قوجاناسىر مەن ۇرىلار
ءبىر وڭتايلى كەشتە قوجەكەڭنىڭ ۇيىنە ۇرى تۇسەدى. الاكولەڭكەدە ىسكە تاتىر زاتتاردى اسىعىس جيناپ جاتقان ۇرىلاردى كورگەن قوجەكەڭ سابىرلى قالپىن بۇزباي، ايەلىنە سىبىرلايدى:
— دىبىسىڭدى شىعارماي، مەن نە ىستەسەم، سونى قايتالاپ، سوڭىمنان ەرە بەر.
ايەلى تاڭدانعانمەن سىرىن بىلەتىن ەرىنە قارسى ءتىس جارمايدى.
ۇرىلار كەرەگىن الىپ ەسىكتەن شىعا بەرگەندە، قوجەكەڭ توسەگىنەن تۇرىپ، كورپەسىن جامىلعان كۇيى ۇرىلاردىڭ سوڭىنا تۇسەدى. كەلىسىم بويىنشا ايەلى دە كورپەسىن كوتەرىپ بىرگە كەتەدى. جالاڭاياق ەرگەن ەكەۋدى ۇرىلار كورمەيدى. ءبىر قاعابەرىسكە كەلگەندە ەنتىگىن باسپاق بولعان ۇرىلار ايالدايدى. زاتتارىن جەرگە قويا بەرگەن ولار انادايدا ەربيىپ تۇرعان ەكەۋدى كورىپ شوشىپ كەتەدى.
— بۇل قايسىڭ؟ — دەيدى ايقايلاپ باس ۇرى.
— ءبىز عوي.
— ءبىزىڭ كىم؟
جانىنا جەتىپ بارىپ، جامىلعىسىن جۇلىپ السا، قوجەكەڭ.
قاتتى ساسقان ۇرى:
— ءسىز قايدا باراسىز، قوجەكە؟ — دەيدى باسەڭ ۇنمەن.
— قايدا بارعانى قالاي؟ وزدەرىڭ قايدا كوشىرىپ بارا جاتىرسىڭدار، سوندا بارامىز دا، — دەپ جاۋاپ بەرىپتى اپەندى.
You Might Also Like
-
قوجاناسىر ءبىر جىلى قاۋىن ەگىپ، قاپ-قاپ قىلىپ قاق كەپتىرەدى. ونى بازارعا شىعارىپ ساتپاقشى بولادى. ءسويتىپ ءبىر قابىن ارقالاپ، قولىنا اق تاياقتى الىپ، بازاردىڭ ورتاسىنا كەلىپ:
-
وتكەن كۇندەردىڭ بىرىندە ورال وزەنىنىڭ ەكى بەتىندە ەكى باي سۇلتان تۇرىپتى. وڭ جاق بەتىندەگىسىنىڭ اتى — بەگالى، سول جاق بەتىندەگىسىنىڭ اتى توپاي ەكەن. بۇلار ىلعي بىر-بىرىمەن ايتىسىپ، بارىمتالاس...
