قۇس قاشقان
بەيسەنبىنىڭ تۇسىندا كەرەي اتانىڭ جانتەكەيىنەن شىققان تىكەن دەگەن قۇسبەگى ادام بولىپتى. التايدىڭ بەلگىلى ءبىر جەرىنەن قانسوناردا قارا قۇسىنان ايىرىلىپ قالادى. قۇسىنان ايىرىلعان تىكەن نازالانىپ، كوپ كۇندەر ۇيىنەن شىقپاي قۇسالانادى. مۇنى ەستىپ-بىلگەن بەيسەنبى بالباعايداعى قوجامجار تورەگە ادام جىبەرىپ، ءبىر قىران قۇستى تىكەنگە الدىرىپ بەرەدى. قازاق ۇلتىنىڭ كەڭ ساحاراداعى قۇسبەگىلىك ونەرىن جوعارى باعالاعان بەجەڭ وسى تۋرالى ويلانىس جاسايدى. اسپانداعى قۇستىڭ ءتىلىن ءبىلىپ، قولىنا قوندىرعان ادامنىڭ دا قىران قۇستاي قىراعىلىعى بار-اۋ، بۇل ساحارا مادەنيەتىنىڭ سايىپكەر سالتى عوي. قىران قۇس قۋانىشتى دا، قايعىنى دا يەسىنە سىيلايدى ەكەن، وسىعان دا كۇي تۋدىرۋ قاجەت دەپ تەبىرەنەدى. وسى دەرەكتەن «قۇس قاشقان» كۇيى تۋىندايدى.
You Might Also Like
-
بەجەڭنىڭ التاي تاۋىنداي ابىرويىن كورە الماعان كۇندەس جاۋلارى، كەرەي ىشىنەن بەجەڭدى جوعالتىپ، ەلىن بودان ەتۋدى ەرتە ويلاستىرعان. سونىمەن ءبىر سەزدە بەيسەنبىگە جاسىرىن قاستىق جاسالىپ، مەكەنى بۋىرشىنع...
-
ءايمي كەرەيدىڭ شەرۋشى رۋىنان تۋعان بىرەۋدىڭ جالعىز ۇلىنا ايتتىرعان نايمان رۋىنىڭ قىزى ەكەن. قالىڭ مالى بەرىلىپ بولىپ العالى وتىرعاندا، باقىتقا قارسى كۇيەۋ جىگىت قايتىس بولادى. جىگىتتىڭ جىلى وتكەننەن...
