InfoHub Logo

قازاق ءتىلى 6 سىنىپ
ساباقتىڭ تاقىرىبى: سان ەسىم بەكىتۋ ساباعى (سلايدىمەن)

ساباقتىڭ ماقساتى:
1. بىلىمدىلىك: سان ەسىم جانە ونىڭ جاسالۋ جولدارى مەن تۇرلەرىنە بايلانىستى بىلىمدەرىن اۋىزشا جازباشا تالداۋ جۇمىستارىن جۇرگىزۋ ارقىلى بىلىمدەرىن بەكىتۋ؛
2. دامىتۋشىلىق: ويلاۋ قابىلەتىنە اسەر ەتۋ ارقىلى وقۋشىلاردىڭ وزدىگىنەن جۇمىس ارەكەتتەرىن دامىتۋ، سوزدىك قورىن مولايتۋ، ءوز بەتىمەن جۇمىس ىستەۋگە داعدىلاندىرۋ، سويلەۋ شەبەرلىكتەرى مەن ءتىل بايلىقتارىن دامىتۋ؛
3. تاربيەلىك: وقۋشىنى ويلىلىققا جەتەلەۋ، پانگە دەگەن قىزىعۋشىلىعىن ارتتىرا وتىرىپ، تۋعان ءتىلىن سۇيۋگە، تاۋەلسىز ەگەمەندى ەلىمىزدىڭ تۇعىرىن بيىك ۇستاپ تانۋعا تاربيەلەۋ.

ساباقتىڭ ءتۇرى: بەكىتۋ ساباعى
ساباقتىڭ ءادىسى: توپپەن جۇمىس، جۇپپەن جۇمىس، دەڭگەيلىك تاپسىرمالار، تىرەك سوزدەرمەن جۇمىس
ساباقتىڭ كورنەكىلىگى: باعالاۋ پاراعى، فيشكالار، بوشكە، سلايد، سمايليكتەر.
ءپانارالىق بايلانىس: ادەبيەت، تاريح

ساباقتىڭ بارىسى:
سالەمدەسۋ، تۇگەندەۋ.
وقۋ قۇرالدارىن تۇگەندەۋ، نازارلارىن ساباققا اۋدارۋ.
- قىس مەزگىلى بيىلعى جىلى قانداي بولار ەكەن؟
- دەمالىس كۇندەرى العاشقى قار جاۋىپ، اۋىلىمىزدى، مەكتەپتىڭ الدىن ءبىر - ەكى كۇندە قار باسىپ قالىپتى.
- ەندەشە، بالالار، مەكتەپكە كىرۋ ءۇشىن ءبىز كۇرەكپەن قاردى شىعارىپ، قار سالاتىن جۇلدىزدى ءۇش جاشىك جاساۋىمىز كەرەك.

ءمۇعالىم: بۇگىنگى جاستار – حالقىمىزدىڭ بولاشاعى: ەلىمىزدىڭ ەرتەڭى. وقۋشىلاردىڭ وي - ءورىسىن كەڭەيتىپ، ەستە ساقتاۋ قابىلەتىن شىڭدايتىن، ءبىلىمدى جاستاردى انىقتايتىن، بىلىمگە قىزىعۋشىلىقتارىن « باقىتتى ءسات» اتتى ويىنىمىزدى باستايمىز.
ءبىلىمدى ادام ەشنارسەدەن قورىقپايدى، مازاسىزدانبايدى. ول ءار ۋاقىتتا دا باتىل. سوندىقتان بۇگىنگى « سان ەسىمدى قايتالاۋ» ساباعىمىزدىڭ ەپيگرافى:
ءومىردىڭ ءوزى ادامدى تىرەستىرگەن،
ءبىرى جاڭا، جارىستىڭ ءبىرى ەسكىرگەن.
اينالا وتىرىپ اپ ءيسى قازاق،
ازاماتىن ءوزارا كۇرەستىرگەن.
- دەپ، ويىننىڭ بارىسىنا توقتالساق، سايىس 5 گەيىمنەن تۇرادى.

ويىن باعدارلاماسى:
- 1. بوي سەرگىتۋ / سۇراقتارعا جاۋاپ بەرۋ /
- 2. بوشكەدەن شىققان باس قاتىرعىلار.
- 3. جۇمباقتاس
- 4. سەن ماعان، مەن ساعان / ءۇي تاپسىرماسى /
- 5. كوسەمدىككە ۇمتىلۋ.
-
ءمۇعالىم: - ويىنىمىزدى باستاماس بۇرىن ساراپتاۋشى - باقىلاۋشى القاسىمەن تانىستىرۋعا رۇقسات ەتىڭىزدەر.
ەسكەرتۋ: ءار كەزەكتەن كەيىن ۇپاي سانى حابارلانىپ وتىرادى.

ءمۇعالىم: - سالەمدەسۋ - يگى ءداستۇر كيەلى،
سوزبەن قاراپ، كەيدە شەشەر شيەنى.
جاقسى سوزگە جان سەمىرەر قاشاندا،
جولدانادى سايىسكەرلەر سالەمى!
سالەم – ءسوزدىڭ اناسى!

1 توپ.
ءبىزدىڭ توپ: اق جەبە
ءبىزدىڭ ۇران: قانداي سىناق بولسا - داعى بەرىسپە،
ءارقاشاندا ۇمىتكەر بول جەڭىسكە!

2 توپ.
ءبىزدىڭ توپ: قارشىعا
ءبىزدىڭ ۇران: بىلەكتى ءبىردى جىعادى،
ءبىلىمدى مىڭدى جىعادى.

- بارەكەلدى، ولاي بولسا، ويىنىمىزدىڭ « بوي سەرگىتۋ» گەيمىن باستايىق.
كوماندالارعا 10 سۇراقتان بەرىلىپ، ولاردى تالداۋعا 5 مينۋت بولىنەدى. كوماندا جاۋاپ بەرەدى، ال باسەكەلەس كوماندا جاۋاپتىڭ دۇرىستىعىن ۇلگى بويىنشا قاداعالاپ وتىرادى. سۇراقتارعا ەڭ كوپ جاۋاپ بەرگەن كوماندا ۇتادى. / ۇپاي سانىن حابارلاۋ، فيشكامەن باعالاۋ /.

1 - گەيم «بوي سەرگىتۋ»
1 -توپ
1. سان ەسىمگە ەرەجە بەر.
2. سان ەسىم قالاي تۇرلەنەدى؟
3. جيناقتىق سان ەسىمنىڭ جۇرناقتارىن اتا؟
4. بولجالدىق سان ەسىمدەر سيفرمەن جازىلعاندا، ولارعا جالعاناتىن قوسىمشالار قالاي جازىلادى؟
5. رەتتىك سان ەسىمدەر قانداي جۇرناقتار ارقىلى جاسالادى؟
6." ونداعان" ءسوزىن تۇلعاسىنا قاراي تالدا.
7. بولشەكتىك سان ەسىم دەگەنىمىز نە؟ مىسال كەلتىر.
8. وندىق بولشەك قالاي جاسالادى؟ مىسال كەلتىر.
9. توپتاۋ سان ەسىمىنە سيپاتتاما بەرىڭىز.
10. سان ەسىم قانداي سويلەم مۇشەسىن اتقارادى؟