InfoHub Logo

قوجاناسىر بازاردان كەلە جاتىپ ءبىر جىگىتكە جولىعادى.

— بازاردا نە قىمبات ەكەن؟ — دەپ سۇرايدى قوجا.

جىگىت:

— قۇيرىعىن كەسكەن شولاق سيىر قىمبات، — دەيدى.

بۇل ءسوزدى ەسىتكەن قوجا ۇيىندەگى جالعىز سيىرىنىڭ قۇيرىعىن كەسىپ تاستاپ، قانىن اعىزىپ، بازارعا الىپ بارادى. بازاردا قۇيرىعى جوق، ءوزى اۋرۋ سيىرعا ەشكىم دە قارامايدى. ءبىراق سيىردىڭ قۇيرىعىنان ساۋلاپ اققان قانعا يتتەر جاقىنداي تۇسەدى. اسىرەسە ءبىر قىزىل يت ىزىنەن قالماي ەرە بەرەدى.

قوجاناسىر:

— مەنىڭ سيىرىمدى كىسىلەر ساۋدالاماعانمەن، يتتەر ساۋ- دالايدى-اۋ، — دەپ ويلايدى. ءسۇيتىپ سيىرىن سويىپ، بازارداعى بار يتكە ءبولىپ بەرەدى. سويىپ بولىپ جاقىنداي تۇسكەن باياعى قىزىل يتكە:

— قىزىل يت، سەنى بىلەمىن، اقشامدى سەن بەرەسىڭ، — دەيدى.

ءبىر كۇنى بازاردا جۇرگەن قىزىل ءيتتىڭ سوڭىنا ءتۇسىپ قۋا جونەلەدى. (ارينە، سيىردىڭ ەتىنە سەرىك بولعان قىزىل يت پە، باسقا ما، ونى دا بىلمەيدى). ارى قۋادى، بەرى قۋادى، يت شارشاماعان سوڭ ءبىر تاۋ بوكتەرىندەگى ۇڭگىرگە كىرەدى. قوجا يت كىرگەن ۇڭگىردى قازادى. ءيتتىڭ قۇيرىعى قولىنا ىلىنگەن كەزدە، قۇيرىعىنان تارتىپ سۋىرىپ الادى. ءيتتىڭ تىرناعىنا ءبىر تۇيىنشەك ءىلىنىپ شىعادى. شەشىپ قاراسا التىن ەكەن.

قوجاناسىر يتكە:

— بۇرىنىراق بەرە قويساڭ عوي، سەن دە تىنىش، مەن دە تىنىش، بەكەرگە بەرمەيمىن دەپ ارى قاشتىڭ، بەرى قاشتىڭ، مەن جىبەرەتىن
بە ەدىم؟! سيىرىمنىڭ قۇنىن الدىم، — دەپتى.

اقىرى قوجا:

— قىزىل يت، سەنى بىلەمىن، — دەپ قىزىل يتتەن سيىردىڭ باعاسىن تولەتىپ الىپتى.

ەل اۋزىندا «قىزىل يت سەنى بىلەمىن» دەگەن ماقال سودان قالعان ەكەن.

---