قوس كەلىنشەك (ءىى نۇسقا)
ءبىر باي ءوزىنىڭ ەكى ۇلىنا ەلدەگى قىزداردى تۇگەلدەي تاڭداپ ءجۇرىپ، بالامنىڭ تەڭى وسى بولار-اۋ دەگەن ەكى قىزدى كەلىن عىپ تۇسىرەدى. بايدىڭ قوس كەلىنى دە بايدىڭ ءوزى دارەجەلەس داۋلەتتى ادامداردىڭ قىزى بولادى. جاسىنان ءومىر تاۋقىمەتىن كورمەگەن قوس كەلىننىڭ دەنە ءبىتىمى، ءجۇرىس تۇرىسى، مىنەز-قۇلقى دا بىر-بىرىنەن اۋمايدى، ءبىر قالىپقا سوققانداي، ءبىر انادان تۋىپ، بىردەي تاربيە العان ادامنىڭ بالاسىنداي بولىپ سايكەسەدى.
قوس كەلىن قيمىل-ارەكەتتەرىمەن، اشىق-جارقىندىعىمەن بايدىڭ سالتاناتىن تولىقتىرىپ، سانىنە-سان، ابىرويىنا اتاق قوسادى. قوس كەلىندى كورگەن اركىم-اق تاڭداي قاعىپ تامسانادى، اۋزىنىڭ سۋى قۇرىپ ماقتاپ قىزىعادى، سۇيسىنە قارايدى. بىر-بىرىنەن بولىنبەستەي ۇقساس قوس كەلىندى تاڭداپ تاپقان بايدىڭ تاپقىشتىعىنا ءدان ريزا بولادى. ءدۇيىم ەلدىڭ نازارىن اۋدارعان قوس كەلىن بوز بالالاردىڭ دا جۇرەگىنە شوق تاستاپ، سەزىمىن قىتىقتايدى. قوس كەلىنگە دەگەن ىنتىزارى اۋعان بوزبالالاردىڭ سوندا دا جولى بولمايدى. كۇندىز جولىعىپ، ءتىل قاتۋدىڭ ورايى كەلگەنمەن، ءتۇن جاستاپ جولىعۋدىڭ ءساتى تۇسپەيدى. سەزىمنىڭ ىستىق لەبىمەن جۇرەگىن جالىن شارپىپ كەلىندەرىنە دەگەن بوتەن قولدىڭ سوزىلىپ، جات قۇشاقتىڭ اشىلۋىنان كۇدىكتەنگەن باي، قاباعان يت ۇستايدى. قاباعان يت ەسىكتەردىڭ قۇلىبى، كەلىندەردىڭ كۇزەتشىسى ىسپەتتى بولادى. كۇندىز اتتى كىسىنى اتتاتپايتىن يتتەر تۇندە اۋىل ماڭىنا ەشكىمدى دە جولاتپايدى. قوس كەلىنشەككە سوزعان قولى جەتپەگەن جىگىتتەر ولاردىڭ سۇلۋلىعىن ماقتاپ جانە ولارعا دەگەن ارمان-ساعىنىشىن ءبىلدىرىپ، «قوس كەلىنشەك» كۇيىن شىعارىپتى.
You Might Also Like
-
قۇبا جوندا جىلقى باعىپ جۇرگەن جىلقىشى جىگىت جاقىن ماڭداعى اۋىلداردىڭ بىرىنە قىدىرىپ بارسا، ۇيدە تۇلعاسى كوز تارتىپ، كوڭىلدى باۋرارلىقتاي، اق تىستەرى تىزىلگەن، الما موينى ۇزىلگەن، قوس بۇرىمى وكشەسىن...
-
باي ەسىگىندە كۇن كورگەن ءبىر كەدەي جىگىتتىڭ شاپسا دا، جورعالاسا دا الدىنا ات سالماعان كەرى اتى بولادى. مال مەن داۋلەت بەرمەسە دە، ەلگە اتاعىن جايعان ءارى جۇيرىك، ءارى جورعا ات بەرگەن تاڭىرگە جىگىت ءىشت...
