InfoHub Logo

نەگە بولسا دا قىزعانا بەرەتىن قوجاناسىردىڭ ۇيىنە ءبىر جولاۋشى كەلىپ قونىپتى. قىزعانشاق قوجاناسىر جولاۋشىدان كوزىن الماي، «الدەنە ىستەپ جۇرگەن ادام» دەگەن ويمەن تاڭ اتىپ ۇيىنەن كەتكەنشە اڭدۋمەن بولىپتى. كەتەر مەزگىلىندە جولاۋشى جوتەلىپ قالعاندا، قىزعانشاق قوجاناسىردىڭ ايەلى دە جوتەلىپ قالىپتى، ونان سوڭ جولاۋشى تۇشكىرىپ قالعاندا، ادەيى كەلىسىپ قويعانداي ايەلى تۇشكىرىپ قالىپتى.

قىزعانشاق قوجاناسىر:

— ە... سەنىڭ بۇل جولاۋشىمەن ءبىر شاتىسىڭ بار ەكەن عوي، ايتپەسە تەگىننەن-تەگىن ول جوتەلسە جوتەلىپ، تۇشكىرسە تۇشكىرىپ جۇمباقتاسقاندارىڭ جاي ەمەس. مەن بۇل قورلىقتى كورگەنشە قاڭعىرىپ ولەيىن، — دەپ قاتىنىن تاستاپ، ۇيىنەن بەزىپ كەتەدى. جولدا تىماۋ ءتيىپ، قونعان ۇيىندە جوتەلىپ قالعاندا، ءۇي يەسىنىڭ ايەلى دە جوتەلىپ جىبەرىپتى. توسىننان تۇشكىرىپ جىبەرگەندە، ادەيى اڭدىپ تۇرعانداي ايەل دە تۇشكىرىپ قالىپتى. «بۇل قالاي؟» دەپ تاڭدانعان قوجاناسىر بايقاپ وتىرسا، ءوزى سىقىلدى ايەل دە تىماۋراتىپ وتىر ەكەن. سودان دەرەۋ ايەلىنىڭ سول كۇنى تىماۋراتىپ وتىرعانى ەسىنە ءتۇسىپ، «مەن قاتىنىمدى بوستان-بوس قىزعانعان ەكەنمىن عوي»، — دەپ ويلانىپ، اقىل-ەسى كىرىپ، ۇيىنە قايتىپ كەلىپ، قىزعانشاقتىعىن قويۋعا انت بەرگەن ەكەن.

 

---