قازاقستانداعى مەديسينالىق ۋنيۆەرسيتەتتەر مەكتەپ تۇلەكتەرىن قابىلداماۋى مۇمكىن
مەديسينا سالاسىنداعى ءبىلىم بەرۋ جۇيەسىن جاڭعىرتۋ اياسىندا قازاقستانداعى جوعارعى وقۋ ورىندارى حالىقارالىق تاجىريبەنى زەرتتەپ جاتىر. وتاندىق مامانداردى قىزىقتىرعان تاجىريبەنىڭ ءبىرى - جوعارعى وقۋ ورىندارىنا مەكتەپ تۇلەكتەرىن ەمەس، مەديسينالىق كوللەدجى ءتامامداعان ستۋدەنتتەردى قابىلداۋ جۇيەسى، دەپ قازاقپارات حابارلايدى.
«كەز كەلگەن سالانىڭ دامۋى نەمەسە قۇلدىراۋى كادرعا بايلانىستى. حالىقارالىق تاجىريبەنى ەسكەرە وتىرىپ، مەديسينالىق ءبىلىم بەرۋدىڭ جاڭا مودەلىن جۇزەگە اسىرعىمىز كەلەدى. بۇل مودەل ستۋدەنتتەردى ىرىكتەۋگە قاتىستى. سوندىقتان، تاڭداۋ جاساۋ كەرەك، مەكتەپتە بيولوگيا مەن حيميا پاندەرىن تەرەڭدەتىپ وقىعان وقۋشىلاردى ما، الدە مەديسينالىق كوللەدجەردە وقىعان «دايىن» مامانداردى قابىلدايمىز با؟!» - دەدى بۇگىن «جەتەكشى شەتەلدىك ۋنيۆەرسيتەتتەر مەن مەديسينالىق جوو اراسىنداعى ستراتەگيالىق سەرىكتەستىكتىڭ ءبىرىنشى كەزەڭىن قورىتىندىلاۋ تۋرالى» حالىقارالىق كونفەرەنسيا اياسىندا ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا.
جالپى، مينيستر اتاپ وتكەندەي، مەديسينا سالاسىنداعى ءبىلىمدى جەتىلدىرۋ ءۇشىن وتاندىق التى ۋنيۆەرسيتەت حالىقارالىق التى ۋنيۆەرسيتەتپەن ستراتەگيالىق بايلانىس ورناتقان ەكەن. ونىڭ تورتەۋى - اقش ۋنيۆەرسيتەتى بولسا، ەكەۋى - ەۋروپانىڭ ءبىلىم بەرۋ ورىندارى ەكەن.
كونفەرەنسيا بارىسىندا س.ج. اسفەندياروۆ اتىنداعى قازاق ۇلتتىق مەديسينالىق ۋنيۆەرسيتەتى جانە ديۋك ۋنيۆەرسيتەتى (اقش)، باتىس قازاقستان مەملەكەتتىك مەديسينالىق ۋنيۆەرسيتەتى جانە ك. مارسينكوۆ اتىنداعى پوزنان مەديسينالىق ۋنيۆەرسيتەتى (پولشا)، وڭتۇستىك قازاقستان مەملەكەتتىك فارماسيەۆتيكالىق اكادەمياسى جانە گدان مەديسينالىق ۋنيۆەرسيتەتى (پولشا)، قاراعاندى مەملەكەتتىك مەديسينالىق ۋنيۆەرسيتەتى جانە لۋند ۋنيۆەرسيتەتى (شۆەسيا)، سەمەي قالاسىنىڭ مەملەكەتتىك مەديسينا ۋنيۆەرسيتەتى جانە سەنت-لۋيس ۋنيۆەرسيتەتى (اقش)، استانا مەديسينا ۋنيۆەرسيتەتى جانە لا ساپيەنسا ۋنيۆەرسيتەتتەرىنىڭ (يتاليا) ستراتەگيالىق ارىپتەستىكتىڭ 2016 جىلعا جۇمىسىن قورىتىندىلادى. 2017-2018 جىلدارعا ارنالعان جوو-نىڭ ستراتەگيالىق سەرىكتەستىكتەرىنىڭ ماقساتتارىمەن مىندەتتەرى، سونىمەن قاتار قازاقستانداعى مەديسينالىق ءبىلىمدى رەفورمالاۋدىڭ نەگىزگى كەزەڭدەرى تالقىلاندى.
You Might Also Like
-
مەكتەپتى ەركىن تاڭداۋدىڭ باس چيرليدەرىنە اينالامىن
-
اتىراۋ وبلىسى، ماقات اۋدانى، دوسسور پوسەلكەسى ماقات مۇناي جانە گاز تەحنولوگيالىق كوللەدجى ۇرپەكوۆ سەرگو وڭعارباي ۇلى «مۇناي جانە گاز كەن ورىندارىن پايدالانۋ» ماماندىعىنىڭ ءىىى كۋرس ستۋ...
