InfoHub Logo

پوشتا وپەراتورى 2018 جىلدىڭ باسىندا «قازپوشتا قىزمەتتەرىن ءۇشىنشى تۇلعالار ارقىلى كورسەتۋ ءۇشىن فرانچايزينگ مودەلىن ەنگىزۋ» جوباسىن باستاعان بولاتىن. جوبانىڭ باستى ماقساتى – پوشتا قىزمەتتەرىن حالىققا  قولجەتىمدى ەتۋ.

«بۇگىنگى كۇنى قازاقستاننىڭ بارلىق قالالارىندا قازپوشتانىڭ 100 فرانچايزەر-سەرىكتەستەرى جۇمىسىن اتقارادى»، – دەپ حابارلادى قازپوشتانىڭ باسپا ءسوز قىزمەتى.

«ءبىز فرانچايزەر-سەرىكتەستەرىمىزگە دايىن باعدارلامانى ۇسىنامىز، قىزمەتكەرلەرىن ۇيرەتىپ، ۇيىمداستىرۋشىلىق جانە ماركەتينگتىك،  سونداي-اق كولىكتىك-لوگيستيكالىق سۇيەمەلدەۋ جۇمىستارىن كورسەتەمىز. مۇنداي سەرىكتەستىكتىڭ ارقاسىندا شاعىن جانە ورتا بيزنەستەر تابىس تابۋدا، ال قازپوشتا ءوز جەلىسىن كەڭەيتۋدە»، – دەيدى «قازپوشتانىڭ» كوممەرسيالىق دەپارتامەنتىنىڭ ديرەكتورى زاميرا جۇماعۇل.

ەندى پوشتا بولىمشەلەرىنە بارماي-اق سالەمدەمەلەردى الۋعا نەمەسە جىبەرۋگە، اۋە جانە تەرمىرجول بيلەتتەرىن ساتىپ الۋعا، كوممۋنالدىق تولەمدەردى جانە سالىقتاردى تولەۋگە بولادى. كاسىپكەرلەر دۇكەندەرىندە، جانار-جاعارماي قۇيۋ ستانسيالارىندا جانە باسقا دا جەرلەردە قازپوشتانىڭ قىزمەتتەرىن كورسەتىپ، سونىمەن قاتار ءوز تاۋارلارىن ساتا الادى.

انىقتاما ءۇشىن ايتا كەتسەك، فرانچايزينگ – بەلگىلى ءبىر كومپانيا كەلىسىمشارتتىق قاتىناس ارقىلى بەلگىلى ءبىر ادامعا، كومپانياعا نەمەسە ۇيىمعا ءوزىنىڭ اتاۋىن، ونىڭ بەدەلىن، ونىمدەرى مەن قىزمەتتەرىن، ماركەتينگتىك تەحنولوگيالاردى، ساراپتامانى جانە قولداۋ مەحانيزمدەرىن پايدالانۋ قۇقىعىن بەرەتىن بيزنەس-ۇيىم ۇلگىسى.

---