InfoHub Logo

ءسان ۇعىمى. ستيل تۇرلەرى
ساباقتىڭ ماقساتى:
1. بىلىمدىلىگى: وقۋشىلارعا ءسان ۇعىمى تۋرالى جانە ستيل تۇرلەرىمەن تانىستىرىپ تولىق ماعلۇمات بەرۋ؛
2. دامىتۋشىلىعى: ءساننىڭ دامۋ ساتىسى مەن قوعامداعى اتقاراتىن ءرولى تۋرالى ويلارىن دامىتۋ، شىعارماشىلىعىن قالىپتاستىرۋ؛
3. تاربيەلىلىگى: وقۋشىلاردى وسى ونەر تۇرىمەن قىزىقتىرۋ، ۇقىپتىلىققا، ەڭبەكسۇيگىشتىككە، ىسكەرلىككە تاربيەلەۋ.
ساباقتىڭ ءتۇرى: ءتۇسىندىرۋ، ساراماندىق جۇمىس.
ساباقتىڭ كورنەكىلىگى: كيىم تۇرلەرى، كومپيۋتەر.

ساباقتىڭ بارىسى:
1. ۇيىمداستىرۋ
وقۋشىلاردىڭ ساباققا قاتىسۋىن، قۇرال-جابدىقتارىن تۇگەندەۋ، تەكسەرۋ. زەيىندەرىن ساباققا اۋدارتۋ.
2. ءۇي تاپسىرماسىن سۇراۋ.
3. جاڭا ساباق.
ءسان - ادامزات بالاسى پايدا بولعاننان باستاپ پايدا بولدى. الەمدەگى ءار ءتۇرلى ەلدەردىڭ ءداستۇرلى حالىقتىق كوستيۋم ۇلگىلەرى ءقازىر دە ءسان جاساۋشىلار ءۇشىن شىعارماشىلىق جاڭالىقتاردىڭ نەگىزگى باستاۋى بولىپ وتىر جانە دە قانداي جاعدايدا بولماسىن، ارنالىپ تىگىلگەن كيىمدەردىڭ بارىنەن دە ءوزىنىڭ ناقتى كورىنىسىن تابۋدا. ءسان (مودا) - لاتىن ءسوزى، ولشەم، ءادىس، ىس-ارەكەت ءتۇرى. ماعىناسى ۋاقىتشا كەلىسىمدى، ءساندى كيىنە ءبىلۋ دەگەن ۇعىم بەرەدى

ءار ادامنىڭ ءوز تالعامىنا، قاجەتىنە ساي ءساندى كيىنۋ مۇمكىندىگى بۇگىندە بار قۇبىلىس. ءىس تىگە بىلەتىن، بۇل كاسىپتى سۇيەتىن ادام، وزىنە جاراسىمدى دا ءساندى كيىمدى قاشان دا تىگىپ الا الادى. كيىم كيۋ مادەنيەتى ادامنىڭ ءبىلىمىنىڭ، تالعامىنىڭ، ورتاعا قارىم-قاتىناسىنىڭ كورسەتكىشى. تالعام - بارىنەن بۇرىن ادامنىڭ وزىنە شەك قويا ءبىلۋى (نەنى، قايدا، قاشان كيۋ كەرەك، ءوزىنىڭ سىرت كەلبەتىنە كوزقاراسى، ءوزىن-وزى ۇستاي ءبىلۋى ت.ب.) ءساندى - ارنايى كوركەمدەۋشى سانگەر جاسايدى. ول ءسانقوي ادامنىڭ تالعامىن ەسكەرە وتىرىپ، تۇتىنۋشى حالىقتىڭ تالابىنا ساي كەلەتىندەي ەتىپ ورىندايدى. ولاردى كوركەمدەۋشى دەپ اتايمىز.

ستيل (گرەكشە بالاۋىزعا ورنەك تۇسىرەتىن ۇشكىر تاياقشا) ءسوزى - ادەبيەت پەن ەنەردە اۆتوردىڭ، تۋىندىنىڭ مانەرىن، مازمۇنىن، يدەيالىق كوركەمدىك ەرەكشەلىكتەرىن بىلدىرەدى.
• ستيل -
• كلاسسيكالىق
• فولكلورلىق
• رومانتيكالىق
• سپورتتىق

كلاسسيكالىق ستيل (بايسالدى، ىسكەر، اسەم) - تۇراقتى، عاسىرلار سۇزگىسىنەن وتكەن، مۇلدەم وزگەرمەيتىن، ەرلەردىڭ جۇپتى، ۇشتىك كوستيۋمى، «اعىلشىن» پالتوسى، پلاشش، ال ايەلدەردىڭ كيىمىنە ۇزىن جەڭدى كويلەكتەر، تىك نەمەسە بۇرمەلى بەلدەمشەلەر «شينەل» كوستيۋمدەرى جاتادى.

فولكلورلىق ستيل - ۇلتتىق سيپاتتاعى وسى زامانعى كيىمدەر. ءبۇل ستيلدە ۇلتتىق ويۋ-ورنەكتەر، كەستەلەر، قول جۇمىستارىن كەڭىنەن قولدانامىز.

رومانتيكالىق ستيل - بۇل ۇشقىر، قيال ەلەستەر، ىزدەنىستەر توبى. كيىمدە ايەلدىك قاسيەتتەردى بەينەلەيتىن بولشەكتەردى، جيەكتەردى پايدالانۋ.

سپورتتىق ستيل - دەمالىس، سپورتپەن جاتتىعۋ، ساياحات ءۇشىن ىڭعايلى كيىمدەر ۇلگىسى.
جاڭا ساباقتى بەكىتۋ:
1. ءسان سەزىنىڭ ماعىناسى؟
2. ستيل. ءستيلدىڭ تۇرلەرى؟
3. كلاسسيكالى ق ستيل مەن فولكلورلىق ءستيلدىڭ ايىرماشىلىعى؟
4. رومانتيكالىق ستيل مەن سپورتتىق ءستيلدىڭ بىر-بىرىنەن ەرەكشەلىگى نەدە؟
5. بۇگىنگى ساباقتىڭ باعىتىن تالداۋ؟
6. بۇگىنگى ساباقتان العان اسەرىڭىز؟

قورىتىندى.
وقۋشىلاردىڭ ءبىلىمىن باعالاۋ.
ۇيگە تاپسىرما: قازاقستانداعى بەلگىلى ءسان ۇلگىلەرىنىڭ تۇرلەرىمەن تانىسۋ.