قازپوشتا اۋىل تۇرعىندارىنا ومىرلىك ماڭىزى بار قىزمەتتەردى جەتكىزۋدە
بۇگىنگى تاڭدا قازپوشتانىڭ بۇكىل قازاقستان بويىنشا 800 اۆتوماتتاندىرىلعان فيليالدارى ارقىلى تەمىرجول جانە اۋە بيلەتتەرى ساتىلۋدا. ونىڭ ەلىمىزدىڭ تۇكپىر-تۇكپىرىندەگى بولىمشەلەرىنىڭ كومەگىمەن حالقىمىز اۆتوكولىكتەرىن ساقتاندىرىپ، بانكتىك نەسيەلەرىن الىپ جاتىر. بۇعان قوسا، دەپوزيتتەر راسىمدەپ جانە جەكە نەسيە ەسەپتەرىن شىعارادى.
«قازپوشتا» اق وتاندىق جانە حالىقارالىق ءىرى بانكتەرمەن حالىققا نەسيە بەرۋ بويىنشا بەلسەندى تۇردە بىرلەسىپ قىزمەت ەتۋدە. ولاردىڭ قاتارىنا: Homebank، الفا-بانك، ازيا كرەديت بانكى ەۋرازيالىق بانك جانە تۇرعىن ءۇي قۇرىلىس جيناق بانكى دە كىرەدى.
«بۇل جوبانى وڭىرلەردە دامىتۋ بىزگە «ومىرلىك ماڭىزدى» قىزمەتتەردى اۋىل تۇرعىندارىنا جاقىنداتۋعا مۇمكىندىك بەردى. بۇرىن اۋىلدىڭ تۇرعىنى تەمىرجول بيلەتىن ساتىپ الۋ نەمەسە ەكىنشى دەڭگەيلى بانكتەردىڭ قىزمەتتەرىن پايدالانۋ ءۇشىن كەم دەگەندە وڭىرلىك ورتالىققا بارۋعا ءماجبۇر بولاتىن. ەندى كەڭ اۋقىمدى قازپوشتا جەلىسىنىڭ ارقاسىندا ءبىز جوبانى قازاقستان بويىنشا، اتاپ ايتقاندا ەلىمىزدىڭ شالعاي اۋداندارىندا جۇزەگە اسىرا الدىق»، - دەيدى اگەنتتىك بيزنەس دەپارتامەنتىنىڭ ديرەكتورى ايدا يسانوۆا.
سونداي-اق، اگەنتتىك قىزمەتتەردى دامىتۋدا سونىمەن بىرگە جاڭا تەحنولوگيالارعا ستاۆكا جاسالعان. بارلىق سەرىكتەس باعدارلامالارى كليەنتكە جىلدام قىزمەت ەتۋگە مۇمكىندىك بەرەتىن ءبىرىڭعاي وپەراتور تەرەزەسىندە بىرىكتىرىلىپتى.
تاعى دا ايتا كەتەتىن جايت، جەكە تۇلعالاردى تانۋ جۇيەسى ەنگىزىلگەن. وسىعان سايكەس، بيومەتريالىق پارامەترلەر بويىنشا كليەنتتىڭ بەت ءپىشىنى قۇجاتتا بەرىلگەن فوتوسۋرەتكە سايكەس تەكسەرىلەدى.
«ءبىزدىڭ تاعى ءبىر ماڭىزدى جەتىستىك سەرىكتەستىك بونۋستىق باعدارلامالارى ارقىلى ءبىزدىڭ وپەراتورلارىمىزعا قوسىمشا قارجىلىق ىنتالاندىرۋ مۇمكىندىگى بولدى»، - دەپ اتاپ ءوتتى ا. يسانوۆا.
You Might Also Like
-
ماڭعىستاۋ وبلىسى بەينەۋ اۋدانى "اباي اتىنداعى ورتا مەكتەبى" كمم-نىڭ 10-سىنىپ وقۋشىسى، دۇيسەنوۆا گۇلدانا اسىقباي قىزى اۋداندىق «دارىن»، «كىشى عىلىم» عىلىمي ...
-
تەلىمسىز ويىق جارالى كوليت — توق ىشەكتىڭ سوزىلمالى، قايتالامالى سىرقاتى. ول توق ىشەك شىرىشتى قاباتىنىڭ ويىق جاراسىمەن جانە قابىنۋىمەن قاتار اۋىر جايىلمالى زاقىمدانۋىمەن سيپاتتالادى.
