InfoHub Logo

قولونەر جانە مودەلدەۋ
ساباقتىڭ ماقساتى:
1. وقۋ پروسەسىندە وقۋشىلاردىڭ بەلسەندىلىك ءرولىن ارتتىرىپ، بىرلەسە شەشۋگە، ۇيىمشىلدىققا، ىسكەرلىك، شەبەرلىككە ۇيرەتۋ.
2. قولونەردىڭ سىرىن تۇسىنە وتىرىپ، ىزدەنۋگە، تانىمدىلىق قابىلەتتەرىنىڭ ارتۋىنا ىقپال ەتۋ، ەستەتيكالىق تاربيە بەرۋ، لوگيكالىق ويلاۋ، كيىمدى مودەلدەۋ، كيىمدى كوركەمدەپ ساندەۋ، ونەرگە ىنتاسىن، قابىلەتتەرىن دامىتۋ.
3. حالقىمىزدىڭ اسىل مۇرالارىن، سالت - داستۇرلەرىن قۇرمەتتەي بىلۋگە، ونەردى تۇسىنۋگە، سۇيۋگە تاربيەلەۋ. سويلەۋ مادەنيەتىن قالىپتاستىرا وتىرىپ، ماقال - ماتەلدەر ارقىلى جاقسىلىققا، ىزگىلىككە ۇمتىلدىرۋ.
ساباقتىڭ كورنەكتىلىگى: كورمە «قول ونەرى – وي ونەرى»
دانالىق سوزدەر:
«ونەرلىگە - ءورىس كەڭ»
«ونەردى باعالاي بىلمەگەن، ورگە شىقپاس»
«ونەر كوككە جەتكىزەر»
«ونەر جۇتاماس بايلىق، تاۋسىلماس ازىق»
ساباقتىڭ ءتۇرى: سايىس، ءبىلىم، ىزدەنىس ونەر ساباعى.
ءپان ارقىلى بايلانىس: ادەبيەت، تەحنولوگيا، مۋزىكا.
ساباقتىڭ بارىسى:
1. ۇيىمداستىرۋ
2. ءادىلقازى القاسىن سايلاۋ
3. ساباق جوسپارى جانە سايىس شارتتارىمەن تانىستىرۋ
4. توپتارمەن تانىستىرۋ
1. «ونەر» توبى
ۇرانى:
«ويۋ - ورنەك سىرىن ۇقتىق جالىقپاي،
كوكىرەگىمىز شەجىرەلى ساندىقتاي»
2. «ىسكەر» توبى
ۇرانى:
«ويى ۇشقىر، سەزىمى جوعارى،
قيالى تەرەڭ ادام بولايىق»
3. «زەرگەر» توبى
ۇرانى:
«ەركىن ويلاپ، قولونەردى مەڭگەردىك،
ماقال ايتىپ، جۇمباق شەشىپ ىزدەندىك»
4. «اسىل مۇرا» توبى
ۇرانى:
«ويىمىزدى اشايىق، العا قاراي باسايىق»
ءار توپ اتتارىنا ساي جاسالعان ەمبلەمالارىن، ءادىلقازى القاسىنا كورسەتەدى.
سايىس شارتتارى

ءى كەزەڭ. ءسوز ونەرى.
زەرتتەۋ: تاقىرىپ بويىنشا ءار توپ ءوز ويلارىن ورتاعا سالادى.
1 توپ «ونەر»
حالقىمىزدىڭ قولونەرىنىڭ سىرى مول، ورنەگى عاجاپ. ءاربىر ويۋدىڭ ىزىندە، ءاربىر ويۋدىڭ ورنەگىندە ۇلاعات سىر، تاريحى مول شەجىرە بار. وتكەن تاريح شەجىرەسىن ءبىز بۇگىندە «تەحنولوگيا» ءپانى ارقىلى ءبىلىپ، زامان كوشىنە بىلىمىمىزبەن ىلەسىپ وتىرامىز. شىنايى ونەردىڭ ادامعا اسەرى مول. ويۋ - ورنەكتەر، سىرلى سۋرەتتەر، قولونەرى ۇلتتىڭ ناعىز شىنايى، پاك ونەرى.
2 توپ «ىسكەر»
ءار حالىقتىڭ وزىنە ءتان قولونەرى بولادى. قازاق حالقى دا وزگە ۇلتتان اسىل مۇراسى، ويۋ - ورنەگى ارقىلى ەرەكشەلەنەدى. ءاربىر تەكەمەت، سىرماق تۇرلەرىنەن، القا، سىرعا بۇيىمدارىنان ويى ۇشقىر، سەزىمى جوعارى، قيالى تەرەڭ، تالعامپازدىقتى كورەمىز.
3 توپ «زەرگەر»
«ونەرىم – جاقسىلاردىڭ جان ازىعى» - دەپ ونەردىڭ رۋحاني ءنارىن حالقىمىز ەرەكشە اتاعان. تالاي عاسىردان سۇرىنبەي بىزگە جەتكەن اسىل مۇرالاردى بەرىك قويما، التىن ساندىق ويىمىزدا ساقتاۋعا تىرىسامىز. زەرگەرلىك ونەر – قولدانبالى كوركەم شىعارماشىلىقتىڭ ەڭ كونە تۇرلەرىنىڭ ءبىرى. بۇل وتە نازىك تە كۇردەلى ونەر.
4 توپ «اسىل مۇرا»
قازاق ويۋ - ورنەكتەرىنىڭ تۇرلەرى دە، اتاۋلارى دا كوپ. ويۋ - ورنەك قازاق حالقى قولونەرىنىڭ كەڭ تاراعان ءتۇرى بولىپ تابىلادى جانە تۇرمىس تىرشىلىگىندە كەڭىنەن قولدانىلىپ، ەرتە زاماننان بەرى ۇرپاقتان ۇرپاققا جالعاسىپ كەلە جاتقان كونە ونەر ءتۇرىنىڭ ءبىرى. ەگەر شىنايى ىنتامەن ۇيرەنۋگە، تۇسىنۋگە قۇلشىنساڭدار، ونەر تەرەڭدە جاتقان تامىرلارىن، بيىكتە تۇرعان شىنارىن الاقاندارىنا سالادى. ارينە، مۇنىڭ ءوزى وزدىگىنەن كەلمەيدى. ەرىنبەي ەڭبەكتەگەن، ويى ۇشقىر، قيالى قاناتتىلار عانا جان - جاقتى مەڭگەرەدى.

