ساعادييەۆ بالاباقشالارداعى ورىن تاپشىلىعىنىڭ باستى سەبەبىن اتادى
الداعى 4 جىلدىڭ ىشىندە 3-4 جاستاعى بالالار 100 پايىز مەكتەپكە دەيىنگى بىلىممەن قامتىلادى. بۇل تۋرالى بۇگىن ق ر ءبىلىم جانە عىلىم مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى ەرلان ساعادييەۆ ءمالىم ەتتى.
«ەڭ ءبىرىنشى - مەكتەپكە دەيىنگى تاربيە مەن وقىتۋ. ءبىزدىڭ ماقساتىمىز 4 جىلدىڭ ىشىندە 3-6 جاستاعى بالالاردى مەكتەپكە دەيىنگى بىلىممەن قامتۋ. ول ءۇشىن نە ىستەپ جاتىرمىز؟ بىرىنشىدەن، ەندى جەتىسپەيتىن بالاباقشالاردى اشۋ ءۇشىن مەملەكەتتىك جەكەمەنشىك سەرىكتەستىكتى دامىتامىز. مەملەكەت باسشىسى ايتىپ وتكەندەي، بۇل باعىتتا بىزدە جاقسى ناتيجەلەر بار. تەك قانا 2016 جىلى 77 مىڭ ورىنعا ارنالعان 825 مەكتەپكە دەينىگى ءبىلىم بەرۋ ۇيىمى اشىلدى. سونىڭ ىشىندە 600ء-ى جەكەمەنشىك بالاباقشا»، - دەپ اتاپ ءوتتى مينيستر.
ونىڭ ايتۋىنشا، وسىنىڭ ارقاسىندا 3-6 جاستاعى بالالاردى بالاباقشامەن قامتامسىز ەتۋ 81 پايىزدان 85 پايىزعا دەيىن ارتقان.
«ەندى مۇنان ارى نە ىستەۋىمىز كەرەك؟ جاڭا نورمالاردى قابىلداۋىمىز كەرەك. بۇلار ورىن تاپشىلىعىنىڭ بىردەن-بىر سەبەبى. جاڭا سانيتارلىق نورمالار ءۇش اي تالقىعا ءتۇستى. مىڭداعان مامان ءوز پىكىرلەرىن بەردى. ولاردىڭ بارلىعىنا راحمەتىمىزدى ايتامىز. جاڭا سانيتارلىق نورمالار ءتيىستى مەملەكەتتىك ورگاندارمەن كەلىسىلگەننەن كەيىن قابىلداناتىن بولادى. ونى 1-2 ايدىڭ ىشىندە شەشەمىز»، - دەدى ساعادييەۆ.
You Might Also Like
-
اتىراۋ قالاسى № 26 «جۇلدىز» بالاباقشاسى «قۇلىنشاق» توبىنىڭ تاربيەلەنۋشىسى ابات نازار ولجاس ۇلى جەتەكشىسى: جۋماجانوۆا گۋلدانا كاريموۆنا
-
«حاببل» عارىش تەلەسكوبى 1990 جىلى جەر وربيتاسىنا ۇشىرىلعان اۆتوماتتىق وبسەرۆاتوريا. وعان جەر اتموسفەراسى كەدەرگى كەلتىرمەيدى، سوندىقتان ونىڭ مۇمكىندىگى جەردە ورنالاسقان تەلەسكوپتان 10 ە...
