قوزىكۇرەڭ
ەرتەدە ءبىر باي جىلقىشىلارىنا ءار جىلى تابان ەت، ماڭداي تەرىڭ ءبىر جاباعى تاي دەپ بەلگىلەنگەن ەكەن.
باي ءبىر جولى جىلقىعا شىعىپ، جىلقىلارىن سىرتتاي تاماشالاپ جۇرەدى. سوندا قاسىندا ارالاتىپ جۇرگەن جالشىسى ءوزىنىڭ جىلدىق اقىسىن سۇراپ قالادى. باي وعان ايعىر ءۇيىرىنىڭ شەتىندە تۇرعان ءولى ءجۇنى تۇسپەگەن ءبىر كۇرەڭ تايدى كورسەتەدى دە، سونى اقىڭا بەرگەنىم دەيدى. ايلار اۋىسىپ، جىلدار جىلجىپ كۇرەڭ تاي ات بولعان دا، ءبىر اۋىلدا ۇلكەن ءبىر توي بولىپ، 300 ات بايگەگە قوسىلادى. بايگە كەلگەندە ءبىرىنشى بولىپ قويان سۇيەك كۇرەڭ ات كەلەدى. ونى كورگەن باي اتتىڭ يەسىن، تەگىن قۋزاي كەلە ءوزىنىڭ كەزىندە جالشىعا بەرگەن جامان جاباعىسى ەكەنىن بىلەدى. سوندا باي ءوز ايعىرىنىڭ تۇقىمى ەكەنىن ايتىپ داۋ شىعارادى، جالشىعا كۇش كورسەتەدى. جيىلعان بارلىق ۇلىق بۇعان بەلگىلى كەسىم ايتپايدى. ادىلەتسىزدىككە كۇيگەن جالشى، كەزىندە تابان ەت، ماڭداي تەرىم ءۇشىن ءوزى بەرگەن دەپ شىجىقتايدى. سوندا كولدەنەڭ ادام رەتىندە اراعا بىرەۋ ءتۇسىپ جالشىعا: «بۇل جولعى بايگە وزىڭدىكى، ال تالاس بولىپ وتىرعان وسى اتقا كىم ءجۇز جىلقى بەرسە، سول السىن» — دەگەن ەكەن. وتىرعاندار دۋىلداسىپ كەلىسە الماي وتىرعاندا، ەسىك جاقتا ءبىر ازامات دومبىرادان كۇمبىرلەتىپ كۇي شەرتەدى. ءۇي ءىشى تىنا قالىپ، ەرشىمدى كۇيدەن بۇگىنگى
جۇلدەلى جۇيرىكتىڭ كوسىلە شاپقان شابىسىن ءبىر كورگەندەي بولادى.
كۇيشى دومبىراسىن باسەڭدەتىپ بارىپ: «مەن ەكى ءجۇز جىلقى اتادىم. مىنا كۇي بۇگىنگى قوزىكۇرەڭنىڭ شابىسى، مۇنىم — ءجۇز جىلقى، ەندى باسىنان ۇرىپ ءجۇز جىلقى ساناپ بەرەمىن»، — دەپ كەۋدە ۇرادى. اقىرى، وسى ءبىر جومارت سالدىڭ پيعىلىنا ريزا بولعان جالشى «اتىمنىڭ اتاعى تاريحقا كۇي بولىپ قالعانى ءۇشىن ەلۋىن الايىن، مىنە، اتىڭ»، — دەپ سالعا اتتى بەرىپتى.
You Might Also Like
-
ءبىر تورعاي ءوزىنىڭ ەكى جۇمىرتقاسىنا يەن دالادا قالعان ءبىر جۇمىرتقانى اكەلىپ قوسادى. ءۇش جۇمىرتقانى بىردەي باسىپ، ۋاقىتى جەتكەندە ءۇش بالاپان شىعارادى. الگى تاۋىپ اكەلگەن جۇمىرتقادان سۇرەپەتى ءوز بالاپا...
-
قۇر ويناق كۇيىنىڭ تارالۋى تۋرالى كاريالار ەكى ءتۇرلى اڭگىمە ايتادى. قايسىسى راس، قايسىسى وتىرىك، ول بەيمالىم. ءبىراق ەكى اڭگىمەدە «قۇر» دەگەن ويىنشىل قۇس تۋرالى. ءبىرىنشى اڭگىمە: قۇر دەگەن...
