ينۆەستورلار ءبىلىم بەرۋ دەڭگەيىنە ەرەكشە نازار اۋدارادى — مينيستر
2025 جىلى قازاقستاننىڭ جوو-لارى QS رەيتينگىندە توپ-150-گە ەنۋى قاجەت. بۇل تۋرالى بۇگىن ۇكىمەت وتىرىسىندا «DoingBusiness» رەيتينگىندە جانە باسقا دا رەيتينگتەردە قازاقستاننىڭ پوزيسيالارىن جاقسارتۋ جونىندە بايانداعان ق ر ۇلتتىق ەكونوميكا ءمينيسترى رۋسلان دالەنوۆ ايتتى.
«ينۆەستورلار ءبىلىم بەرۋ دەڭگەيىنە ەرەكشە نازار اۋدارادى. بۇل — ورتا جانە جوعارى ءبىلىم دايىندىعىنىڭ دەڭگەيى. ەكونوميكالىق ىنتىماقتاستىق جانە دامۋ ۇيىمى ەلدەرىنىڭ اراسىندا نەگىزگى ينديكاتور «PISA» — ءبىلىم الۋشىلاردى باعالاۋ حالىقارالىق باعدارلاماسى. اتالعان رەيتينگ مەكتەپتە ءبىلىم بەرۋ ساپاسىن ءۇش ءپان بويىنشا ولشەيدى: ماتەماتيكا، جاراتىلىستانۋ، وقۋ. رەيتينگ ءاربىر 3 جىلدا قالىپتاستىرىلادى. 2018 جىلدىڭ قورىتىندىسى بويىنشا رەيتينگ اعىمداعى جىلعى جەلتوقسان ايىندا جاريالاناتىن بولادى. 2012 جىلى قازاقستان 53ء-شى ورىندى يەلەندى. 2025 جىلعا قاراي ەلىمىز رەيتينگتىڭ توپ-40 قاتارىنا ەنۋى قاجەت. بۇل ليۋكسەمبۋرگ، حورۆاتيا، يزرايل سياقتى ەلدەردىڭ دەڭگەيى»، — دەدى رۋسلان دالەنوۆ.
ونىڭ ايتۋىنشا، جوعارى ءبىلىم بەرۋ ساپاسى ۋنيۆەرسيتەتتەردىڭ حالىقارالىق رەيتينگتەرىمەن باعالانادى. بۇل QS-اتتى جوعارى وقۋ ورىندارىنىڭ الەمدىك رەيتينگى. ول — الەمنىڭ 1000 ۇزدىك جوعارى وقۋ ورىندارىنىڭ رەيتينگى.
«بۇل رەيتينگكە قازاقستاننىڭ تەك 10 جوعارى وقۋ ورنى كىرەدى. ءال-فارابي اتىنداعى قازاق ۇلتتىق ۋنيۆەرسيتەتى بار بولعانى 207-ورىندا. 2025 جىلعا قاراي قازاقستاننىڭ جوعارى وقۋ ورىندارى توپ-150-گە ەنۋى قاجەت»، — دەدى مينيستر.
You Might Also Like
-
الماتىلىق وقۋشىلار نورمادان 2-3 ەسە اۋىر سومكە ارقالاپ ءجۇر. بۇل تۋرالى الماتى قالالىق تاۋارلار مەن كورسەتىلەتىن قىزمەتتەر ساپاسى جانە قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىمو...
-
ادەبيەتىمىزدىڭ ايتۋلى وكىلى شەرحان مۇرتازا- ءار شىعارماسىندا ءومىر شىندىعىن شىنايى سۋرەتتەي بىلگەن شەبەر قالامگەر. جازۋشى قالامىنان تۋعان «قىزىل جەبە»، «بەسەۋدىڭ حاتى&ra...
