قوزى كورپەش – بايان سۇلۋ مازارى
قازاق دالاسىندا عاسىرلار بويى ايتىلىپ كەلە جاتقان ەڭ ەسكى اڭىز-جىرلاردىڭ ءبىرى — قوزى كورپەش – بايان سۇلۋ. ولاردىڭ مازارى سەمەي وبلىسىنداعى اياگوز وزەنىنىڭ وڭ جاعاسىندا تاڭسىق اۋىلىندا ورنالاسقان. بۇل — X-XI عاسىرلارداعى كونە تۇرىك زامانىنان قالعان ەسكەرتكىش. مازار شوشاق كۇمبەزدى، قالاق تاستان ءتورت قىرلى ەتىپ سالىنعان. بيىكتىگى — 12 مەتر. ەرتەدە ونىڭ جانىندا قولدارىنا قاسيەتتى قۇتى (ىدىس) ۇستاعان 3 ايەل ادامنىڭ (بايان سۇلۋ، اپالارى اي مەن تاڭسىق) جانە ءبىر ەر ادامنىڭ (قوزى كورپەش) تاس مۇسىندەرى بولعان دەسەدى.
جىردا بايان سۇلۋ مەن قوزى كورپەشتىڭ ماحابباتى، بىر-بىرىنە دەگەن شىن سۇيىسپەنشىلىگى، از ۋاقىت قىزىق كورىپ، دۇنيەدەن ەرتە كەتكەندىگى جايىندا جانە عاشىقتاردىڭ باقىتتى ومىرلەرىنە كەدەرگى بولعان وپاسىز قودار تۋرالى جىرلانادى. اڭىز بويىنشا، مازاردىڭ ىشىنە ەكى گۇل ءوسىپ، ورتاسىنا تىكەنەك شىعادى ەكەن. ەكى گۇل — ەكى عاشىق — قوزى مەن بايان، ال تىكەنەك — قودار.
وقۋعا كەڭەس بەرەمىز:
"قوزى كورپەش - بايان سۇلۋ" جىرى
You Might Also Like
-
قازاق حالقى ەرتەدە كيىز ۇيدە تۇرعان. سوندىقتان ءۇي مۇلىكتەرى مەن جيھازدارى ۇلتتىق قولونەر ءداستۇرى بويىنشا كوشپەلى تۇرمىسقا لايىقتالىپ جاسالعان. ءتۇرلى ماتەريالداردان ازىرلەنەتىن ءۇي بۇيىمدارى كيىز ءۇي ...
-
اسانوۆا ءلاززات التىناي قىزى (27.07.70، الماتى وبلىسى پانفيلوۆ اۋدانى اقجازىق اۋىلى — 25.12.86، الماتى) — جەلتوقسان كوتەرىلىسىنىڭ قۇربانى. 1985 جىلى الماتى قالاسىنا كەلىپ، پ. چايكوۆسكيي ا...
