قۇرعاق سوزگە ءماز، ناقتىلى ءىسى از!
ءبىر جاڭالىق! كەيبىر پىسىق جىگىتتەرىمىز كورگەندەي-اق تايىپ بەرىپ، ياكي الدى — ارتىڭدى وراي سويلەپ، سىزبەن شاپقىلاعاندا قۇسا قۇتقارماستاي، قاشسا جeتكiزبecتeي شەشەنسىماق بولىپ ءجۇر، جولداستار!
مىنە، وسى ءرولدى اتقارىپ جۇرگەن «شەشەنىمىزدىڭ» ءبىرى — 17 شاحتا كومسومول ۇيىمدارىنىڭ حاتشىسى نۇرتازا ۇلى دەسەك اسىرىپ ايتپاعان بولماسپىز. ويتكەنى كۇندەردەن ءبىر كۇن جولىعا قالىپ:
— بيىلعى مەح — لاۆالار كونكۋرسىنەن بەرگى ىستەرىڭىزدى ءبىر ءسوز قىلايىقشى — دەي بەرگەنىمدە:
— پوداجدىي توۆارىش! ول ءتىپتى ۇزاق قوي... بىلايشا ايتقاندا ەندى، كومسومولدىڭ كونكۋرس شارتىن ورىنداپ، تاڭداۋلى ءبايىت العانى، كەيىن جاۋاپسىزدىق، جۇمىسقا شىقپاي قالعانى، ماسكۇنەمدىلىككە سالىنعانى، رۋ قوزدىرعانى، مەحانيزمنىڭ توقتاعانى... ۇشى-قيىرسىز ەمەس پە! — دەپ پاپيروسىن بۇرق ەتكىزدى.
— ەندەشە، كۇزدىڭ كۇنگى جاس ەكپىندىلەر سلەتىندە ءوزىن پريزيديۋمدە وتىرىپ ولكەلىك، وبلىستىق پارتيا كوميتەتتەرىنە بەرگەن سەرتتىڭ ورىندالۋىنا كەلەشەك — دەپ بلوكنوتىمدى اشا باستادىم.
— ءاي، ءسىرا، مۇنىڭ دا رەتى كەلسە... الگى ءبىر كوگالداندىرۋ ترەسى بىزگە كوپ مەشايت ەتتى عوي... تالدى بىرەسە بۋكبادان، بىرەسە ودان، بىرەسە بۇدان ال دەپ، ايتەۋىر... اقىرى قۇر قالعانىمىز. تىم قۇرسا مەكتەپ پەن اۋرۋحانانىڭ توڭىرەگىنە دە تال ەگە المادىق. وزگەسi بوسا بولماسا دا — 100 پروسەنت — دەپ ءبىر بۇگىلىپ جانتايا كەتتى.
— ءبارىن ايتتا، ءبىرىن ايت، ميرزويان حاتى نە بولدى؟ — دەدىم تاعى شۇقىلاپ.
— ۆوت، سەرەزنىي ماسەلە. مىنە، وسى... وعان ەندى پريامو — شىرت-شىرت تۇكىرە باستادى. تەگى ىسپەن جاۋاپ بەرەر دەپ ۇمىتتەندىك.
— يا، جولداس، سونىمەن كومبومولدارىڭ قانشا ەدى؟ — دەگەنىمدە:
— جۇمىسشىسى، قىزمەتشىسى بار، ونىڭ يتوگى 65، ونىڭ 58 شاحتەر، سلەسار، ماشينەس... اشەيىن-اق — دەپ باس بارماعىن بىتىرلاتا مىلتىقتىڭ قۇلاعىنداي قايىردى نۇرتازين.
— سونىڭ نەشەۋى ەكىنشى؟ — دەپ ساۋساعىنا قاعىپ قالدىم تاعى.
— ەكىنشى دەڭىز... ەندەشە بىزدە تىپتەن از، فاكتىشەسكي 20. انەبىر اكىم ۇلى، ايماعامبەت ۇلى سەكىلدىلەرى بولماسا، كوبى قوعام جۇمىسىنان قاشىق جۇرەدى. بىلايشا ايتقاندا، زناشيت، 10 عانا شىن ەكپىندى بار-اۋ — دەپ جىمىڭ ەتتى.
اڭگىمەگە قىزۋ كىرىستىك.
