ساعاتتىڭ شىقىلداعى ەمەس ەرمەك،
ءھاميشا ءومىر وتپەك ول بىلدىرمەك.
ءبىر مينۋت ءبىر كىسىنىڭ ومىرىنە ۇقساس،
ءوتتى، ءولدى، تاعدىر جوق قايتا كەلمەك.

ساعاتتىڭ ءوزى ۇرى شىقىلداعان،
ءومىردى بىلدىرمەگەن، كۇندە ۇرلاعان.
تياناق جوق، تۇرلاۋ جوق، كەلدى، كەتتى،
قايتا اينالماس، بۇرىلماس بۇلدىر زامان.

وتكەن ءومىر بەلگىسى وسى سىبدىر،
كوڭىلدى كۇندە سىندىر، الدە تىندىر.
اقىل انىق بايقاعان قىلىعىڭدى،
قۋ شىققانسىپ قاعاسىڭ بوسقا بۇلدىر.

كۇن جيىلىپ اي بولدى، ون ەكى اي جىل،
جىل جيىلىپ، قارتايىپ قىلعانى بۇل.
سۇيەنگەن، سەنگەن داۋرەن جالعان بولسا،
جالعانى جوق ءبىر ءتاڭىرىم، كەڭشىلىك قىل.

---