رۋى اداي اتاقوزىنىڭ ءبىر اڭگىمەسى (II نۇسقا)
بايماعامبەت حان قاسىندا سىرىمنىڭ بالاسى قازي بي بار، تاعى دا ەرتكەن بىرنەشە نوكەرلەرى بار ۇگىتپەن پاتشانىڭ ۇكىمىنە كوندىرەمىن دەپ ءجۇرىپ، ادايدىڭ ەلىن ارالايدى. ادايدىڭ ەلىن ارالاپ جۇرسە، الدىنان التى-جەتى سالت اتتى كورىنەدى. قازي بي بايماعامبەت حانعا: «ادايدىڭ اتاقوزىسى كەلە جاتىر»، — دەيدى. سونىمەن قارسى كەلىپ، امان-ساۋ سۇراسىپ، «مىنا كىسىنىڭ تىم ارىعىن-اي!» — دەپتى بايماعامبەت حان اتاقوزىعا. اتاقوزى:
— ونىڭ دۇرىس تاقسىر حان،
ولەڭدى جەردە وگىز سەمىرەدى،
ءولىمدى جەردە مولدا سەمىرەدى.
قارالىسىندا قاتىن سەمىرەدى،
قايعىسىز حان سەمىرەدى دەگەن — راس ءسوز.
ەندى ماعان كەلسەك:
بۇلت تۇر مالىڭدى الامىن دەپ،
ازىرەيىل تۇر جانىڭدى الامىن دەپ،
كاپىر تۇر ءدىنىڭدى الامىن دەپ.
ءبىر تۇندە توعىز ويانامىن، توقسان ويلايمىن، وسى كۇيدە قالاي سەمىرەمىن، — دەپتى دە، جونىنە ءجۇرىپ كەتىپتى. ۇيالعان بايماعامبەت حان قازى بيگە:
— اتاقوزىنىڭ بۇلاي ەكەنىن نەگە اڭعارتپادىڭ»، — دەپتى.
— ەگەر دە مۇنداي ءسوزدى ايتا الماسا، ادايدىڭ اتاقوزىسى كەلە جاتىر، — دەپ ەدىم دەگەن ەكەن قازى بي بايماعامبەت حانعا.
وقۋعا كەڭەس بەرەمىز:
جىلقىنىڭ تورىسى كوپ پە، توبەلى كوپ پە؟ (ءى نۇسقا)
سىرىمنىڭ نۇرالى حاندى شابۋى (ءىى نۇسقا)
بايماعامبەت سۇلتان مەن سىرىم باتىر
You Might Also Like
-
سىرىم ايەلدى ءوزى ىزدەپ، سۇيگەنىن العىسى كەلىپ، ەل ارالاپ شىعىپ كەتەدى. ءبىر كۇنى كەلە جاتىپ ءبىر كەدەي كىسىنىڭ ۇيىنە قونادى. كەدەيدىڭ بويجەتكەن ءبىر قىزى بار ەكەن. سىرىم ەكەنىن بىلدىرمەي، ءتۇن ورتاسى ب...