— وي، كوپ جاسا... تەحنيكاعا جەتىلۋ، مەحانيزمدى مەڭگەرۋ، ارتتاعىنى قاتارعا الۋ جونىندە نە ىستەدىڭىزدەر؟
— بىلەسىڭ ءوزىڭ، مەن كەلگەل1 3-4-اق اي... بۇرىن ۇيىم جۇمىسىنىڭ ون ەكىدە ءبىر نۇسقاسى بولماپتى... ميرزويان حاتىن تالقىلاپ، كومسومولداردى تۇگەل مەح — لاۆاعا بەكىتتىم... ايمعامبەت ۇلى، ءاىشم ۇلى، مۇقاجانۇلدارى ءقازىر مەحانيزمدى وزدىگىنەن باسقارۋعا جارادى. سمەنا سايىن ماشينالاردىڭ ءحالىن تەكسەرىپ، شتابقا جازىپ وتىرادى. ول ەندى سولاي... ال، تەحنيكا وقۋىن ۋچاسكە ناچالنيگى سارسەمبايەۆ باستاپ جۇرگىزگەنشە بۇگىن تابانى كۇرەكتەي 19 كۇن. ءازىر ەمتيحان بەرگەن، ياكي بەرەرلىك كومسومولىمىز جوقتىڭ قاسى...
— ءتىپتى، ۇلكەن وزگەرىس جاساعان ەكەنسىڭ «توۆاريشش»... تازالىقتىڭ، مادەنيەتتىڭ قامىن ءوز قولدارىنا الدىڭدار ما؟
— ءبۇل جاعىنان دا سورلى ەمەسپىز. شاحتەرلەرگە حات تانىتۋ ءۇشىن 15 كومسومول بولىنگەن. ونىڭ ناتيجەسىن «توشنىي» ايتا المايمىن. ەكپىندىلەردىڭ ۇلگىسىن باراگىندا تازالىق جاقسى. كومسومولدار وتىرعان 36-41 — باراكتار «پومەيەمۋ» ۇلگىلى دەۋگە بولادى — دەدى دە، وسىنىن اينالدىرۋى جامان ەكەن، تەگى ماسقارا بولارمىن دەگەن كىسىمە مالاقايىن باسىنا جالپ ەتكىزىپ، اسىعا تۇرەگەلدى.
— بىر-ەكى مينۋتقا شىداڭىز — دەدىم. قاباعى سالبىراپ ءتۇسىپ كەتتى، تىزەسىن بۇگىپ.
— جۇمىسشى پاتەرلەرىن اسحانا، ماگازين، كوشەلەردەن ىلاستىقتارمەن باتىل كۇرەسە الماۋلارىڭىز قالاي؟
— «پراۆەلنو» ايتاسىز، جولداس، ارينە، ول جونىندە بىزگە ۇرسۋعا دا بولادى. راس، كوشەلەردە ىلاستىق بار، دارەتحانالار شاراسىنان اسقان، زاۆحوز ونى كورمەيدى. راس، جۇمىسشى باراكتارىندا مادەنيەتىڭىزدىڭ كۇنى. ءبىر باراكتا كەمىندە 15-20 شاحتەردىڭ سەمياسى بار. ءبىرى تازا بولعانمەن، ءبىرى لاس. ۇگىتىمىزگە كونبەي قويدى. لاستىققا ءتوزىم بەرمەۋگە مۇمكىنشىلىكتىڭ ءوزى دە جوق — دەپ ءسوز اياعىن كۇمىلجىتە تايىپ بەردى.
ۇشتاسقان بىلىقتىڭ شەتىن باسساڭ، ورتاسى بىلقىلدايتىن ادەتى عوي. دەتكولونيانىڭ ءىشىن ارالاپ، نۇرتازين ايتقان 36-41 — باراكتارداعى كومسومولداردىڭ «تاماشا» جاتاق ۇيلەرى مەن ەكپىندىلەردىڭ ءۇلپىلى بارارىن دا شولىپ ءوتتىم. ايتقانى شىلعي وتىرىك. بارىندە دە تازالىق، ءتارتىپ، مادەنيەتتى تۇرمىس ءۇشىن كۇرەس جوق. ءبارى دە كومسومول ۇيىمىنىڭ ميرزويان جولداس قويعان ەكى مىندەتىن ورىنداۋدا اقسونار مىلجىڭ، قۇرعاق دابىل، كوز بوياۋشىلىقتى مىقتاپ بەرىلگەن كۋالىك ايتقالى تۇر.
بۇلارى ەندى جۇمساعىراق ايتقاندا، ۇيات قوي، ءتىپتى، ۇيات نارسە عوي، جولداستار. بۇعان قالالىق كومسومولدار كوميتەتى قالاي قارايدى ەكەن؟
1935.
You Might Also Like
-
جەر كوميسسارياتىنىڭ جوسپارلاۋ سەكتورىنىڭ جۇمىسىن باقىلاۋ ورىندارى تەز تەكسەرۋى كەرەك.
