InfoHub Logo

        اتادان ۇل تۋسا يگى، اتا جولىن قۋسا- دەپ بابالارىمىز بەكەر ايتپاعان. ءبىزدىڭ اتا- بابالارىمىز ءسوزدىڭ  مايىن تامىزعان  ءتىلماش شەشەندەر بولعان. جايلاۋدا قارا جاياۋ مال باقسا دا، مەكتەپ تابالدىرىعىن توزدىرىپ ، كىتاپ بەتىن اقتارماسا دا بىلىمگە جەتىك بولعان. وسىنداي بابالارىمىزدىڭ جولىن قۋاتىن جاس ۇرپاقتار كوپ بولسا ەل ۇشىندە، ۇلت ۇشىندە ءبىر عانيبەت. بابالار جازعان قارا ءسوزدىڭ سياسى بۇگىندە ءالى كەپپەگەن. اتاپ ايتار بولساق قازاق ەلى عانا ەمەس الەم جۇرتى تانيتىن ۇلى اقىن- اباي قۇنانبايەۆ. ابايدىڭ قارا ءسوزىن بىلمەيتىن قازاق جۇرتىندا ادام جوق دەپ ماقتانا الامىن.اباي سالعان ۇلى جولمەن ، اباي ايتقان ۇلى ءسوزدىڭ كيەسىمەن جۇرگەن مىنا بىزدەردىڭ ماقساتىمىز ايقىن، قادامىمىز نىق.

 ءوز زامانىنىڭ ويشىلى اباي. جاس ۇرپاقتى عانا ەمەس، وزىمەن زامانداستاردى دا، ءتىپتى جولى ۇلكەن جانداردى دا ءبىر اۋىز قارا سوزىمەن ءتۇزۋ جولعا سالعان، باعىت-باعدار بەرگەن عۇلاما. حالىقتىڭ جاعدايىن، الەۋمەتتىڭ، انا مەن بالانىڭ، ءىنى باۋىردىڭ، اكە مەن بالا جاعدايى سەكىلدى نارسەلەردىڭ بارلىعىن جىپكە ءتىزىپ ايتقان.سونىڭ ءبىرى جەتىنشى قارا ءسوزى  ءومىرىمنىڭ سوڭىنا  دەيىنگى باعىت بولعان ىسپەتتەس. ادامنىڭ ساناسى مەن ويى، ماقساتى مەن مۇراتى تۋىلعان شاقالاق كەزدەن باستالاتىنىن اتاپ كورسەتكەن.بۇل ومىردەن بوس كەتۋدى ەمەس، از بولسا دا ءبىر نارسەنى ۇعىپ ءوتۋدى، ىشسەم، جەسەم – دەپ ەمەس، كورسەم، بىلسەم، ۇقسام دەگەن ويمەن كۇن كەشۋدى تۇسىندىرگەن.  شىنىقساڭ شىمىر بولارسىڭ – دەمەكشى بۇل ءومىردىڭ اششىسى مەن تۇششىسىن قاتار كورىپ شىڭدالۋ ارقىلى، ىزدەنۋ ارقىلى بيىك بەلەستى باعىندىراتىنىمزعا سەنۋىمىز كەرەك.

قارا جاياۋ جاياۋ مۇسا، ۇكىسىمەن تانىلعان ۇكىلى ىبىراي، اباي، شاكارىم، قوجا احمەت ياسساۋي، ج.بالاساعۇني سەكىلدى عۇلامالار اعارتۋ ىسىمەن اينالىسقاندار، جاس ۇرپاقتىڭ قامىر جەگەندەر. اتاپ ايتقان ويشىلدارىمىز بەرگى شەتى عانا.قازاق ەلىندە  ياپىرام-اي دەپ ماقتاناتىنداي ۇلىلار وتە كوپ.

 ورىس ساياحاتشىسى پوتانين ءوز سوزىندە «قازاق حالقى عانا ەمەس،قازاق دالاسى دا ءان مەن جىرعا بولەنىپ تۇرعانداي» دەگەن ماقتاۋ سوزبەن قازاق ەلىندە قارا سوزبەن قاتار ءان مەن كۇيدە دامىعانىن ايتا الامىز.سويلەي ءبىلۋ دە ونەر.قازاقى قايماعىمىزدى جوعالتپاس ءۇشىن، جاڭا تەحنولوگيالار مەن ءبىلىمدى جەتىك مەڭگەرۋ ءۇشىن بابالار سالعان ۇلى جولمەن ءجۇرۋ كەرەك. ءسوزىڭ قۇدىرەتى- جۇرەكتىڭ تازالىعى.حالىقتىڭ ايتۋىنشا ناعىز شەشەن، ناعىز اقىن عانا كۇلىپ تۇرعان ادامدى جىلاتادى، جىلاپ تۇرعان ادامدى كۇلدىرەدى.قازاق حالقىنىڭ قانىندا مۇنداي قاسيەت بايىرعى كەزدەن بار. ەڭبەكتەگەن بالادان، ەڭكەيگەن كارىگە دەيىن حالىق اۋىز ادەبيەتىمەن سۋسىنداعان دەسەك قاتەلەسپەيمىز.ءبىزدىڭ ۇلتتىعىمىزدى، ءتىلىمىز بەن ءدىنىمىزدى ساقتايتىن ۇلى ءسوز ەكەنىن، ءتىل ەكەنىن ەشقاشان قاپەرىمىزدەن شىعارماۋىمىز كەرەك.

---