قازپوشتانىڭ ەلەكتروندى قىزمەتتەرى كۇن ساناپ ارتۋدا
قازپوشتانىڭ قىزمەتتەرى ەندى ەلەكتروندى تۇردە كورسەتىلەدى. ياعني، وز-وزىنە قىزمەت كورسەتۋ بۇرىشتارى مەن روبوتتاردىڭ كومەگىمەن بارلىق قاجەتتى قىزمەتتەردى الا الاسىز. بۇل تۋرالى aigak.kz اقپاراتتىق اگەنتتىگى جازدى.
«سيفرلىق قازاقستان» مەملەكەتتىك باعدارلاماسى مەن قازپوشتانىڭ «ترانسفورماسيا» باعدارلاماسىنىڭ اياسىندا بۇگىندە كومپانيادا ەلەكتروندى قىزمەتتەر ءجيى كورسەتىلۋدە.
«ەلەكتروندى قىزمەتتى قولدانۋشىلاردىڭ العاشقىسى شىمكەنت قالاسىنىڭ اكىمى عابيدوللا ءابدىراحىموۆ بولدى. قالا اكىمى ينتەرنەت ارقىلى ساۋدا جاساۋعا ارنالعان كارتوچكانى، تاپسىرىس بەرگەننەن كەيىن نەبارى 10 مينۋتتا قولىنا الدى. وسى سەكىلدى قازاقستان قالالارى اراسىندا جەدەل حاتتار جولداۋ، كوممۋنالدى تولەمدەر دە ەلەكتروندى تۇردە بولماق»، – دەلىنگەن باسىلىمدا.
بۇعان قوسا، قازپوشتانىڭ سيفرلىق كەڭسەلەرى دە كوبىرەك بوي كوتەرىپ جاتىر. قازىرگى تاڭدا قازاقستان بويىنشا 7 سيفرلىق كەڭسە بار. 7ء-شىسى شىمكەنت قالاسىندا اشىلعان بولاتىن. الداعى ۋاقىتتا تۇركىستان قالاسىندا اشىلادى دەپ جوسپارلانۋدا. پوشتا جەلىسى بيزنەس پەن حالىق ءۇشىن ەلەكتروندىق ساۋدانى، كولىك-لوگيستيكالىق سەرۆيستى سونىمەن قاتار قارجىلىق قىزمەتتەردى دامىتۋدىڭ ءتيىمدى قۇرالى بولىپ تابىلادى.
قازپوشتا ارقىلى كوممۋنالدىق تولەمدەر، سالىق جانە باسقا دا تولەم تۇرلەرى، اقشا اۋدارىمدارى، دەپوزيت سالىمىن قابىلداۋ، حالىقارالىق تولەم كارتوچكالارىن راسىمدەۋ، جەكە جانە زاڭدى تۇلعالارعا بانك شوتىن جۇرگىزۋ مەن اشۋ، زەينەتاقى، ەڭبەكاقى، الەۋمەتتىك جاردەماقى تولەمدەرىن قابىلداۋ، اۋە جانە تەمىر جول بيلەتتەرىن ساتۋ، نەسيە (بانك حوۋمكرەديت ارقىلى) تولەۋ، نەسيەلىك بيۋرو، ترانسفەر-اگەنتتىك، شەتەلدەن ينتەرنەت-دۇكەن ارقىلى تاپسىرىس قابىلداۋ سىندى قىزمەتتەردى الۋعا بولادى.
You Might Also Like
-
جىلۋ ەلەكتر ستانسياسى (جەس) — جىلۋمەن جابدىقتاۋدىڭ ورتالىقتاندىرىلعان جۇيەلەرى ءۇشىن ەلەكتر ەنەرگياسىن عانا ەمەس، سونىمەن قاتار جىلۋ ەنەرگياسىن دا وندىرەتىن جىلۋ ەلەكتر ستانسياسىنىڭ ءتۇرى.
-
№39 «قىزىلوزەك» ورتا مەكتەبىنىڭ دەنە شىنىقتىرۋ ءپانى ءمۇعالىمى قايىربەكوۆا مەرۋەرت
