ساسىق كۇمبە
قوجاناسىر قۇلاعان ۇيلەردىڭ اراسىنا تەڭگە سالعان قۇمىرا جاسىرادى. ول ءبىر تەڭگە تاپسا دا، بارىپ سول قۇمىراعا سالىپ جانە ءار جولى بارلىق تەڭگەسىن قايتا سانايدى ەكەن. سول ماڭدا بوياۋشىنىڭ دۇكەنى بار ەدى. ول قوجاناسىردىڭ بۇل ماڭعا بوسقا كەلىپ جۇرمەگەنىن سەزەدى دە، اڭدىپ ءجۇرىپ قوجانىڭ كومبەسىن تاۋىپ الادى. بوياۋشى تەڭگەنىڭ ءبارىن سىپىرىپ الادى، وندا قىرقىق ءبىر دينار بار ەكەن.
كەلەسى كۇنى قوجاناسىر كومبەگە كەلسە، اقشا زىم-زيا جوق، پالە بوياۋشىدان كەلگەنىن سەزەدى. قوجاناسىر بوياۋشىعا بارىپ:
— قالام ال دا، مەنىڭ ساناعانىمدى جازشى، — دەيدى.
— ايت، — دەيدى بوياۋشى.
— جاز، — دەيدى قوجا، — وتىز التى دينار، وعان جەتپىس ەكى ديناردى قوس، ءبارى ءجۇز سەگىز. وعان قىرىق ءبىر ديناردى قوسسا، ءبارى ءجۇز قىرىق توعىز بولادى. ءجۇز ەلۋگە ءبىر دينار جەتپەي تۇر. راحمەت! قوجاناسىر قوشتاسىپ كەتىپ قالادى. ال بوياۋشى «قوجاناسىر قىرىق ءبىر دينارعا تاعى دا اقشا قوسادى ەكەن» دەيدى دە، العان اقشانى تەز اپارىپ ورنىنا قويادى.
كەلەسى كۇنى قوجاناسىر كومبەسىنە بارىپ، وندا ءبىراز كىدىرىپ شىعادى. سول-اق ەكەن بوياۋشى دا تۇرا جۇگىرەدى. بۇل جولى بوياۋشى كومبە ورنىندا قالعان قوجانىڭ بوع... تاپ بولادى. بوياۋشى ساسىپ، ابىرجىپ شىعىپ كەلە جاتقاندا، قارسى الدىنان قوجاناسىر شىعا كەلىپ:
— قولىڭدى يىسكەشى، بوتەن اقشانىڭ ءيىسى شىعادى، — دەگەن ەكەن.
You Might Also Like
-
كوشەدەن كۇمىس اقشا تولى ءاميان تاۋىپ العان قوجاناسىر قازىعا اپارىپ تاپسىرماقشى بولادى. قازى ۇيىنە تۇستەنۋگە اسىعىپ بارادى ەكەن، بۇنى جۇرە تىڭدايدى.
-
ءبىر كۇنى قوجاناسىر بازاردان سەمىز ەت ساتىپ الىپ، بابى كەلىسكەن كاۋاپ پىسىرەدى. تەك بۇرىشى عانا جەتىسپەي تۇرادى. قوجاناسىر ءۇيىن جابادى دا، كىلتتى تاستىڭ استىنا قويىپ، بازارعا شىعادى. قاقپا الدىندا د...
