InfoHub Logo

قىس ەڭ ادەمى ماۋسىمداردىڭ ءبىرى بولسا كەرەك، ادەتتە وسى كەزەڭدە ادامدا جاڭا اۋەس، جاڭا قىزىعۋشىلىق پايدا بولادى، جاڭا نارسە كورگىسى كەلەدى. بىرەۋ شاڭعى نەمەسە سنوۋبوردتقا ءبىرىنشى رەت تۇرسا، بىرەۋلەر كونكي تەۋىپ كورەدى، جالپى قازاقستاندىقتار تاۋ شاڭعى شيپاجايلارى مەن مۇز ايدىندارىنا ءجيى بارۋدا. بارشامىزعا ءمالىم بولعانداي، بۇل عانيبەت اقىلى بولۋمەن قاتار ارزان دا ەمەس.

وسىعان وراي Bilim-all.kz پورتالى مەن حوۋم كرەديت بانكى بىرلەسىپ قىسقى دەمالىس ۋاقىتىن ءتۇرلى جەڭىلدىكپەن ءتيىمدى وكىزۋگە ارنالعان بىرنەشە كەڭەسپەن ءبولىسۋدى ءجون سانادى.

جەڭىلدىككە نەمقۇرايلى قاراماڭىز

قازاقستاندا ويداعىداي جۇمىس جاسايتىن بىرنەشە كۋپوناتور سايتتارى بار، مىسالى، Chocolife.me، Blizzard.kz جانە باسقالارى.

قىستا بۇل پورتالداردا مەدەۋ سپورت كەشەنىنە نەمەسە شىمبۇلاق، اقبۇلاق سياقتى تاۋ-شاڭعىلىق كۋرورتتارىنا، سونداي-اق باسقا دا وتباسىلىق ويىن-ساۋىق ورتالىقتارىنا دا جەڭىلدىك ۇسىنىستارى ەرەكشە كوپ بولادى.

جەڭىلدىكتەردى مۇقيات سارالاپ كورىڭىز، ويتكەنى كۋپوندارمەن قارۋلانىپ الساڭىز، كوڭىلدى ۋاقىت وتكىزۋدىڭ  شىعىندارىن 90%-عا دەيىن ۇنەمدەي الاسىز. باستىسى –  قايدان ىزدەۋ كەرەك ەكەنىن ءبىلۋ.

جابدىقتاردى جالعا الۋدى توقتاتىڭىز.

ەگەر ءسىزدىڭ قالاڭىزدا كونكيمەن سىرعاناۋ نەمەسە شاڭعى تەبۋ سەكىلدى قىسقى ويىن-ساۋىق تۇرلەرى بەلسەندى دامىعان بولسا، وندا وزىڭىزگە جابدىقتاردى ساتىپ الۋدى ويلاستىرىڭىز. ولاردى ۇنەمى جالعا الىپ وتىرساڭىز، ءسىز بۇل جابدىقتىڭ قۇنىن اسىرا تۇسەتىنەن بايقامايسىز. مىسالى، ساپالى كونكي باعاسى ورتاشا 30 000 تگ دەيىن. كونكيدى ءبىر رەتتىك جالعا الۋ 2 ساعاتقا شامامەن 1000 تگ-دەن 1500 تگ دەيىن بولادى. مۇز ايدىنىنا شامامەن ءار سەنبى بارساڭىز، ال «سىرعاناۋ» ماۋسىمى ءۇش ايدان التى ايعا دەيىن بولاتىنىن ەسكەرسەك، ماۋسىم سوڭىندا ورتا ەسەپپەن 18 مىڭنان 30 000 عا دەيىن تەڭگە جۇمسايسىز. ۇزاق مەرزىمدى پايدانى ويلاڭىز. 30 000 تەڭگە تۇراتىن كونكي كەمىندە 5 جىل سىزگە قىزمەت جاساپ بەرەدى، سونىمەن قوسا ولاردى ءار پايدالانعانىڭىز ءۇشىن ۇنەمى اقى تولەۋ قاجەت ەمەس. ايىرماشىلىعى جاقسى، ءيا؟ وعان جەتكىلىكتى قاراجاتىڭىز بولماسا، ولاردى الۋ ءۇشىن ءبولىپ تولەۋدى راسىمدەۋىڭىزگە بولادى. ەندى وسىعان جەكە گيگيەناسىن تاعى قوسىڭىز.

