InfoHub Logo

الماتىدا EF English Proficiency Index (EF EPI)  - ءتۇرلى ەلدەردەگى ەرەسەك تۇرعىنداردىڭ اعىلشىن ءتىلىن مەڭگەرۋ دەڭگەيىن انىقتايتىن الەمدەگى ءىرى رەيتينگ ناتيجەسى ايتىلدى.

بۇل زەرتتەۋ جىل سايىن حالىقارالىق Education First (EF) مەكتەبىندە وتكىزىلىپ، 72 مەملەكەتتىڭ 950 مىڭ تۇرعىنىن قامتيدى. جاھاندىق ساۋالناماعا قازاقستان دا قاتىستى.

«الەمدىك ەكونوميكالىق تۇراقسىزدىق جاعدايىندا اعىلشىن ءتىلىن مەڭگەرۋ جۇمىسقا ورنالاسۋدىڭ مۇمكىنشىلىكتەرىن دامىتاتىن ءارى نىعايتاتىن دالەلدەنگەن داعدىلاردىڭ ءبىرى بولىپ تابىلادى. مەملەكەتتى نەمەسە كومپانيانى بولاشاقتا اعىلشىن ءتىلدى كادرلارمەن تولىقتىرۋ ءۇشىن كوپتەگەن كۇش-قايرات پەن ينۆەستيسيا قاجەت. EF EPI وسى ماسەلەلەردى شەشۋگە اتسالىسادى  جانە ءتىل ءبىلىمىن جەتىلدىرۋگە كومەكتەسەتىن بىلىكتى مامانداردى جاھاندىق تالقىلاۋعا شاقىرادى»، - دەپ اتاپ ءوتتى EF عىلىمي زەرتتەۋ ديرەكتورى ميين ن. تران.

كورسەتكىشتەرگە سۇيەنسەك، EF Education First-تە جاريالانعان EF اعىلشىن ءتىلىن مەڭگەرۋ دەڭگەيىن انىقتايتىن تەستىنە سايكەس، گوللاندىقتار الەمدە انا تىلدەرى بولماسا دا، اعىلشىن ءتىلىن مەڭگەرۋدەن الدىڭعى ورىندا تۇر؛ دانيالىقتار مەن شۆەدتەر ودان كەيىنگى ورىنداردى يەمدەنگەن. يراك، لاوس، ليۆيا ەلدەرى رەيتينگتىڭ سوڭعى جاعىندا.

قازاقستان بىلتىرعى كورسەتكىشتەگىدەي، اعىلشىن ءتىلىن مەڭگەرۋدەن تومەنگى ورىندى العان (54ء-شى ورىن).

اعىلشىن ءتىلىن مەڭگەرۋ دەڭگەيى بويىنشا ەۋروپا كوش باستاپ تۇر، بيىلعى جىلدىڭ كورسەتكىشىنە سايكەس، سونىڭ ىشىندەگى العاشقى بەستىكتى سولتۇستىكەۋروپالىق مەملەكەتتەر يەمدەنگەن.

اعىشتىن ءتىلىن مەڭگەرۋ دەڭگەيىن ىلگەرىلەتەتىن ەلدەرگە فرانسيا، كاتار جانە سينگاپۋر كىرەدى؛ كۇرت قۇلدىراۋ بايقالعان ەلدەرگە يراك، جاپونيا جانە پەرۋ جاتادى.

مالايزيا مەن فيليپپين ەلدەرىمەن قوسا سينگاپۋر دا العاش رەت رەيتينگتىڭ كوش باسىنان ورىن الدى.  

بارلىق ەلدەردەگى ورتاشا كورسەتكىش بويىنشا، اعىلشىن ءتىلىن 18-25 جاس ارالىعىنداعى جاستار جەتىك مەڭگەرگەن.  

دەرەككوز: inform.kz

---