قىزعالداقتاي قىز ءقادىرىن ەسكەرسىن!
اللانىڭ عالاماتى شەكسىز دە شەتسىز. ءار جاراتىلىستار ءوز ەرەكشەلىگىمەن ايگىلەنەدى. “ادامزات”، “تابيعات”، “اڭ-قۇستار” مەيلى تاعى-تاعىسىندا تىلسىم كۇشپەن كورنەكتىلەندىرىپ، ءوز قاسيەتتەرىمەن ومىرلىك بولىمىستارىن دارالاندىرىپ بەرگەندى.
ادامزاتقا اقىل-وي بەرسە، اڭ-قۇستارعا ەركىندىك بەرىپ، ال ءبارىمىزدى تابيعات قۇشاعىنا تاۋەلدى ەتتى…بىر-بىرىمەن تىلسىم بايلانىستا جاتقان وسى ءبىر ءومىردىڭ جازىلعان زاڭىنان ەشكىمدە اسىپ كەتە المايدى. بۇل ءومىر زاڭى اللانىڭ جازىمىشى.
ەسكەرە كەتەر بولساق قازىرگى كۇندە ءبىز وسى ءومىر زاڭىنىڭ ارناسىنان اۋىتقىپ، ءوز يدەيامىزبەن قولدان جاساپ العان زاڭدارعا باعىنىشتى بولىپ بارامىز.
ەستەرىڭىزدەمە؟
وتكەندە التى تال قىزعالداق ءۇشىن توعىز ميلليون ايىپ پۇلعا قالعان اعامىزدىڭ اشىنىشتى جاعىدايى بارشا جۇرتتى ءبىر دۇرلىكتىرىپ العانى... سول اڭگىمەدەن كەيىن وسى جاعىداي ماعان قاتتى ءبىر وي سالعان ەدى.
قىزعالداقتىڭ عۇمىرى تىم نازىك قوي.
كوكتەممەن بىرگە گۇل اشىپ، كۇز كەلە كوركىنەن ايىرىلاتىن وسى ءبىر گۇل شوقتارى اللانىڭ تابيعاتقا سيلاعان سيى. قىزعالداقتى ادام قولىمەن جۇلماسادا، تابيعاتتىڭ قۇبىلىسىمەن، ماۋسىمداردىڭ الماسۋىمەندە ساباعىنان ءۇزىلىپ قالاتىنى ايدان انىق.
ارينە. قورشاعان ورتامىزدى قورعاۋىمىز دۇرىس. ءبىراقتا، قورعاۋدىڭ ءجونى وسى ەكەن دەپ ءبىر تال جابايى قىزعالداقتىڭ قۇنىن ءبىر جارىم ميلليون دەپ باعالاۋ تىم ماسقارا. مەمىلەكەتىمىزدىڭ زاڭىمەن سويلەر بولساق، ءبىر قىزعالداق قۇنى ءۇش ادامنىڭ قۇنىنا تەڭ كەلەدى.
سوندا ادام قۇنى جابايى گۇلدەندە قۇنى تومەن بولعانى ما؟
بۇل تۋرالى وتكەندە الماتى قالاسىندا وزدىرىلعان اسىل دومبىرا ايتىسىندا نۇرلان اعامىزدا:«جەردىڭ ءبارىن جات ەلدەرگە ساتىپ بەرىپ، جەر بەتىندەگى قىزعالداقتى قورۋىڭ كىمگە كەرەك؟» دەگەن ولەڭ شۋماقتارىن ايتىپ كورەرمەن كوڭىلىنە ادەمى وي سالىپ بەرگەن بولاتىن. جات تابانىنا كەتىپ جاتقان جەردى جوقتاماي جەلمەن بىرگە جوعالار گۇلدى جوقتاۋ شىنىمەن كۇلكىلى جاعىداي عوي!...
-جارايدى. مۇنىڭ ءبارىن قويا تۇرايىق.
قىزعالداقتى دا قوريىق. ويلاپ قاراڭىزدارشى قىز عۇمىرى قىزعالداقتىڭ عۇمىرىنداي نازىكتە كوركەم عوي. ەندەشە وسى نازىكتىكتىڭ نارقى قانشا؟
مىنا قارا تۇنەك قاپتاپ بارا جاتقان قوعامدا قىزعالداقتاي ساباعىنان ءۇزىلىپ جاتقان قىزدار قانشاما؟ …
سولاردىڭ تاعدىرىن كىم ويلاپ، كىم قۇنىن ەسكەردى؟... نەگىزىگى ايتار يدەيامدا وسى بولاتىن.قىزداردىڭ تاعدىرىنا بالتا شاپقان كەيبىر ەسەرسوقتارعا قاراعاندا، گۇل جۇلعان اعامىزدىڭ قىلمىسى نەگە تۇرماق؟...
قىزعالداقتىڭ عۇمىرىن قورىپ، قۇنىن كەسكەن اعالارىمىز، ەندى قاشان قىز تاعدىرىن قورعاپ، قىزدىڭ قۇنىدىلىعىن ەسكەرەدى ەكەن؟ …
گۇلجان ىحىلاس قىزى. ق.ا.ياساۋي اتىنداعى حقتۋ ستۋدەنتى
You Might Also Like
-
كەم ەدى قازاعىمنىڭ ءتىلى كىمنەن؟ ۇرپاق ازسا كورەمىز مۇنى كىمنەن؟ ءداستۇرىن، ءتىلىن، ءدىنىن تانىماعان، كىمگە كەرەك ءتىلسىز -تىرلىك، ءتىرى مۇردەڭ!؟
-
بارلىق ونەردىڭ ىشىندەگى ءبىز ءۇشىن ەڭ ماڭىزدىسى – كينو. بۇل ونەر ماڭىزى كۇن وتكەن سايىن ۇدەي تۇسۋدە. ويتكەنى، الەمدىك ىقپال ءۇشىن كۇرەس جاڭا عاسىردا جاڭا سيپاتقا يە بولدى. جەر-جاھاندى...