تۋريستىك اگەنتتىكتەر باقىلاۋىڭىزدا بولسىن

سوڭعى كەزدەرى قازاقستاندىقتار جاڭا جىل مەرەكەلەرىندە بەلسەندى دەمالىستار ءۇشىن شەتەلگە ءجيى باراتىن بولدى. مىسالى، كورشى قىرعىزستانداعى «كاراكول» تاۋ-شاڭعىلىق كۋرورتىنا نەمەسە ودان دا الىسقا، رەسەيدەگى تانىمال روزا حۋتورعا. كەيدە تۋريستىك اگەنتتىكتەر بارلىق جوسپارلانعان جولدامالاردى وتكىزىپ ۇلگەرە الماي جاتادى. بۇل جاعدايدا «ىستىق ساياحات» دەگەن بەلگىمەن ۇلكەن جەڭىلدىكتەر ىسكە قوسىلادى. بۇل جاعدايدا «قىسقى ساياحاتتى» وزىندىك قۇنىنا جاقىن باعاعا العان بولاسىز. ەگەر ءوزىڭىزدىڭ نەمەسە بالالارىڭىزدىڭ جانى جاڭا جىلدى شەتەلدە شاڭعىمەن سىرعاناپ وتكىزۋدى قالاپ تۇرسا، وندا تۋريستىك اگەنتتەردىڭ سايتتارىن قازىردەن باستاپ باقىلاۋىڭىز ارتىق بولماس. ءبىراق مۇقيات بولىڭىز، سىزبەن اگەنتتىك اراسىنداعى شارتتىڭ تالاپتارىمەن تولىق تانىسىپ شىعىڭىز. ويتكەنى ارمانىڭىزداعى دەمالىس ۋادەلەسپەگەن شارتتارمەن وڭاي بۇزىلۋى مۇمكىن.

قىسقى زاتتاردى جازدا ساتىپ الۋعا تىرىسىڭىز

بولاشاق ءۇشىن كەڭەس — قىسقى زاتتاردى جازدا العان ءارقاشان ءتيىمدى. ادەتتە، كۇننىڭ جىلىنۋىمەن دۇكەندەردىڭ ۇلكەن دە كىشى دە ساتىلماعان كوللەكسياسىن «جويۋعا» تىرىسادى. وسىدان وتە ۇلكەن جەڭىلدىكتەردىڭ پايدا بولۋىن تۇسىنۋگە بولادى (90% دەيىن). سپورتقا ارنالعان سىرت كيىم، تولستوۆكا، حوككەي تاياقشاسىن، كونكي جانە تاعى باسقا كوپتەگەن زاتتاردى الۋعا كەرەمەت مۇمكىندىك. تاعى ايتا كەتەتىن جايت، كەيبىر سپورت دۇكەندەرى جاڭا جىلدىڭ الدىندا دا كيىم مەن جابدىقتارعا 50% -عا دەيىن جەڭىلدىكتەر جاساۋى مۇمكىن. مىسالى، سنوۋبوردقا ارنالعان جيىنتىق: بورد، بەكىتكىش جانە باتەڭكەنى 120-150 مىڭعا ەمەس، 60-75 مىڭعا ساتىپ الۋعا بولادى. ىزدەنىڭىز، سۇراڭىز، سوندا قىسقى ماۋسىم جەڭىلدىكتەر مەن ءتيىمدى شوپينگتىڭ بالاماسى بولىپ ويىڭىزدا قالىپتاساتىن بولادى.

---