قوجاناسىر مولدانى كاۋاپپەن قالاي سىيلادى
ءبىر كۇنى قوجاناسىر بازاردان سەمىز ەت ساتىپ الىپ، بابى كەلىسكەن كاۋاپ پىسىرەدى. تەك بۇرىشى عانا جەتىسپەي تۇرادى. قوجاناسىر ءۇيىن جابادى دا، كىلتتى تاستىڭ استىنا قويىپ، بازارعا شىعادى. قاقپا الدىندا دارۋىشكە جولىعادى.
— «ەھە، — دەپ ويلايدى قوجاناسىر، — مىنا جىگىت مەنىڭ كاۋابىمدى سىپىرىپ كەتپەسىن».
— اعاسى، — دەيدى ول دارۋىشكە، — مىنا تاستىڭ استىنا كىلتتى مەن قويدىم. كىلتتى الىپ، مەنىڭ اس ۇيىمدە قازاندا ءپىسىپ تۇرعان كاۋابىمدى جەپ كەتۋشى بولما.
كۇدىگىن سەيىلتىپ، بازارعا قاراي بەتتەيدى. دارۋىشكە دە كەرەگى وسى ەمەس پە، كىلتتى الىپ، ءۇيدى اشىپ، بار كاۋاپتى جەپ قويادى. سوسىن قازانعا ءناجىسىن تولتىرىپ كەتەدى.
بازاردان قايتقان قوجاعا ءبىر مولدا جولىعا كەتەدى. ول تاماقتىڭ ءيىسىن سەزىپ، بۇعان ءوتىنىش بىلدىرەدى. قوجا كەلەدى. اۋلاعا كىرگەن سوڭ، قوجا كىلتتى الىپ، ءۇيىن اشىپ، مولدانى داستارقانعا شاقىرادى. قازاندى اكەلىپ ورتاعا قويادى. مولدا ءتىلىن جالاپ، قازاننىڭ قاقپاعىن اشادى. قازاننان شىققان ءبىر توپ شىبىن مولدانىڭ باسىن اينالا ىزىڭدايدى.
— بۇل نەتكەن ساسىق كاۋاپ؟ — دەيدى مولدا.
— ايىپ ەتپەڭىز، اپەندى، — دەيدى قوجا. — قارعىس اتقان شىبىندار بار كاۋاپتى جەپ قانا قويماي، ونى اسقازانى ارقىلى كەرى قايتارىپ ۇلگەرىپتى عوي. نە ىستەيمىز؟
— سوق ولاردى! — دەيدى مولدا. — سوق ولاردى قاي جەردەن كورسەڭ دە!
وسى كەزدە قوجاناسىر مولدانىڭ مۇرنىنا قونعان ۇلكەن شىبىندى كورەدى. ول قاسىقتى الا سالىپ، بار كۇشىمەن سوققانى سونشا — قۇرمەتتى مولدا ەسىكتەن شىعىپ، كوشەگە ۇزىنىنان سۇلاعان ەكەن. ول قايتىپ قوجاناسىرعا جولامايتىن بولىپتى.
You Might Also Like
-
قوجاناسىر قۇلاعان ۇيلەردىڭ اراسىنا تەڭگە سالعان قۇمىرا جاسىرادى. ول ءبىر تەڭگە تاپسا دا، بارىپ سول قۇمىراعا سالىپ جانە ءار جولى بارلىق تەڭگەسىن قايتا سانايدى ەكەن. سول ماڭدا بوياۋشىنىڭ دۇكەنى بار ەدى....
-
بۇحاراداعى ءانشىسىماق بىرەۋدىڭ داۋىسىن اپەندى مۇلدە ۇناتپايدى ەكەن. سول ءانشى ءان سالا باستاسا، اپەندى اقىرىن عانا كەتىپ قالادى ەكەن. ءبىر كۇنى ءانشى مەن اپەندى بەتپە-بەت كەزدەسىپ قالادى، ولار امالسى...
