدى ءبىلىم جانە عىلىم ءمينيسترى.

وقۋشىلاردى العان بىلىمدەرىن قولدانۋعا ۇيرەتۋ ءۇشىن 2016 جىلدان باستاپ مەكتەپتەردە سىني ويلاۋ مەن داعدىلاردى دامىتۋعا باعىتتالعان جاڭارتىلعان مازمۇن ەنگىزىلۋدە.

جاھاندىق باسەكەگە قابىلەتتىلىك يندەكسىندە مينيسترلىككە 8 ينديكاتور بەكىتىلگەن. رەيتينگكە 140 ەل قاتىسادى.

«ولاردىڭ ىشىندە «كاسىپتىك-تەحنيكالىق ءبىلىم بەرۋ ساپاسى» بويىنشا 2017 جىلمەن سالىستىرعاندا 11 پوزيسياعا (102-دەن 92-ورىنعا)، «وقىتۋداعى سىني ويلاۋ» بويىنشا 1 پوزيسياعا (46-دان 45ء-شى ورىنعا) جاقساردى. «كۇتىلەتىن ءبىلىم بەرۋ ۇزاقتىعى» (53 ورىن) جانە «جاريالانىمداردىڭ دايەكسوزدىلىگى» (110 ورىن) بويىنشا الدىڭعى كورسەتكىشتەر ساقتالدى»، — دەدى ا.ايماعامبەتوۆ.

مۇندا «ءبىلىم بەرۋدىڭ ورتاشا ۇزاقتىعى» (1 پوزيسياعا 39-دان 40-ورىنعا)، «باستاۋىش سىنىپتارداعى وقۋشىلار مەن مۇعالىمدەردىڭ اراقاتىناسى» (23 پوزيسياعا، 50-دەن 73-ورىنعا)، «تۇلەكتەردىڭ داعدىلارى» (7 پوزيسياعا، 86-دان 93-ورىنعا) جانە «زەرتتەۋ ينستيتۋتتارىنىڭ ساپاسى» (1 پوزيسياعا، 83-تەن 84-ورىنعا) بويىنشا پوزيسيالاردىڭ تومەندەۋى بايقالادى.

جوعارى ءبىلىم بەرۋدەگى نەگىزگى رەيتينگتەر - QS World University Rankings جانە Times Higher Education.

ءمينيستردىڭ ايتۋىنشا، QS-دە قازاقستاندا وڭ ديناميكا بار، 2011 جىلى رەيتينگتە 5 جوعارى وقۋ ورنى، 2019 جىلى - 10 ۋنيۆەرسيتەت اتاپ ءوتىلدى. رەيتينگتە قازاقستاندىق جوعارى وقۋ ورىندارى اراسىندا كوشباسشى ورىندى ءال-فارابي اتىنداعى قازۇۋ يەلەندى - 207 ورىن (توپ-300). ۇزدىك 500 قاتارىنا 2 ۋنيۆەرسيتەت كىردى: ل. گۋميليەۆ اتىنداعى ەۇۋ (418)، م. اۋەزوۆ اتىنداعى وقمۋ (491).

سوىنمەن قاتار، 2018 جىلى العاش رەت Times Higher Education رەيتينگتىك باسىلىمىمەن 2 قازاقستاندىق جوو (ءال-فارابي اتىنداعى قازۇۋ، گۋميليەۆ اتىنداعى ەۇۋ) تانىلدى.

جالپى العاندا، ءبىلىم جانە عىلىم ءمينيسترى سەندىرگەندەي، ءبىلىم مەن عىلىمنىڭ ساپاسىن، قولجەتىمدىلىگىن جاقسارتۋ بويىنشا قازاقستاننىڭ حالىقارالىق رەيتينگتەردەگى ۇستانىمدارىن ارتتىرۋ جونىندەگى جۇمىس ءبىلىم مەن عىلىمدى دامىتۋدىڭ مەملەكەتتىك باعدارلاماسى جانە باسقا دا جۇيەلى شارالار شەڭبەرىندە جالعاساتىن بولادى.

---