InfoHub Logo

ماتەماتيكا
ساباق تاقىرىبى: «ساندار الەمىنە ساياحات»
ساباقتىڭ ماقساتى: 1) 8 سانىمەن تانىستىرۋ دەپ اتالاتىن ويىن ساباققا بالالارمەن 7 - گە دەيىنگى سانداردى تۋرا جانە كەرى ساناپ بالالاردىڭ ەسىنە ءتۇسىرۋ. 8 سانىمەن تانىستىرۋ. ءاربىر ساننىڭ الدىڭعى جانە وزىنەن كەيىنگىسىن دۇرىس اتاي بىلۋگە ۇيرەنۋ. قانشا؟ قانداي؟ نەشىنشى؟ دەگەن سۇراقتارعا دۇرىس جاۋاپ بەرۋگە جاتتىقتىرۋ ماقساتى كوزدەلەدى.
2) سونداي - اق اينالاداعى قورشاعان ورتامەن سالىستىرا وتىرىپ، گەومەتريالىق پىشىندەردى اجىراتا بىلۋگە داعدىلاندىرۋ. لوگيكالىق ويىن ارقىلى بالانىڭ قيالىن، وي ءورىسىن، ەستە ساقتاۋ قابىلەتىن دامىتۋ.
3) ساۋساقتىڭ كومەگىمەن 8 سانىن كورسەتۋ جولدارىن ويلاپ تابۋعا قىزىقتىرۋ.
الدىن الا وتكىزىلەتىن جۇمىس:
جۇمباق شەشۋ، ماتەماتيكالىق ولەڭدەر.
ساباقتىڭ كورنەكىلىگى: 1 - دەن 8 - گە دەيىنگى ساندار، سۋرەتتەر، گەومەتريالىق پىشىندەر، ءتۇرلى ءتۇستى قاعازدار.
ءادىس تاسىلدەر: اڭگىمەلەسۋ، ءتۇسىندىرۋ، سۇراق جاۋاپ، ويىن.

ساباق بارىسى:
ءى. ۇيىمداستىرۋ كەزەڭى.
بالالار ءبىر - بىرىنە رەتىمەن:
اشىق اسپان تىلەيمىن! كۇنىمىز جارىق بولسىن! دەنىمىز ساۋ بولسىن! نان كوپ بولسىن يگى تىلەكتەرىن بىلدىرە كەلىپ، ءبارى قوسىلىپ: ءارقاشان كۇن سونبەسىن! – دەسەدى.
تاربيەشى: ايتقان تىلەكتەرىڭ قابىل بولسىن!
بالالار، بۇگىن ءبىز ماتەماتيكا الەمىنە ساياحات جاسايمىز.
- بالالار، جىلدىڭ نەشە مەزگىلى بار؟
- رەتىمەن اتاڭدارشى.
- ءقازىر قاي مەزگىل؟
- قىس ايلارىن اتاڭدار
- ءقازىر قاي اي؟
- ءبىر اپتادا نەشە كۇن بار؟
- بۇگىن قاي كۇن؟
- ەرتەڭ قاي كۇن؟
ەندى، بالالار، اپتانىڭ 7 كۇنىن رەتىمەن جانە كەرى قاراي ساناڭدار.

ءى. بالالار بىزگە بۇگىن «گەومەتريالىق ەرتەگىلەر ەلىنەن» ۇيرەك قوناققا كەلدى.
ۇيرەك بىزگە گەومەتريالىق پىشىندەردى الىپ كەلىپتى.
1 - تاپسىرما: گەومەتريالىق پىشىندەردى اتاۋ. (
ءۇشبۇرىش نەگە ۇقسايدى؟
ءۇيدىڭ شاتىرىنا، شىرشاعا؛
شارشى - ورامال، دوڭگەلەك - دوپقا، الماعا، كۇنگە؛
ءتورتبۇرىش - ەسىك، تەرەزە، تاقتا ت. ب.
سوپاقشا – جۇمىرتقاعا، قاۋىنعا، شارعا، قيارعا ت. ب. ۇقسايدى.

2 - تاپسىرما: وتىلگەن 7 - گە دەيىنگى ساندار تۋرالى ساناماقتار ايتۋ.
1) 8 سانىمەن تانىستىرۋ.
2) سۋرەت بويىنشا ءتۇسىندىرۋ،
3) 8 سانىنىڭ قۇرامىن انىقتاۋ. (8 دەگەنىمىز ول 1، 1، 1، 1، 1، 1، 1، 1)
4) 8 گە دەيىن تۋرا، كەرى ساناۋ. سان قاتارى: 1، 2، 3، 4، 5، 6، 7، 8.
5) بالالاردى قاتارعا تۇرعىزىپ، العا قاراي 8 ادىم، كەيىن قاراي 8 ادىم جۇرگىزۋ.

ءىى. سەرگىتۋ ءساتى.
ورنىمىزدان تۇرايىق،
الاقاندى ۇرايىق،
ءبىر وتىرىپ، ءبىر تۇرىپ،
ءبىر تىنىعىپ الايىق.

ءىىى. ديداكتيكالىق ويىندار ويناۋ.
1) «دىبىس ارقىلى ساندى تاپ»
2) «كورشىسىن تاپ».

3) «قانداي سان قالىپ قويدى؟» ويىنى.
1، 2، 3، 4، 5، 8.
4) مەن سەندەرگە سان ايتامىن، ال سەندەر سول ساننىڭ قانداي سانداردان قۇرالاتىنىن اتايسىڭدار.
7 --------------- 8 ----------- 2
6 + 1 ------- 7 + 1 --------- 1 + 1
5 + 2 ------- 6 + 2

ءىۋ. ساناماق جاتتاۋ.
مەنىڭ اتىم - سەگىز،
جەتىدەن سوڭعى دەڭىز.
جازىلعاندا قوس دوڭگەلەك،
مەن بولامىن سەگىز.
ءبىر دەگەنىم بۇركىت،
قاشادى اڭدار ۇركىپ،
ەكى دەگەنىم ەسەك،
بىلمەيدى ول ەسەپ.
ءۇش دەگەنىم ۇكى،
ۇستاپ جەدى تۇلكى.
ءتورت دەگەنىم تيىن،
الدىم وعان بۇيىم.
بەس دەگەنىم بۇلبۇل،
سايراعاندا ءدۇل – ءدۇل.
التى دەگەنىم ارعىماق،
دوڭدەۋ جەردەن قارعىماق.
جەتى دەگەنىم جايىن،
جايىننىڭ جەيمىز مايىن.
سەگىز دەگەنىم - سەركە،
ەنەسىنە ەركە.

ۋ. ۇلەستىرمە ماتەريالمەن جۇمىس.
1 ) 8 تاياقشادان ءار ءتۇرلى پىشىندەر قۇراستىرۋ.
2) گەومەتريالىق پىشىندەردەن ءۇي، شارشى قۇراستىرۋ.
ءۋى. ساندار ايتىسى. 1 - دەن 8 - گە دەيىنگى ساندار بويىنشا ولەڭ تۇرىندە ايتىس.

ساباقتى قورىتىندىلاۋ.
- بالالار «سەندەر بۇگىن» ساندار الەمىنە ساياحات جاسادىڭدار.
- سەندەر قانداي سانمەن تانىستىڭدار؟
- قانداي ويىندار وينادىڭدار؟
- نە قۇراستىردىڭدار؟
بالالاردى ماداقتاۋ.