قىز كورەتىن جىگىتتى ءبىز كورەيىك
بالقاشتاعى سارىۇيسىندەردىڭ ءبىر سەرى جىگىتى رۋلى ەلدەن قىز تاڭداپ، جاقتىرماپتى. اقىرى قۋداعى قاراكەسەك، شانشار اۋىلدارىنىڭ بىرىنە كەلەدى. مۇندا ءبىر ورتا شارۋا ادامىنىڭ ءتورت قىزى بىردەي سۇلۋ، شەشەن ەكەن. جەرلەس جىگىتتەر قانشا قىزىعىپ، قۇمارتسا دا ونەر اسىرا الماي، ءسوز ايتا الماي ءجۇرىپتى.
ءۇيسىن جىگىت قونعان ءۇيىنىڭ يەسى ءجون سۇراعاندا: «قىز كورەيىك دەپ ەدىك» دەسە كەرەك. شانشاردىڭ ءتورت سۇلۋ قىزى ونى تۇندە سەزىپ، تاڭەرتەڭ «قىز كورەتىن جىگىتتى ءبىز كورەيىك» دەپ، قوناقتار اق وتاۋدا وتىرعاندا وزدەرى كىرىپ كەلەدى. توردەگى سەرىنى بايقاسا، مۇرنى قوڭقاق، جاعى سوپاقتاۋ ەكەن.
ءتورت قىزدىڭ ءبىرىنشىسى تۇرىپ:
— بارەكەلدى، مىنە، مۇرىن، — دەيدى.
ەكىنشى قىز تۇرىپ وعان:
— كورگەن جوق پا ەڭ بۇدان بۇرىن؟ — دەيدى.
ءۇشىنشى قىز تۇرىپ:
— ءوزىنىڭ ۇستىنە شىعىپ قاراۋىل قارار ما ەدى، — دەيدى.
ءتورتىنشى قىز تۇرىپ سوندا:
— ە، قاراسا، كورىنەر ەدى سەمەيدەن ومبى بۇرىن، — دەپتى.
قىز تاڭداعان جىگىت بەتىنەن وتى شىعىپ، ۇندەي الماي، قايتىپ كەتىپتى.
You Might Also Like
-
ءبىر جالقاۋ دالادا جاياۋ جۇرگەندە ءسۇرىنىپ جىعىلىپتى. ءبىراز جۇرگەننەن كەيىن تاعى دا جىعىلادى. ورنىنان تۇرماي جاتىپ:
-
اقمولا دۋانباسىلارىنىڭ بىرەۋى ىبىراي تورەنىڭ ۇيىندە سۇيىندىك ەلىنىڭ باستى ادامدارى تۇستەنىپ وتىرادى. دالادان ۇيگە ۇرەيلەنە قورقىپ جۇگىرىپ ەنگەن ءبىر بالا:
