قىس
№103 جالپى ورتا مەكتەبىنىڭ
2 «ا» سىنىپ وقۋشىسى: شەرالى نۇراي
سىنىپ جەتەكشىسى: سيحوۆا جۇماكۋل
قىس كەلدى. كۇن سۋىتا باستادى. ءار مەزگىلدىڭ وزىنە ءتان ەرەكشەلىگى بار. قىس مەزگىلى ءوزىنىڭ اپپاق قارىمەن، سىقىرلاعان ايازىمەن، كوك ايدىن مۇزىمەن ەرەكشە. قىستىڭ تاڭعى سالقىن اۋاسى كەرەمەت كۇيگە بولەيدى. قارعا كۇن ساۋلەسى ءتۇسىپ، كوز تويمايتىنداي جارقىرايدى. دالا تىپ-تىنىش، اينالا اپپاق قار. اق ۇلپا قار جامىلعان اعاشتار، ۇيلەر، تاۋلارداعى قىس كورىنىستەرى كوزدىڭ جاۋىن الادى. قىس مەزگىلىنىڭ تاعى ءبىر ەرەكشە كورىنىسى -قىسقى ويىندار. قىسقى ويىندار وتە قىزىقتى، سوندىقتان بالالار قىس مەزگىلىن اسىعا كۇتەدى. ءبىرى شانامەن سىرعاناپ، ءبىرى اققالا جاساپ، ءبىرى قار اتىسىپ ويناعان بالالاردىڭ كوڭىلدى جۇزدەرىمەن داۋىستارى ەرەكشە كوڭىل-كۇي سىيلايدى. قىستى اسىعا كۇتۋىمىزدىڭ تاعى ءبىر سەبەبى-جاڭا جىل مەرەكەسى. اسىرەسە بۇلدىرشىندەر اپپاق قاردان اققالا جاساپ، شىرشا بەزەندىرىپ، اياز اتا مەن اقشا قاردى كورۋگە اسىعادى. بارلىعى اق تىلەكتەرىن ءبىلدىرىپ، سىيلىقتارىن بەرەدى. قۋانىشى مەن قىزىعى مول قىس مەزگىلىن وتە جاقسى كورەمىن.
You Might Also Like
-
№103 جالپى ورتا مەكتەبىنىڭ 4 «ۆ» سىنىپ وقۋشىسى قونىسبەك اڭساعان سىنىپ جەتەكشىسى: تاعايەۆا زاميرا