ءىى كەزەڭ. ماقال - ماتەلدەر ونەر، ەڭبەك تۋرالى جانە حالىقتىق بولجامدار مەن تيىم سوزدەر.
1. «ونەر» توبى: ونەر تۋرالى ماقال - ماتەلدەر:
1. شەبەر كوپ جەردە - ونەر كوپ.
2. ويۋدى ويا الماعان – ويلانباعان.
3. ويسىزدان ويۋشى شىقپايدى.
4. بىلمەگەن نارسەدى سۇراپ الۋدى ار كورمە،
ادام سۇراپ بىلمەسە، ەشتەڭە ۇيرەنبەيدى.
2 توپ «ىسكەر» توبى: ەڭبەك تۋرالى ماقال - ماتەلدەر:
1. ەڭبەك ەرلىككە جەتكىزەر،
ەرلىك ەلدىككە جەتكىز.
2. ەڭبەكتىڭ نانى ءتاتتى،
جالقاۋدىڭ جانى ءتاتتى.
3. ەڭبەك ەتسەڭ ەرىنبەي،
تويادى قارىنىڭ تىلەنبەي.
4. كوز قورقاق،
قول باتىر.

3. «زەرگەر» توبى: تيىم سوزدەر.
قازاق حالقىنىڭ تابيعاتتى قورعاۋ، ۇلكەندى سىيلاۋ، مالدى ايالاۋ جايىنداعى ۇلگى - تاربيە قۇرالدارىنىڭ ءبىرى – تيىم سوزدەر بولعان.
1. قارلىعاشتىڭ ۇياسىن بۇزبا!
2. قۇس بالاپانىنا، جۇمىرتقاسىنا تيمە!
3. مال كوگەنىن اتتاما!
4. بوس بەسىكتى تەربەتپە!
4 توپ «اسىل مۇرا» توبى: حالىقتىڭ تابيعاتتى بولجاۋلارى:
1. اسپاندا جۇلدىزدار كوپ بولسا، كۇن جىلى بولادى.
2. قىس قارلى بولسا، جاز جاڭبىرلى بولادى.
3. مىسىق مياۋلاپ ۇيدەن قاشسا، جەر سىلكىنەدى.
4. سيىر ەگىز تاپسا، جۇت بولادى.

ءىى كەزەڭ. قول ونەرى
1. «ونەر». كيىمدى ساندەۋدە – ءساننىڭ ەكى ءتۇرى بار: تەحنيكالىق جانە كوركەمدىك ءسان. كوركەمدىك سانمەن كوركەمدەۋشى سانگەر اينالىسادى. تەحنيكالىق ساندەۋ – ءساندى ەسكيز، سۋرەت، فوتو بويىنشا شىعارۋ. ونىمەن ينجەنەر – كونسترۋكتورلار اينالىسادى.
2. «ىسكەر». ءسان - ولشەم، ءتاسىل، ءىس – قيمىل بەينەسى. ءسان بەلگىلى ءبىر تالعامنىڭ، ۋاقىتشا ۇستەم بولۋى. كيىم ءبىرىنشى قاجەتتى زات. ساندەۋ بۇل كيىمگە قوسىمشا اسەمدىك بەرۋ ماقساتىندا قولدانىلادى.
3. «زەرگەر». كيىمدەردىڭ قولدانىلۋىنا، ونى كيۋ مەزگىلىنە قاراي قويىلاتىن تالاپتار دا ءار ءتۇرلى. كۇندەلىكتى كيەتىن كيىمدەردىڭ ماتاسى جۋعاندا تارتىلىپ، كىشىرەيىپ قالمايتىن، جىپتەرى ىدىرايىپ كەتپەيتىن ءتوزىمدى بولۋى كەرەك. ال توي - تومالاق، ءسان - سالتاناتقا ارنالعان كيىمدەردىڭ ماتاسىنا مۇنداي تالاپ قويىلمايدى.
4. «اسىل مۇرا». كيىمدە بىرنەشە كلاسسيكالىق، رومانتيكالىق، سپورتتىق، فولكلورلىق ستيلدەر بولادى. كلاسسيكالىق ستيل كەلىستى، ىسكەرلى، ەلەگانتتى، وزگەرمەيتىن ستيل. ءسان - الەۋمەتتىك قۇبىلىس. ۋاقىتتىڭ ءوتۋى بارىسىندا ساندەۋدىڭ كەيبىر تۇرلەرى قايتالانىپ وتىرادى.
ءىىى كەزەڭ. ءادىلقازىلارعا ءسوز بەرىلەدى.
ءىV كەزەڭ. باعالاۋ.
V كەزەڭ. ۇيگە تاپسىرما.