InfoHub Logo

ءبىر كۇنى قوجاناسىر ۇيىندە وتىرسا، بىرەۋ ەسىك قاعادى.

— نە كەرەك ساعان؟ — دەپ داۋىستايدى قوجا.

— تومەنگە ءتۇسىپ كەتىڭىز، — دەگەن ايانىشتى ءۇن ەستىلەدى. قوجا تومەنگە تۇسسە، كەلىپ تۇرعان قايىرشى ەكەن.

— قۇدايى ساداقا بەرىڭىز، — دەيدى.

قوجا جاتىپ اشۋلانادى، ءبىراق ونىسىن قايىرشىعا سەزدىرمەي:

— جوعارى كوتەرىل، — دەپ ءوزى جوعارى شىعىپ كەتەدى.

قايىرشى بايعۇس قۋانىپ، قوجاعا ەرىپ، جوعارى كوتەرىلەدى، قوجا وتىرعان بولمەگە كەلەدى.

قوجا ەندى ءتۇسىن سۋىتىپ:

— ساداقاسىن قۇدايدىڭ ءوزى بەرەدى، بار، — دەيدى.

— مۇنىڭ قالاي، پاقىر ادامدى نەگە تالكەك ەتەسىڭ؟ — دەپ قايىرشى رەنجيدى. — قۇر قول قايتاراتىنىڭدى تومەندە تۇرعاندا-اق نەگە ايتپادىڭ؟

سوندا قوجا:

— مەن جوعارىدا تۇرعاندا، شارۋاڭدى بىردەن ايتپاي، مەنى نەگە تومەنگە ءتۇسىردىڭ؟ — دەپتى.

---