InfoHub Logo

اقمولا قالاسىنىڭ توڭىرەگىندەگى كەرەي رۋلارىنىڭ ءبىر اۋلىندا اۋقاتتى بىرەۋدىڭ كەمپىرى كەنەت قايتىس بولادى. اۋىل ادامدارى اياۋلى بايبىشەنى تازا ارۋلاپ، تەرەڭ جەرلەۋگە كىرىسەدى.

جۇرت ءقابىر قازىپ جاتقاندا توسكەيدەن ءۇش جولاۋشى بۇرىلىپ كەلىپ:

— ۋا، كومەر كوبەيسىن! — دەسەدى.

كەرەي جىگىتتەرى بۇل سوزگە قاتتى نامىستانىپ شامداندى.

— ءبىز ءبىر كەمپىردى قويا الماي اۋرەلەنىپ جاتقاندا، بۇكىل جۇرتقا ءولىم تىلەپ، «كومەر كوبەيسىن» دەگەنىڭ نە؟ — دەپ ءۇش جولاۋشىنى باس سالىپ سابايدى.

كەرەي جىگىتتەرىنىڭ استىندا سوققىعا جىعىلعان ءۇش جولاۋشىنىڭ بىرەۋى سوندا:

— ۋا، كەرەيلەر، قولدارىڭ قاندانىپ، اۋىزدارىڭ مايلانىپ تۇر ەكەن. ءبىزدى ۇرا تۇسىڭدەر، — دەپتى.

ەلدىڭ اقىل-ەستى ءبىر قارياسى ارا ءتۇسىپ:

— بۇلار شانشار قۋى ەكەن. سوزىنە ءسوز ايتىپ ۇتۋىمىز كەرەك ەدى، ويتە المادىڭدار. «ءسوز تاپقانعا قولقا جوق». ولار ادەيى بوگەۋ ءۇشىن ايتتى عوي، تيمەڭدەر، — دەپ بوساتتىرىپ جىبەرىپتى.

---