قازاقستاندا كومپيۋتەرلىك باعدارلامالاۋ باستاۋىش سىنىپتان وقىتىلا باستايدى
بۇگىن الماتىدا ءوتىپ جاتقان «جاھاندانۋ داۋرىندەگى سيفرلىق كۇنتىزبە» فورۋمىندا ق ر پرەمەر-مينيسترىنىڭ ورىنباسارى اسقار جۇماعالييەۆ سيفرلىق جوبالاردى جۇزەگە اسىرۋ باعىتىندا اتقارىلىپ جاتقان جۇمىستار جايىندا باياندادى.
ۆيسە-پرەمەردىڭ ايتۋىنشا، مەملەكەت سيفرلىق تەحنولوگيالاردى دامىتۋعا بارىنشا كۇش سالىپ وتىر.
«بالالاردى باستاۋىش سىنىپتان باعدارلامالاۋعا ۇيرەتەتىن بولامىز. جوعارعى سىنىپ وقۋشىلارىنا كاسىپكەرلىك بويىنشا ءتالىم الۋ ماڭىزدى. ولار ستارتاپتى، ءوندىرىستى قالاي باستاۋ كەرەكتىگىن ءبىلۋى ءتيىس. جوو-لاردا بارلىق ماماندىقتار بويىنشا ىت-تەحنولوگيالاردىڭ وقىتىلۋىن قاداعالايمىز. مامانداردىڭ ءىت سالاسىندا العان ءبىلىمىن جەتىلدىرۋگە كۇش سالامىز»، - دەدى اسقار جۇماعالييەۆ.
بۇگىندە قازاقستان ەلەكتروندى ۇكىمەتتى دامىتۋ بويىنشا رەيتينگتە 33-ورىندا تۇر.
ايتا كەتەيىك، فورۋم بارىسىندا ق ر پرەمەر-مينيسترى باقىتجان ساعىنتايەۆ ەلىمىزدە مەملەكەتتىك قىزمەتتى اۆتوماتتاندىرۋدى 80%-عا جەتكىزۋ كوزدەلىپ وتىرعانىن ايتقان بولاتىن.
«بىزگە ارنايى تەلەكوممۋنيكاسيالىق ينفراقۇرىلىم كەرەك. ەلدى مەكەندەردىڭ بارلىعىندا كەڭ جولاقتى ينتەرنەت بولۋى ءتيىس. وپتيكالىق تالشىقتار كىرمەيتىن جەرلەرگە 2020 جىلعا دەيىن سپۋتنيكتىك بايلانىستى پايدالاناتىن بولامىز. سيفرلاندىرۋ تەحنولوگياسىن ەنگىزۋ ءوندىرىستى بىرنەشە ەسە ارتتىرۋعا سەپتىگىن تيگىزبەك. سوندىقتان، ۇكىمەت يننوۆاسيالىق ەكوجۇيە قۇرىپ وتىر. وسى ماقساتتا ەلدەگى جاس بىلىكتى مامانداردى ىنتالاندىرۋ قولعا الىنعان»، - دەدى ا.جۇماعالييەۆ.
قازاقپارات
You Might Also Like
-
كريس گاردنەر كىشكەنتاي ۇلىمەن بىرگە قوعامدىق دارەتحانانىڭ ەدەنىندە ۇيىقتاپ جۇرگەن كەزدە، ءبىر كەزدەرى ءوز ءومىرىنىڭ جەلىسىمەن گولليۆۋدتا ايگىلى فيلم تۇسىرىلەتىنى تۋرالى ءۇش ۇيىقتاسا تۇسىنە كىرگەن ەمەس.
-
رەسەي ۇكىمەتىنىڭ باسشىسى دميتريي مەدۆەديەۆ قازاقستاندىق IT ماماندار ءۇشىن رەسەيدىڭ بارلىق ەسىگى اشىق ەكەنىن ايتتى.
