قۇر ويناق
قۇر ويناق كۇيىنىڭ تارالۋى تۋرالى كاريالار ەكى ءتۇرلى اڭگىمە ايتادى. قايسىسى راس، قايسىسى وتىرىك، ول بەيمالىم. ءبىراق ەكى اڭگىمەدە «قۇر» دەگەن ويىنشىل قۇس تۋرالى. ءبىرىنشى اڭگىمە: قۇر دەگەن قۇس ويىنعا اۋەس ەكەن. توپتالا ءجۇرىپ، ويىننىڭ قىزىعىنا ءبىر ەنىپ السا، تاڭنىڭ اتقانىن، كۇننىڭ باتقانىن بىلمەسە كەرەك. قۇردىڭ وسى ويىن قۇمارلىعىنا تاڭ قالعان كۇيشى «قۇر ويناق» كۇيىن شىعارىپتى. ەكىنشى اڭگىمە: توبىمەن ءجۇرىپ كەشكە دەيىن وينايتىن قۇردىڭ ويىنىنا قىزىققان بايدىڭ ءبىر بالاسى ۇيدە دە كورىپ وتىرۋ ءۇشىن ونىڭ وينايتىن جەرىنە تۇزاق قۇرادى. ءسۇيتىپ، قۇردى بىر-بىردەن ۇستاپ، ۇيىنە اكەلە بەرەدى. ءبىراق ەشبىرى قولعا ۇيرەنبەي ولە بەرەدى. ۇستاعان قۇردىڭ ءبارى ءولىپ، ۇستالماعان جالعىز اق قۇر قالادى. بالا ونى دا ۇستاپ ۇيىنە الىپ كەلەدى. ول قولعا تەز ۇيرەنەدى. جەمىن جەپ العاننان كەيىن، بايلاپ قويعان جەرىندە ويناپ وتىرا بەرەدى. وسىعان تاڭ قالعان اۋىل اراسىنىڭ كۇيشىسى «قۇر ويناق» دەپ اتاپتى بۇل كۇيىن.
You Might Also Like
-
ەرتەدە ءبىر باي جىلقىشىلارىنا ءار جىلى تابان ەت، ماڭداي تەرىڭ ءبىر جاباعى تاي دەپ بەلگىلەنگەن ەكەن.
-
قازاق پەن قالماق اراسىنداعى جاۋگەرشىلىگى كوپ زاماندا ەكى ەلدى ەگەستىرگەن ماسەلەنىڭ ءتۇيىنى ۇدايى نايزانىڭ ۇشىمەن، قىلىشتىڭ جۇزىمەن عانا شەشىلىپ وتىرماعان. نايزادان ءوتىمدى سوزگە توقتاعان، قىلىشتان ءوت...
