قازاقستاندا COVID-19 ۆيرۋسىنا قارسى ۆاكسينا دايىندالىپ جاتىر
ءبىلىم جانە عىلىم مينيسترلىگىنىڭ تاپسىرماسى بويىنشا ۇلتتىق بيوتەحنولوگيا ورتالىعى مەن بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى بىرلەسىپ، COVID-19 كوروناۆيرۋسىنا قارسى ۆاكسينا ازىرلەۋگە كىرىستى.
«ءبىزدىڭ ۇيىمداردا جيناقتالعان تاجىريبە بارشىلىق. زامانعا ساي عىلىمي بازا دا بار. ءوندىرىس تەحنولوگيالارىن دامىتىپ، سىناقتان وتكىزىپ، شەتەلدىك بالامالاردان تيىمدىلىگى كەم تۇسپەيتىن وتاندىق دارى-دارمەكتى ازىرلەيتىن ماماندار جۇمىس ىستەيدى»، - دەپ ءمالىم ەتتى ق ر بعم بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنان.
ماسەلەن، قاڭتار ايىنىڭ سوڭىندا ۇلتتىق بيوتەحنولوگيا ورتالىعىنىڭ عالىمدارى COVID-19 كوروناۆيرۋسىن 6 كۇننىڭ ىشىندە انىقتايتىن تەست جۇيەسىن ويلاپ تاپقان. قازاقستاندىق تەست جۇيەسىنىڭ تيىمدىلىگى مەن وتكىر سەزىمتالدىعى رەسەيلىك جانە قىتايلىق دياگنوستيكالىق دياگنوستيكۋمداردان كەم ەمەستىگى انىقتالعان.
ءبىلىم جانە عىلىم مينيسترلىگى عىلىم كوميتەتىنىڭ «بيولوگيالىق قاۋىپسىزدىك ماسەلەلەرى جونىندەگى عىلىمي-زەرتتەۋ ينستيتۋتى» (جامبىل وبلىسى، وتار كەنتى) قۇس پەن دوڭىز تۇماۋىنا قارسى ۆاكسينالاردى جاساپ شىعارعان. قۇرىلعالى 60 جىلدىڭ ىشىندە ينستيتۋت بيوقاۋىپسىزدىك، بيوتەحنولوگيا، ۆيرۋسولوگيا، ميكروبيولوگيا جانە يممۋنولوگيا سالاسىندا ۇلكەن تاجىريبە جيناقتادى. ينستيتۋت عالىمدارى دارى-دارمەكتىڭ 60-تان استام ءتۇرىن، سونىڭ ىشىندە 30 ۆاكسينانى، 16 سىناق جۇيەسىن جانە 15-تەن استام ءتۇرلى بيولوگيالىق ءونىمدى جاساپ شىعاردى. بۇل ينستيتۋتتا ۆيرۋستاردىڭ گەنەتيكالىق كىتاپحاناسىنىڭ بىرەگەي دەرەكقورى بار.
ۆاكسينالاردى دامىتۋ باعدارلاماسى اياسىندا بيوتەحنولوگيالىق جانە گەندىك ينجەنەريانىڭ الدىڭعى قاتارلى ادىستەرىن قولدانا وتىرىپ، 5 كانديداتتىق ۆاكسينا جاسالادى. ۇقساس تەحنولوگيالاردى ۆاكسينالار جاساۋ سالاسىندا الەمدىك كوشباسشىلار قولدانادى. كانديداتتىق ۆاكسينالاردىڭ بەس ءتۇرىنىڭ ىشىنەن كلينيكالىق زەرتتەۋلەردى جۇرگىزۋگە ارنالعان ەڭ ءتيىمدى جانە تەحنولوگيالىق تۇرعىدا جەتىلدىرىلگەن ۆاكسينا تاڭداپ الىنادى.
«الەمنىڭ كوپتەگەن ەلى وزدەرىنىڭ ۆاكسينالارىن ازىرلەپ شىعارعانىن جاريالادى. الايدا مۇنىڭ ءبارى كلينيكالىق زەرتتەۋدى قاجەت ەتىپ، جۇمىس ءبىر جىلدان كەيىن اياقتالادى. ۆاكسينانى قابىلداعانعا دەيىن COVID-19 ۆيرۋسىنىڭ تارالۋىنىڭ الدىن الۋ قاجەت. ايتسە دە بۇل تەك مەملەكەت قابىلداعان شارالارعا عانا ەمەس، سونىمەن بىرگە ءار ادامعا دا بايلانىستى. سوندىقتان بارلىق الدىن-الۋ شاراسىن ساقتاۋ قاجەت»، - دەپ تولىقتىردى عىلىمي-زەرتتەۋ ينستيتۋتىنان.
You Might Also Like
-
ماقاش ورىنبوردا وقىپ جۇرگەن كەزىندە اۋىلىنا كەلىپ جاسى توقساننان اسقان قارت ناعاشىسىنا سالەمدەسپەكشى بولىپبارادى. كوزى كورۋدەن، قۇلاعى ەستۋدەن قالعان قارياعا جيەندىگىن كورسەتپەكشى بولعان ماقاش ءوزىن...
-
بۇرىنعى وتكەن كەزدە اتىعاي-قاراۋىلدا ءبىر ۇلكەن توي، ات شابىس، كۇرەس بولىپ، وسى ەكى ەلدىڭ بارلىق ادام قاراسى جينالىپ، وسى ەكى ەلدىڭ مىناۋ قالاي دەگەن بالۋاندارى كۇرەسكە ءتۇسىپ، جۇيرىك جاقسى اتتارى جا...
