InfoHub Logo

قۇرىلىمدىق ماتەريالدىڭ جىكتەلۋى
ماقساتى:
بىلىمدىلىك: قۇرىلىمدىق ماتەريالدار تۋرالى جالپى ماعلۇمات بەرۋ.
دامىتۋشىلىق: مەتالل تۇرلەرىمەن قاسيەتتەرى جايلى جانە مەتالداعى تاڭبالاردى وقۋدى ۇيرەتۋ.
تاربيەلىك: ماقساتىنا جەتۋگە ۇمتىلدىرۋ، ۇقىپتىلىققا، ىزدەنىمپازدىققا تاربيەلەۋ.
ساباقتىڭ ءتۇرى: ءتۇسىندىرۋ، سۇراۋ.
كورنەكىلىكتەر: پلاكاتتار، تاڭبالاردىڭ كارتوچكالارى، قۇرال تۇرلەرى، ۆيدەو روليك.
ءپانارالىق بايلانىس: حيميا.

ساباقتىڭ بارىسى.
ءى. ۇيىمداستىرۋ كەزەڭى
پسيحولوگيالىق احۋال. (ءبىر - بىرىنە تىلەكتەر ايتۋ)
2. توپقا ءبولۋ. «سيقىرلى ساندىق» ساندىقتىڭ ىشىندە مەتالدار جازىلعان قيما قاعازدار بار. سول قاعازداردى الۋ ارقىلى توپقا بولىنەدى.
1 - توپ: قارا مەتالدار
2 - توپ: ءتۇستى مەتالدار

ءىى. "دەتەكتيۆ ءادىسى" ارقىلى ءۇي تاپسىرماسىن پىسىقتاۋ.
ەكى توپقا ءۇش ۇشتەن التى سۇراق جازۋ.
ءى توپ
1. توكار ستانوگىنىڭ بولىكتەرىن اتا.
2. جۇمىس جاساۋ تەحنولوگياسىن ايتىپ بەر.
3. وڭدەۋگە قاجەت اعاشتاردى اتا.
ءىى توپ
1. توكار ستانوگىمەن جۇمىس كەزىندەگى قاۋىپسىزدىك ەرەجەسىن ايتىپ بەر.
2. قاشاۋ تۇرلەرىن اتا.
3. قولونەردىڭ ەڭ كوپ تاراعان تۇرلەرىنىڭ ءبىرى.

ءۇي تاپسىرماسىن باعالاۋ
رەفلەكسيا.
«باعدارشام» ارقىلى.
- تولىق ءتۇسىندىم
- جارتىلاي ءتۇسىندىم
- تۇسىنبەدىم
مەتالدار تۋرالى ۆيدەو كورسەتۋ. 2 - 3 مينۋت

ءىىى. جاڭا ساباقتى ءتۇسىندىرۋ.
قۇرىلىمدىق ماتەريالدار - بۇل ماشينا تەتىكتەرىن، مەحانيزمنىڭ، عيمراتتاردى جانە باسقا تەحنولوگيالىق وبەكتىلەردى دايىنداۋعا قولدانىلاتىن ماتەريالدار. قۇرىلىمدىق ماتەريالدار تابيعاتىنا قاراي: مەتالل، مەتالل ەمەس دەپ ەكىگە بولىنەدى. مەتالدار: قارا جانە ءتۇستى مەتالدار بولىپ نەگىزگى ەكى توپقا بولىنەدى.

تەحنولوگيالىق قولدانىلۋىنا قاراي: قۇيىلعان، ءپىشىنى وزگەرگەن، پىسىرىلگەن، قاقتالعان دەپ بولىنەدى.
جۇمىس جاعدايىنا قاراي: جىلۋ ۇستاعىش، جىلۋعا ءتوزىمدى، توزۋعا ءتوزىمدى جانە ارناۋلى دەپ بولىنەدى.
تەحنيكادا 10000 نان استام مەتالل قورىتپالارى قولدانىلادى. ونداي قورىتپالار الۋ ءۇشىن 40 تان استام حيميالىق ەلەمەنتتەر پايدالانىلادى.
قارا مەتالدار - بۇل مەحانيزمدەر، تەتىكتەر، ماشينالار جانە باسقا قۇرىلىمدار جاساۋداعى نەگىزگى ماتەريالدار بولىپ تابىلادى. قازىرگى كەزدە دۇنيەجۇزىندە وندىرىلەتىن بارلىق مەتالداردىڭ 94% - ىن وسى قارا مەتالدار قۇرايدى. تابيعاتتا تەمىر تازا كۇيىندە كەزدەسپەيدى، ونى قورىتۋ ارقىلى الادى. قارا مەتالدىڭ قاسيەتىن وزگەرتۋگە اسەر ەتەتىن نەگىزگى ەلەمەنت كومىرتەك بولىپ تابىلادى. قارا مەتالدار قورىتپاسىنىڭ قۇرامىنداعى كومىرتەكتىڭ ۇلەسىنە قاراي: شويىن جانە بولات دەپ بولىنەدى.
شويىن - تەمىردىڭ كومىرتەكپەن 2، 14% قورىتپاسى. شويىن اق شويىن جانە سۇر شويىن بولىپ بولىنەدى.
بولات - تەمىردىڭ 2% كومىرتەكپەن جانە باسقا ەلەمەنتتەرمەن قورىتپاسى. بولاتتى اق شويىندى مارتەن، كونۆەرتەر جانە ەلەكتر پەشتەرىندە كۇيدىرۋ ارقىلى الادى.
سەرپىمدىلىك قاسيەتتەرى جوعارى بولاتتار ماشينا جانە اسپاپ جاساۋ وندىرىسىندە كەڭىنەن قولدانىلادى.
بولات حيميالىق قۇرامىنا قولدانىلۋىنا قاراي: كومىرتەكتى، اسپاپتىق جانە قوسپالانعان دەپ ۇشكە بولىنەدى.

كومىرتەكتى بولاتتىڭ قۇرامىندا كومىرتەك 0، 7% - عا دەيىن بولادى. قاراپايىم كومىرتەكتى بولات ست ارپىمەن جانە 0 - دەن 6 - عا دەيىنگى سيفرمەن بەلگىلەنەدى. سيفرلار وسكەن سايىن ماركادا كومىرتەكتىڭ ۇلەسى ارتا تۇسەدى. ست 0 - دەن ست 2 - گە دەيىنگى تاڭبالى بولاتتار جۇمساق جانە يلەمدى بولاتقا جاتادى. ست 3 - تەن ست 6 - عا دەيىنگى تاڭبالى بولاتتار قاسيەتى جاعىنان بىردەي. مۇنداي بولاتتاردان بىلىكتەر، ءتىستى دوڭعالاقتار، رەلستەر جاسالادى. ال 10 سانىنان 70 سانىنا دەيىنگى تاڭبالاناتىن بولاتتان ارقانعا ارنالعان سىم، جوعارعى قىسىمعا ارنالعان قۇبىر، كران بولشەكتەرى جاسالادى.

وتكىزگەن: تاپالوۆ ك. ا.

قۇرىلىمدىق ماتەريالدىڭ جىكتەلۋى. جۇكتەۋ