قىزىقتى ماتەماتيكا
«تۇلكى ءوزىنىڭ كيمەيتىن كيىمدەرىن ارزان باعاعا ساتىپ جاتىر!»-دەگەن حاباردى ەستىپ، قارساق بازارعا قاراي قۇستاي ۇشتى. كەدەي تۇراتىن قارساقتىڭ بەس بالاسى بار. ول تۇڭعىشىنا 1500تگ كويلەك، ەكىنشىسىنە 2000تگ شاپان، ورتانشى ۇلعا 550تگ جەيدە، تورتىنشىسىنە 850تگ شالبار، كەنجەسىنە 1150 تەڭگەگە تۋفلي ساتىپ الدى. تۇلكىگە 5000 تەڭگە بەرىپ، قالعانىن قارىزعا جازدىرىپ الدى. قارساق تۇلكىگە قانشا قارىز؟
(جاۋاپ: 1050 تەڭگە)
بۇگىن قۇمىرسقالار ءۇشىن قان مايدان – جەر ءۇشىن سوعىس! جۇمىسشى قىزىل قۇمىرسقالار لەك-لەگىمەن كەلىپ ساپقا تۇرىپ جاتىر. جالپى سانى ون مىڭ! قاتىگەز قارا قۇمىرسقالار جيىرما مىڭ! كوپتەن كۇتكەن سوعىس تا باستالدى. قيان كەسكى ۇرىستا بەس مىڭ قارا قۇمىرسقا جانە ءۇش مىڭ قىزىل قۇمىرسقا قازا بولدى. جەتى مىڭ قارا، ءۇش مىڭ قىزىل قۇمىرسقا اۋىر جاراقاتتاندى. ەشكىم جەڭبەدى. قانشا قارا قۇمىرسقا، قانشا قىزىل قۇمىرسقا مايداننان ساۋ قايتتى؟
(جاۋاپ: 4000 قىزىل، 8000 قارا قۇمىرسقا)
ءبىزدىڭ ۇيدە تىشقاننىڭ ءىنى بار. ول جەردە اتا – اناسىمەن، سەگىز تىشقان بالاسى تۇرادى. ال قويمادا اتا – اناسىمەن ون ءبىر تىشقان بالاسى تۇرادى. بىردە ولارعا قالالىق تىشقان قوناققا كەلدى. ونىڭ قورجىنىندا ون كامپيت، ءتورت باۋىرساق، ءتورت ىرىمشىك جانە ءتورت پەچەنە بار بولاتىن. قانە بالالار، تىشقاندارعا بازارلىقتى تەڭدەي ەتىپ ءبولىپ كورىڭدەرشى؟
تومپي سۇيكىمدى عانا مايمىلدىڭ بالاسى. ول كۇنى بويىنا مانگو اعاشىنان تۇسپەي، جەمىس تەرگەندى ۇناتادى. ەڭبەكقور تومپي مىنە تاعى دا ءۇش سەبەت مانگو جەمىسىن جينادى. ءار سەبەتتە ون مانگو! نە دەگەن كوپ! قۋانىشى قوينىنا سىيماعان تومپي دوسى مونتيعا جەمىستەرىن كورسەتىپ ماقتانا باستادى. مونتي بولسا ءوز-وزىن ۇستاي الماي مانگوعا تاپ بەردى. ول ءبىر سەبەتتەن ءۇش مانگو، ەكىنشىسىنەن ەكەۋىن، ال تاعى بىرەۋىنەن تورتەۋىن جەپ قويدى.
دوسىنىڭ قوماعاي ءارى ءتارتىپسىز قىلىعىنا تومپي قاتتى اشۋلانىپ، جەمىستەرىن وزىنە تارتىپ الدى. قانە، بالالار! سۇيكىمدى تومپيدا قانشا مانگو قالعانىن بىرگە ەسەپتەپ كورەيىك؟
You Might Also Like
-
رامازان مەن راييانا ءتاتتىنى وتە قاتتى جاقسى كورەدى. اكەسى بازاردا جۇرگەندە ۋاتساپ ارقىلى ءوتىنىش حات جولداپ:
