جاستارعا ۇندەۋ
س.سەيفۋللين اتىنداعى №165 ورتا مەكتەپتىڭ
10 سىنىپ وقۋشىسى ساعىنتاي قىزى اياۋلىم
قىزىلوردا ءوىىد ەبقكب تاراپىنان جاريالانعان سايىسقا
ءومىر... بۇل ءسوزدى ءبىز قانشالىقتى تۇسىنەمىز، قانشالىقتى باعالايمىز؟ بۇل ومىرگە ءبىزدى نە ءۇشىن جاراتتى؟ ءبىزدىڭ ماقساتىمىز نە؟ وسى سۇراقتارعا ءبىر ءسات وي توقتاتىپ كوردىك پە؟ سان سۇراق قويىلادى، جاۋابى دا ونىڭ سان الۋان بولۋى عاجاپ ەمەس. دەگەنمەن، وسى تىرلىكتە ادام بولىپ دۇنيە ەسىگىن اشقان سوڭ، ادام بولىپ ءومىر ءسۇرۋىمىز كەرەك.
ءقازىر عىلىم مەن تەحنيكا كۇن ساناپ وزگەرىپ، ساعاتتاپ تۇرلەنىپ جاتىر. وسى كوشتەن قالماۋ ءۇشىن ءبىلىمنىڭ بيىگىندە بولىپ، بويىمىزدى تازا ۇستاۋىمىز قاجەت. دەسەك تە كەي جاستارىمىز ءوز ومىرىنە، دەنساۋلىعىنا بالتا شابۋعا قۇشتار-اق كەلەدى. شىلىم شەگىپ، ناشاعا تاۋەلدى بولىپ، ءمانى مەن ماعىناسى جوق "ءلاززاتقا " قۇشتار بولادى. شىلىم شەگۋ - ەسەيگەندىك بەلگىسى دەپ سانايتىندار دا كەزدەسەدى. ارينە بۇل الدامشى پىكىر. شىن ەسەيۋ - شىلىم مەن ناشا ەمەس، سالاۋاتتى ءومىر سالتىن ساقتاپ، وتباسىنا قامقورشى بولۋ ەمەس پە؟
كەرەمەتتەي بالالىق شاعىندا ءوزىن زيانكەستى ادەتتەرگە ۇيرەتىپ، بولاشاعىن بۇلىڭعىر ەتكەن جاستارعا "ويلان!" دەگىم كەلەدى. سەنى اناڭ نە ءۇشىن ماپەلەپ ءوسىردى، اكەڭ نە ءۇشىن قاراجات تاۋىپ، بار قاجەتىڭدى تاۋىپ بەردى؟ سول اتا-اناڭنىڭ ايالاپ، ماپەلەپ وسىرگەن ەڭبەگىن وتەۋىنىڭ جەمىسى - سەنىڭ جاقسى وقۋ ورنىنا ءتۇسىپ، سالاۋاتتى ءومىر سالتىن ۇستانىپ، جەتىستىككە جەتكەنىڭ.
بولاشاعىڭ باقىتقا ورانىپ، ارمانىڭ اسقاق بولسىن دەسەڭ - زيانكەستى زاتتاردان اۋلاق بولىپ، دوستارىڭا دا تالاپ قويا ءبىل! بۇل سەنىڭ ءوز دەنساۋلىعىڭا، دوسىڭا دەگەن ادال نيەتىڭ دەپ ءتۇسىن؟ مەن ساعان سەنەمىن، جاس دوس!
You Might Also Like
-
ىستەمى، ەستەمى (كىتاي جازبالارىندا شي-دە-مي، گرەك جازبالارىندا ستەمۆيس، مەناندر جازباسىندا ديزاۆۋل ەسىمدەرىمەن اتالادى) (ت.ج.ب. - 576 ج.) قاعان — كورنەكتى ەجەلگى تۇرىك ءامىرشىسى ءارى قولباسشىسى...
-
پوشتا وپەراتورى 2018 جىلدىڭ باسىندا «قازپوشتا قىزمەتتەرىن ءۇشىنشى تۇلعالار ارقىلى كورسەتۋ ءۇشىن فرانچايزينگ مودەلىن ەنگىزۋ» جوباسىن باستاعان بولاتىن. جوبانىڭ باستى ماقساتى – پوشتا ق...
