قازاقتان عىلىمعا بەلگىسىز انتيگەن تابىلدى
استاناداعى ترانسفۋزيولوگيا عىلىمي-وندىرىستىك ورتالىعى ماماندارى قازاقتىڭ بويىنان ترانسپلانتولوگيا بارىسىندا الماستىرىلعان مۇشەنىڭ ۇلاسىپ كەتۋىنە جول بەرمەيتىن انتيگەن تاپتى، دەپ xابارلايدى قازاقپارات.
گەرمانياداعى ادامنىڭ لەيكوسيتارلىق انتيگەندەرىن تىركەيتىن ارنايى ۇيىم اتالمىش انتيگەندى ءوز بازاسىنان تاپپاعان جانە قازاقستاندىق مامانداردىڭ جاڭالىعىنا تاڭدانىس ءبىلدىردى.
«ءبىزدىڭ بارلىعىمىزدا لەيكوسيتارلىق انتيگەندەر بار. ولاردىڭ سايكەسسىزدىگى دونوردىڭ مۇشەسىن رەسيپيەنتكە اۋىستىرۋ كەزىندە قيىندىقتار تۋعىزۋى ىقتيمال. سوندىقتان ءبىز ەكەۋىنىڭ دە گەندەرىن قارايمىز. ولاردىڭ سايكەستىگىن تەكسەرەمىز. ولار راستالعان كەزدە عانا ادام مۇشەلەرى مەن تىندەرىن الماستىرا الامىز. ءبىز پاسيەنتتى تەكسەرۋ كەزىندە الەمگە بەلگىسىز، عىلىمدا تىركەلمەگەن مۇلدەم جاڭا گەندەرگە تاپ بولدىق. ولار بەلگىلى ءبىر دەرتكە اسەر ەتپەيدى، بەلگىلى ءبىر پاتولوگيالارعا دا سوقتىرمايدى. ولاردى بۇرىن انىقتامالعانىنىڭ سەبەبى، قازاقتاردى مۇنداي دەڭگەيدە ءالى ەشكىم زەرتتەپ كورمەگەن»، - دەيدى يممۋنولوگيالىق تيپيرلەۋ زەرتxاناسىنىڭ مەڭگەرۋشىسى ايدا تۇرعانبەكوۆا.
ترانسفۋزيولوگيا عىلىمي-وندىرىستىك ورتالىعى ءتوراعاسىنىڭ ورىنباسارى ءسانيا ءابدىراxمانوۆا «قازاقپارات» تىلشىسىنە بەرگەن سۇxباتىندا، «DQB1*03:82» دەگەن اتاۋعا يە بولعان جاڭا انتيگەن وتە قاراپايىم ەكەندىگىن ايتتى، دەگەنمەن ول ءبىرقاتار قيىندىقتار تۋعىزۋى ىقتيمال.
«ءبىز بۇل مۋتاسيانىڭ اسەرىنەن ەمەس، اتادان بالاعا تۇقىم ارقىلى تارالىپ كەلە جاتقان نارسە ەكەنىن دالەلدەۋ ءۇشىن وتباسىلىق تەكسەرىس وتكىزدىك. دالەلدەدىك، ناتيجەلەرىن گەرمانياعا جىبەردىك. ولار بۇل انتيگەننىڭ، راسىمەن، بۇرىن-سوڭدى ەشكىمنەن تابىلماعانىن ءمالىم ەتتى. بۇل گەن وتباسىنداعى تەك ءبىر ادامنان تابىلىپ وتىر. ول دەرتكە شالدىقپاسىن دەپ تىلەيمىز. سەبەبى ول گەن مۇشە الماستىرۋ كەزىندە كەرى اسەر بەرۋى ىقتيمال. وعان دونور تابۋ قيىن بولادى. ول الەمدە جالعىز»، - دەدى ءسانيا ءابدىراxمانوۆا.
ايتا كەتۋ كەرەك، اتالمىش گەن سەكۆەنيرلەۋ كەزىندە، قۇنى 80 ملن تەڭگە بولاتىن قۇرىلعىنىڭ ارقاسىندا تابىلدى.
«وسى زەرتxانانىڭ ارقاسىندا 2011 جىلدان باستاپ قازاقستاندا ترانسپلانتولوگيا قارقىندى دامىدى. بۇل زەرتxاناسى بولماسا، ترانپلانتولوگيا جاساۋ مۇمكىن ەمەس. سوندىقتان قان ۇلگىلەرى ەڭ الدىمەن وسىندا تۇسەدى»، - دەيدى س. ءابدىراxمانوۆا.
You Might Also Like
-
قايعىلى وقيعا 5 قازان كۇنى اقتوبە وبلىسى شالقار اۋدانى تۇمالىكول اۋىلىندا بولعان ەكەن. م.ورىنباساروۆ اتىنداعى اۋىل مەكتەبىنىڭ فۋتبول الاڭىندا 11 سىنىپ وقۋشىسىنا قاقپا قۇلاپ، بالا جان تاپسىرعان.
-
اقتوبە وبلىسى مۇعالجار اۋدانىندا بالالار اراسىنداعى كيكىلجىڭنەن سوڭ مەكتەپ ءمۇعالىمى ءوز اۋىلداسىن ار-نامىسىن قورلاعانى ءۇشىن سوتقا بەردى دەپ حابارلايدى كەرەك ينفو.
