InfoHub Logo

تاقىرىبى: «قۇستاردىڭ قىسقى تىرشىلىگى!»
ماقساتى:قۇستاردىڭ قىسقى تىرشىلىگى جانە قىستايتىن قۇستار تۋرالى تۇسىنىك بەرۋ. بالالاردىڭ لوگيكالى ويلاۋىن، ءتىلىن، سوزدىك قورىن، ەستە ساقتاۋ قابىلەتىن دامىتۋ. قۇستاردى قورعاۋعا، ۇياسىن بۇزباۋعا تاربيەلەۋ.
كورنەكىلىگى: ينتەراكتيۆتى تاقتا.
بارىسى:ۇيىمداستىرۋ كەزەڭى.
الاقاندى اشايىق،
كۇننىڭ نۇرىن سالايىق.
تازا اۋادان سالايىق،
جۇرەك جىلۋىن سالايىق
مەيىرىم شوعىن سالايىق.
جينالعان وسى شۋاقتى،
دوستارىما شاشايىق.
ءمۇعالىم:
شانامەن سىرعىپ جەلەتىن
شاڭعى كونكي تەبەتىن.
اققالا جاساپ وينايتىن،
قاي مەزگىل دەپ ويلايسىڭ؟
بالالار:قىس مەزگىلى.
ءمۇعالىم: - قىس مەزگىلىنىڭ ەرەكشەلىكتەرى قانداي؟
- قىس مەزگىلىنىڭ ايلارىن كىم اتاپ بەرە الادى؟
- ءقازىر قاي اي؟
- قىس مەزگىلىندە قانداي ويىن تۇرلەرىن بىلەسىڭدەر؟
- قىس تۋرالى قانداي تاقپاقتار بىلەسىڭدەر؟
سۋرەت بويىنشا اڭگىمە قۇراۋ.
ءمۇعالىم: وتە جاقسى بالالار، ەندى «جاقسى، جامان» دەگەن ويىن وينايىق.
ماقساتى: جامان ادەتتەردەن اۋلاق بولۋعا، جاقسى-جاماندى اجىراتىپ، قورشاعان ورتاعا قامقور بولۋعا تاربيەلەۋ.
قويىلعان سۇراقتارعا بالالار داۋىستاپ «جاقسى»، «جامان» دەپ جاۋاپ بەرەدى.
ءمۇعالىم:- اعاشتىڭ بۇتاعىن سىندىرۋ جاقسى ما؟
- گۇلدەرگە سۋ قۇيۋ جامان با؟
- دوستارىڭدى رەنجىتكەن جاقسى ما؟
- ۇلكەنگە كومەكتەسۋ جاقسى ما؟
- قۇستارعا ۇيا جاساۋ جامان با؟
ءمۇعالىم:مىنە تاماشا، بالالار، نەنىڭ جاقسى، نەنىڭ جامان ەكەنىن دۇرىس ايتتىڭدار.بۇگىنگى ساباعىمىزدا قۇستاردىڭ قىسقى تىرشىلىگى تۋرالى اڭگىمەلەسەمىز.
قۇستار ەكى توپقا بولىنەدى:جابايى قۇستار جانە ءۇي قۇستارى.
جابايى قۇستار:ساۋىسقان، جاپالاق، قارلىعاش، قىزعىش قۇس، سارعالداق، قارعا، اققۋ،
بۇلبۇل، دەگەلەك، قوقيقاز، قىرعاۋىل، توقىلداق ت.ب.
ءۇي قۇستارى:تاۋىق، ۇيرەك، قاز، كۇركەتاۋىق.

قۇستاردىڭ تابيعاتقا كەلتىرەتىن پايداسى كوپ. ولار وسىمدىكتەردى، اعاشتاردى زياندى جاندىكتەردەن، قۇرتتاردان تازارتادى.
- ءۇي قۇستارىنىڭ قانداي پايداسى بار؟
- دۇرىس ايتاسىڭدار ءۇي قۇستارىنىڭ پايداسى وتە كوپ.ولاردىڭ ەتىن جەيمىز، جۇنىنەن
كورپە، كوپشىك جاسالادى.
قىس مەزگىلىندە كوپ قۇستار جىلى جاققا ۇشىپ كەتەدى. ال كەيبىر قۇستار قىستاپ قالادى.
- قىستايتىن قانداي قۇستاردى بىلەمىز؟
- ساۋىسقان، تورعاي، كوگەرشىن، قارعا.
- دۇرىس ايتاسىڭدار، بۇلار سۋىقتان قورىقپايدى، قىستا ءوز قورەكتەرىن تاۋىپ جەيدى. ولارعا جەم شاشىپ، ۇيا جاساپ قامقور جاساۋ كەرەك. ءبىزدىڭ مەكتەبىمىزدىڭ اۋلاسىندا دا قۇستارعا ۇيا جاساپ قويعان.
ويىن: «قۇستار قالاي دىبىستايدى؟»
سەرگىتۋ ءساتى:1، 2، 3، 4 قارلىعاش بوپ ۇش،
5، 6، 7 قارلىعاش بوپ شالقى،
8، 9، 10 قارلىعاش بوپ قون.

ويىن: «نە ارتىق؟»
جۇمباق: كولدىڭ كوركى ءسان ەكەن
ۇشقاندا سازدى ءان ەكەن
اقىندار ونى ماقتاعان،
ادامدار قورعاپ ساقتاعان
ول قانداي قۇس بالالار؟ (اققۋ)

اۋىل دا، قالا دا مەكەنى
جولاۋشى جۇرسەك شىعارىپ سالادى،
الدىڭنان شىعادى
جانىڭدى ەركەلەتەدى. (قارلىعاش)

رەبۋس: تاۋ – ىق.
قورىتىندى: بالالار، ءبىز بۇگىن نە تۋرالى اڭگىمەلەستىك؟
ساباق ۇنادى ما؟
بالالاردى ماداقتاۋ، باعالاۋ.