قازاتۋ باسشىسى وقىتۋشىلاردىڭ جالاقىسىن كوتەرۋدى كوزدەيدى
«ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى» اق باسقارما ءتوراعاسى اقىلبەك كۇرىشبايەۆ مەملەكەت باسشىنىڭ بيىلعى جولداۋى اياسىندا وقىتۋشىلاردىڭ جالاقىسىن كوتەرۋدى كوزدەيدى.
«قازىرگى كەزدە ەلباسىنىڭ جولداۋىن ىسكە اسىرۋدىڭ جوسپارى دايارلانىپ جاتىر. ءبىز وعان ءۇن قوسۋىمىز قاجەت. كۇنى كەشە ءبىلىم جانە عىلىم مينيسترلىگىنە، سونداي-اق اۋىل شارۋاشىلىعى مينيسترلىگىنە حات دايىندادىق. سوندا مەملەكەت باسشىسىنىڭ ءاربىر تاپسىرماسى بويىنشا ءوز ۇسىنىسىمىزدى جازدىق»، - دەدى كۇرىشبايەۆ بۇگىنگى جيىن بارىسىندا.
ونىڭ ايتۋىنشا، حاتتا كورسەتىلگەن ۇسىنىستاردىڭ ءبىرى - قازاق اگروتەحنيكالىق ۋنيۆەرسيتەتتىڭ بازاسىندا عىلىمي-زەرتتەۋ ۋنيۆەرسيتەتىن قۇرۋ. سونداي-اق تەحنيكالىق بازانى كۇشەيتۋ ماسەلەسى قاراستىرىلعان. «ءۇشىنشى ماسەلە - وقىتۋشىلاردىڭ جالاقىسى. شەتەلدە وقىتۋشىلاردىڭ جالاقىسى جوعارى. دەمەك، ادامنىڭ ەڭبەگى لايىقتى باعالانادى. ارينە، ءبارى ەل بيۋدجەتىنە بايلانىستى. ءبىز مەملەكەتتىك گرانتتاردىڭ كولەمىن ۇلتتىق ۋنيۆەرسيتەتتەردىڭ دەڭگەيىنە دەيىن كوتەرۋدى ۇسىنىپ وتىرمىز. شەتەلدىڭ قاي جەرىنە بارساڭ دا، بارلىق جوعارى وقۋ ورىندارىنا تەڭ قارايدى. ءسويتىپ، باسەكەلەستىك قىزا تۇسەدى. ال بىزدە ونداي باسەكەلەستىك جوق. سەبەبى ۇلتتىق ۋنيۆەرسيتەتتەرگە بەرىلەتىن گرانتتاردىڭ سوماسى 646 مىڭ تەڭگەگە دەيىن جەتسە، بىزدە 346 مىڭ تەڭگەنى قۇرايدى. سونىڭ سالدارىنان جالاقىنىڭ كولەمى دە تومەن بولادى. ولاي بولعان دۇرىس ەمەس. ءبىز گرانتتاردىڭ سوماسىن تەڭەستىرۋدى ۇسىنىپ وتىرمىز»، - دەيدى اقىلبەك قاجىعۇل ۇلى.
You Might Also Like
-
قازىرگى زاماندا ءبىلىم بەرۋ پاراديگماسى وزگەردى، ءبىلىم بەرۋدىڭ مازمۇنى جاڭارىپ، جاڭا كوزقاراس، جاڭاشا قارىم-قاتىناس پايدا بولدى. جاڭا عاسىر – جاڭا ءبىلىم بەرۋدى جۇكتەپ وتىر. پەداگوگتاردىڭ الدىن...
-
ءزىمبىر – عالامشارىمىزداعى ەڭ پايدالى ءارى ءدامدى دامدەۋىشتىڭ ءبىرى. ول – قۇنارلى زاتتارعا، بيولوگيالىق بەلسەندى قوسىلىستارعا باي. ءزىمبىر مەن ليمون شايىن ىشكىڭىز كەلە مە؟ مۇمكىن ءزىمبىر قوسى...
