قۇرىلىسشىلار كۇنىنە ارنالعان قۇتتىقتاۋلار
قۇرمەتتى....! ءسىزدى جانە ءسىز باسقارىپ وتىرعان ۇجىمدى ءتول مەرەكەلەرىڭىز قۇرىلىسشىلار كۇنىمەن قۇتتىقتايمىز! ەكونوميكانىڭ جاڭا سەرپىن الىپ وتىرعان ماڭىزدى سالاسىنىڭ وكىلى — قۇرىلىسشىلاردىڭ ەرەن ەڭبەگىنىڭ ارقاسىندا ءىرى ينۆەستيسيالىق جوبالار جۇزەگە اسىرىلىپ، نەبىر ءزاۋلىم عيماراتتار بوي كوتەرۋدە. سىزدەردىڭ ءوز ىستەرىڭىزگە دەگەن ادالدىقتارىڭىزدىڭ، ۇدايى وزگەرىپ وتىراتىن نارىققا بەيىمدەلە ءبىلۋ قابىلەتتەرىڭىزدىڭ ناتيجەسىندە قازاق ەلىندە قۇرىلىس جاندانىپ، حالىق جاڭا ستاندارتتار مەن زاماناۋي ديزاينعا بوي ۇيرەتۋدە. ەلىمىزدىڭ اجارىن اشاتىن، ايبارىن اسقاقتاتاتىن كەلىستى كەلبەتىنىڭ كوركەيۋىنە قوسقان ۇلەستەرىڭىز كوز سۇيسىنتەرلىك. الداعى ۋاقىتتا دا وركەنيەتتى ەلىمىزدىڭ ءوسىپ، وركەندەۋى جولىندا تولاعاي تابىستارعا جەتە بەرۋلەرىڭىزگە تىلەكتەسپىز. بويلارىڭىزعا سارقىلماس كۇش-قۋات، ەڭبەكتەرىڭىزگە تاۋسىلماس جەتىستىك، وتباسىلارىڭىزعا ورتايماس باق-ىرىس تىلەيمىز!
*** *** *** ***
نۇر-سۇلتان قۇرىلىسشىلارى مەن ساۋلەتكەرلەرىنە
بۇگىندە ارقا ءوسىن ايقارا قامتىعان ەسىلدىڭ ەكى قاناتى — ەرتەگىدەگى سامۇرىقتىڭ كەرەگە قاناتىنداي كوشقۇلاش.
نۇر-سۇلتاننىڭ ايبارى دا، قارىمى دا، قارقىنى دا قايتا ورالىپ ات ءىزىن سالعانشا ايدى اسپانعا شىعارعانداي شۇعىل دامىپ جاتىر. ەلوردادا ءاربىر جاڭالىق ءار كۇنگى اتقان تاڭمەن بىرگە جەتەتىن جاقسى ءداستۇر قالىپتاستى. جىل ون ەكى اي اينالىپ ۇلگەرگەن دەگەن نە، ءبىر كۇندە ءبىر ايعا تاتيتىن جاقسىلىق ورنايدى. وسى كۇنى قىزۋ جۇمىستىڭ ەن ورتاسىنداعى ساۋلەت سالاسىنىڭ وكىلدەرىنە ەلوردانىڭ اجارىن اشاتىن، ايبارىن اسقاقتاتاتىن قۇرىلىستار مەن عيماراتتار كوبەيە بەرسىن، تالاپتارىڭا نۇر جاۋسىن دەگىمىز كەلەدى.
You Might Also Like
-
اڭداتپا: ماقالادا 1991-2017 جىلدار ارالىعىنداعى قازاقستاننىڭ مەرزىمدى ءباسپاسوزىنىڭ فۋنكسيالارىن وزگەرتۋ ەرەكشەلىكتەرى ەگجەي-تەگجەيلى قاراستىرىلادى. وندا جالپى قازاقستاندىق جۋرناليستيكانىڭ الەۋ...
