InfoHub Logo

ساۋات اشۋ 1 - سىنىپ ساباقتىڭ تاقىرىبى: «س» دىبىسى مەن ءارپى 
ساباقتىڭ ماقساتى: 
1. بىلىمدىلىك: «س» دىبىسى مەن، ارپىمەن تانىستىرۋ. 
«س» دىبىسى بار سوزدەرگە دىبىستىق تالداۋ جاساي بىلۋگە ۇيرەتۋ. بۋىن تۋرالى تۇسىنىگىن كەڭەيتۋ. 
2 دامىتۋشىلىق:. قول جاتتىقتىرۋ «c» ءارپىنىڭ باسپا جانە جازبا تۇرىمەن تانىستىرۋ، كىشى باس ءارپىن جازۋدى ۇيرەتۋ. 
3. تاربيەلىك: بالالاردىڭ وقۋعا، بىلىمگە دەگەن قىزىعۋشىلىعىن ارتتىرۋ، يماندىلىققا تاربيەلەۋ، دۇنيە تانىمىن كەڭەيتۋ. 
ساباقتىڭ ءادىسى: ءتۇسىندىرۋ، ويىن، كورنەكىلىگى، تالداۋ، سۋرەتتەر، سۇراق – جاۋاپ ت. ب. ساباقتىڭ ءتۇرى: جاڭا ءبىلىم بەرۋ. كورنەكىلىگى: كەسپە ارىپتەر، س دىبىسىنا بايلانىستى سۋرەتتەر، اڭگىمە تەكسى، ءسوزجۇمباق، ت. ب 
ساباقتىڭ بارىسى: 
I. ۇيىمداستىرۋ كەزەڭى: ساباققا نازار اۋدارۋ. 
II. وتكەندى قايتالاۋ. وتكەن ساباقتا قانداي دىبىسپەن تانىستىق؟ ول قانداي دىبىس؟ 
1) پاراقشالارمەن جۇمىس. - ءسوز ايتۋ. – سويلەم قۇراتۋ.، ءتۇسىندىرۋ. 
2) كەسپە ارىپتەردەن سوزدەر قۇراتۋ: انا، نان، اتا، شانا، اينا، بالا، شاي، ماتا. 
3) سەرگىتۋ ءساتى: تەربەلەدى اعاشتار، الدىمنان جەل ەسەدى. كىپ-كىشكەنتاي اعاشتار، سۋ قۇيعاندا وسەدى. 
III. جاڭا ساباق: «س دىبىسى مەن ءارپى». 
1) جۇمباق جاسىرۋ. سىرتىلدايدى كۇنىمەن، سىرتىلدايدى تۇنىمەن. بىلگىڭ كەلسە ۋاقىتتى، كورسەتەدى تىلىمەن. ( ساعات ) - بۇل نە؟ ساعات. 
2) وي اشار. اڭگىمە تەكسىن وقىپ بۇگىنگى دىبىستى انىقتاۋ. - بالانىڭ اتى كىم؟ 
– سامات. – جىلان قالاي ىسىلدايدى، قانداي دىبىس ەستىلەدى؟
– جىلان س – س – س دەپ ىسىلداعاندا س دىبىس ەستىلەدى. 
– دۇرىس. ەندى س دىبىسىن بىرنەشە رەت قايتالاپ ايتايىق. - «س» قانداي دىبىس؟ داۋىسسىز دىبىس. 
– ونى قايدان بىلدىڭدەر؟ نەگە؟ 
- ويتكەنى ول سوزىلىپ ايتىلمايدى. 
– اڭگىمەدەگى بالانىڭ اتى كىم؟ سامات. 
– ەندى ءبىز اڭگىمەگە ات قويايىق. نە دەپ قويامىز؟ سامات دەپ. 
- «س» دىبىسى ءسوزدىڭ قاي جەرىندە ەستىلىپ تۇر؟ 
– «س» دىبىسى ءسوزدىڭ باسىندا ەستىتىپ تۇر. 
ءمۇعالىم: كەسپە الىپپەدەن « س» دىبىسىنىڭ ءارىپ تاڭباسىن كورسەتىپ تانىستىرۋ.
– مىناۋ «س» ۇلكەن، «س» دىبىسىنىڭ كىشكەنتاي جازبا ءتۇرى. 
– ال مىناۋ باسپا ءتۇرى سس ۇلكەنى مەن كىشىسى. دىبىستى ەستيمىز، ءارىپتى كوزبەن كورەمىز، جازامىز. 
IV. وي قوزعاۋ. 
– ەلىمىزدىڭ پرەزيدەنتى كىم؟
- وسى نۇرسۇلتان سوزىندە «س» دىبىسى ءسوزدىڭ قاي جەرىندە تۇر؟ 
- جەلتوقساننىڭ تورتىندە نە بولدى؟ 
- سەندەر كىمدى سايلار ەدىڭدەر؟ - ال ول كىسىنىڭ زايىبى كىم؟ 
V. وقۋلىق پەن جۇمىس. باعانداعى سوزدەردى وقىتۋ. ماعىناسىن ءتۇسىندىرۋ. 
1. سويلەم قۇراتۋ. 
2. ديالوگتى وقىتۋ. 
VI. داپتەرمەن جۇمىس. 
1. جازۋ جولىنداعى ارىپتەردى جازۋ. 
2. مىنا سوزدەردى بۋىنعا ءبولىپ تالدايمىز. ساعات سوزىنە دىبىستىق تالداۋ جاساۋ.
ساعات، قاسىق، ءسابىز، ساعىز، كەسە، باس، سۋ. 
سەرگىتۋ ءساتى 
1. «ويلان، تاپ» ويىنى. ويىن ەرەجەسىن ءتۇسىندىرۋ. ءار دىبىسقا بايلانىستى سۋرەتتەردى الۋ جانە سۇراقتارعا جاۋاپ بەرۋ.

​ساباقتىڭ تولىق نۇسقاسىن جۇكتەۋ​​​