ق ر بعم اعىلشىن ءتىلى ۇستازدارىنا شاكىرتاقىلارىن اپتا سوڭىنا دەيىن بەرۋگە ۋادە ەتتى
ق ر ءبىلىم جانە عىلىم مينيسترلىگى «كتك» تەلەارناسىنىڭ ەفيرىندە كورسەتىلگەن الماتىدا ءوتىپ جاتقان اعىلشىن ءتىلى كۋرستارىنا ەل ايماقتارىنان كەلگەن 500 ۇستازعا تيەسىلى شاكىرتاقىلاردىڭ تولەنبەۋىنە قاتىستى سيۋجەتكە پىكىر ءبىلدىردى.
مينيسترلىكتەن ءمالىم ەتكەندەي، ولار 2016-2019 جىلدارعا ارنالعان مەملەكەتتىك ءبىلىم سالاسىن دامىتۋ باعدارلاماسى اياسىندا ۇيىمداستىرىلىپ، وتكىزىلىپ جاتقان كۋرستاردىڭ تىڭداۋشىلارى - پەداگوگيكالىق جوو مۇعالىمدەرى. 2021 جىلدان باستاپ قازاقستاندىق جوو-لار اعىلشىن ءتىلىن جەتىك بىلەتىن مامانداردى دايارلاۋدى باستاماق. جوعارى وقۋ ورىندارىنا كەلەتىن ابيتۋريەنتتەردىڭ اعىلشىن ءتىلىن مەڭگەرىپ، جوو باعدارلامالارىنا جەڭىل كىرىگۋى ءۇشىن 2019 جىلدان باستاپ 10-11ء-ىنشى سىنىپ وقۋشىلارى 4 ءپاننىڭ اراسىنان (حيميا، فيزيكا، بيولوگيا، ينفورماتيكا) ەكەۋىن تاڭداپ، اعىلشىنشا وقيدى.
وسى ماقساتتا ءبىلىم جانە عىلىم مينيسترلىگى مەكتەپتەردىڭ ءپان مۇعالىمدەرى مەن پەداگوگيكالىق جوو ۇستازدارىنا ارنالعان اعىلشىن ءتىلى كۋرستارىن ۇيىمداستىرىپ وتىر.
«ءقازىر ءتىل وقىتۋ كۋرستارىنان پەداگوگيكالىق جوو-نىڭ 1500 ۇستازى ءوتىپ جاتىر. كۋرستار پاندەر مەن ءبىلىم باعدارلامالارىن اعىلشىن تىلىندە وقىتۋدى 2008 جىلدان بەرى جۇرگىزىپ كەلە جاتقان 4 جوو-دا - اباي اتىنداعى قازۇپۋ، ءال-فارابي اتىنداعى قازۇۋ، ابىلاي حان اتىنداعى ءقازحقجات جانە ە.بوكەتوۆ اتىنداعى قارمۋ بازالارىندا وتكىزىلۋدە. كۋرستاردىڭ باستى باعىتى - اعىلشىن ءتىلى مەن پاندەردى اعىلشىن تىلىندە وقىتۋ ءۇشىن تىلدىك بىلىكتىلىكتى جوعارىلاتۋ. بۇل ءىس كوممۋنيكاتيۆتىك مەتوديكاعا سۇيەنىپ، Content and Language Integrated Learning (CLIL) كونتەنتتىك وقىتۋدىڭ حالىقارالىق پراكتيكاسىنا ساي جۇرگىزىلىپ جاتىر. ناتيجەسىندە، ۇستازدار ءوز پاندەرى اياسىنداعى اعىلشىن ءتىلى بىلىمدەرىن، ەڭ از دەگەندە، ءبىر دەڭگەيگە كوتەرەتىندىگىنە سەنىمدىمىز»، - دەيدى ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى دارحان احمەد-زاكي.
ءمالىم ەتىلگەندەي، كۋرستارعا قاتىساتىن ۇستازداردىڭ جوو-لارداعى ەڭبەكاقىلارى ساقتالىپ، شاكىرتاقىلار تولەنەتىن بولادى.
«سول ستيپەنديالار بۇگىنگى كۇنى تولەنبەي تۇرعانى انىقتالدى. ەلىمىزدە ءتىل ۇيرەتۋ كۋرستارىن ۇيىمداستىرۋ جاڭادان يگەرىلىپ جاتقان ءىس بولعاندىقتان، ونى ۇيىمداستىرۋ بارىسىندا بارلىق جاعداياتتاردى ەسكەرۋگە تىرىستىق. دەگەنمەن، ءىس جۇزىندە كەيبىر ولقىلىقتاردىڭ ورىن العانىن كورىپ وتىرمىز. ءقازىر كۋرس تىڭداۋشىلارىنا تيەسىلى ستيپەنديالاردىڭ تولەنۋى ءۇشىن بارلىق قاجەتتى شارالار قولعا الىنىپ، مۇعالىمدەردىڭ الدىنداعى بەرەشەك وسى اپتانىڭ سوڭىنا دەيىن تولىقتاي وتەلەدى. بۇل ماسەلە مينيسترلىكتىڭ قاداعالاۋىنا الىنىپ وتىر»، - دەلىنگەن مينيسترلىك حابارلاماسىندا.
ەسكە سالايىق، الماتىعا ءوز بىلىمدەرىن جەتىلدىرۋگە كەلگەن اعىلشىن ءتىلىنىڭ ۇستازدارى شاكىرتاقىلارىنىڭ تولەنبەۋىنەن پاتەر جالداۋعا جانە تاماقتانۋعا اقشالارى جوقتىعىن ايتىپ، شۋ شىعارعان بولاتىن.
You Might Also Like
-
جابايى تابيعاتتا سارىشۇناقتاردىڭ قيمىل-قوزعالىسىن باقىلاۋ – وتە قىزىقتىرارلىق شارۋا. بۇل كەمىرۋشى اسقان ساقتىقپەن جۇرەدى. كۇندىز ىنىنەن شىعىپ، ارتقى اياقتارىنا تۇرا قالا، اينالاسىنا قاراۋى ەرى...
-
«كسەلل» كومپانياسى مەن «WikiBilim» قوعامدىق قورى «قازاقستاننىڭ اشىق ۋنيۆەرسيتەتى» ءبىلىم بەرۋ ونلاين جوباسىن ىسكە قوسۋ جۇمىسىن باستايدى. الماتىدا وتكەن ەلىمىزدەگى...
