قازاقستاندا 32 جوعارى وقۋ ورنى قايتا قۇرىلادى
قازاقستاندا 32 جوعارى وقۋ ورنى كوممەرسيالىق جانە كوممەرسيالىق ەمەس اكسيونەرلىك قوعامدار بولىپ قايتا قۇرىلادى. بۇل تۋرالى بۇگىن ۇكىمەت وتىرىسىندا مەملەكەتتىك مەنشىك نىساندارىن تۇگەندەۋ ماسەلەسى بويىنشا بايانداما جاساعان ق ر قارجى ءمينيسترى باقىت سۇلتانوۆ ءمالىم ەتتى.
«جوعارعى وقۋ ورىنداردى جەكەشەلەندىرۋ بويىنشا: ءبىلىم جانە عىلىم مينيسترلىگىمەن بىرلەسىپ جەكەشەلەندىرۋدىڭ مىناداي نۇسقاسى ازىرلەندى. 32 جوعارعى وقۋ ورىندارى كوممەرسيالىق جانە كوممەرسيالىق ەمەس اكسيونەرلىك قوعامدار بولىپ قايتا قۇرىلاتىن بولادى. بۇل جۇمىس 2017 جىلدان باستالادى. 2020 جىلعا اكسيالاردى قوسىمشا شىعارۋ جولىمەن جەكە كاپيتالدى تارتۋ جۇزەگە اسىرىلاتىن بولادى»، - دەدى سۇلتانوۆ.
ونىڭ ايتۋىنشا، ءبىلىم تۋرالى زاڭناماعا ءتيىستى وزگەرىستەر ەنگىزىلگەننەن كەيىن 2018 جىلى كوللەدجدەر ۇلكەن كاسىپورىندارعا جانە ۋنيۆەرسيتەتتەرگە سەنىمگەرلىك باسقارۋعا ۇسىنىلادى.
«6 مەديسينالىق جوعارعى وقۋ ورنى بويىنشا 2017 جىلدان باستاپ ستراتەگيالىق ارىپتەستىكتەرمەن بىرلەسىپ، قامقورلىق باعدارلاماسى جۇزەگە اسىرىلادى. 2018 جىلدان باستاپ - ۋنيۆەرسيتەتتىك كلينيكالاردى بىرلەسىپ باسقارۋ بويىنشا شارالار جۇزەگە اسىرىلاتىن بولادى. 2019 جىلدان باستاپ - سەنىمگەرلىك باسقارۋعا بەرۋ جۇزەگە اسىرىلادى»، - دەدى ول.
You Might Also Like
-
قازاقستاندىق مەكتەپ وقۋشىلارى باعدارلامالاۋدان وتكەن 17ء-شى بۇكىلرەسەيلىك كوماندالار وليمپياداسىنىڭ جەڭىمپازى اتاندى.
-
سەمەيدە قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي نازاربايەۆ زياتكەرلىك مەكتەبى اشىلدى. فيزيكا-ماتەماتيكالىق باعىتتا وقىتاتىن جاڭا مەكتەپ 720 ورىنعا ارنالعان.
