InfoHub Logo

قازاقستان تاريحى
ساباقتىڭ تاقىرىبى: ساۋاتسىزدىقتى جويۋ، حالىققا ءبىلىم بەرۋ جۇيەسىنىڭ دامۋى جانە ساياسي اعارتۋشىلىق
ساباقتىڭ ماقساتى:
بىلىمدىلىك. 1920 - 30 جىلدارداعى مادەني ريەۆوليۋسيانىڭ ماڭىزىن، ساۋاتسىزدىقتى جويۋ، ساياسي اعارتۋ، مەكتەپتىك ءبىلىم بەرۋ شارالارى بارىسىنداعى قيىندىقتار مەن جەتىستىكتەر تۋرالى ءبىلىم بەرۋ.
دامىتۋشىلىق. وقۋشىلاردى ءوز بەتىنشە جۇمىس جاساتۋ، شىعارماشىلىق تاپسىرمالاردى ورىنداتۋ ارقىلى شىعارماشىلىق قابىلەتتەرىن دامىتۋ
تاربيەلىك. وي - ءورىسىن كەڭەيتىپ، قوعامدىق ومىرگە دەگەن كوزقاراسىن تاربيەلەۋ.
ساباقتىڭ ءتۇرى: جاڭا ءبىلىمدى مەڭگەرۋ ساباعى
ساباقتىڭ ءادىسى: توپتىق جۇمىس، بايانداۋ ءادىسى، پيراميدالىق ستراتەگيا ت. ب.
ساباقتىڭ كورنەكىلىگى: ينتەراكتيۆتى تاقتا، ساۋاتسىزدىقتى جويۋ، حالىققا ءبىلىم بەرۋ جۇيەسىنىڭ دامۋى تاقىرىبىنا ارنالعان ارنايى پلاكات.
ءپان ارالىق بايلانىس: قازاق ءتىلى، ادەبيەتى، گەومەتريا، دۇنيە ءجۇزى تاريحى.

بارىسى:
ءى. ۇيىمداستىرۋ كەزەڭى
1. سىنىپتى توپقا ءبولۋ
2. پسيحولوگيالىق ءسات. ەكى توپ وقۋشىلارىنىڭ ءبىر - بىرىنە ساتتىلىك تىلەۋى.

ءىى. وي قوزعاۋ.
1. ريەۆولياسيا دەگەن نە؟ (توڭكەرىس. توڭكەرىس جاساۋ)
2. مادەني ريەۆوليۋسيا دەگەن نە؟ (قوعامدىق ءومىردىڭ بارلىق سالاسىن تۇبىرىمەن
وزگەرتىپ، جاڭا مادەنيەت جاساۋ، جاڭا قوعامدا ءومىر سۇرەتىن جاڭا ادامدى تاربيەلەپ
شىعارۋ.

ءىىى. جاڭا ساباق.
1. ءمۇعالىم ءسوزى:
ساۋاتسىزدىقتى جويۋ، حالىققا ءبىلىم بەرۋ جۇيەسىنىڭ دامۋى جانە ساياسي اعارتۋشىلىق.
1920جىلدارى بەيبىت ومىرگە كوشۋ جاعدايىندا ساۋاتسىزدىقتى جويۋ، كادرلار دايارلاۋ، بۇقارا حالىقتىڭ مادەني دەڭگەيىن ارتتىرۋ قاجەتتىلىگى تۋىندادى.
كسرو - نىڭ باسقا ايماقتارىنداعىداي قازاقستاندا دا ساۋاتتى، زيالى قاۋىم ات توبەلىندەي از بولاتىن. حالىقتىڭ باسىم بولىگىندە باستاۋىش بىلىمدە جوق بولاتىن. سول سەبەپتى قازاقستاندا «مادەني ريەۆوليۋسيا» جاساۋ كەرەك دەپ شەشتى.
قازاقستانداعى مادەني ريەۆوليۋسيا باستى ەكى مىندەتتى شەشۋگە ءتيىس بولدى:
بىرىنشىدەن مادەني ارتتا قالۋشىلىقتى جويۋ.
ەكىنشىدەن ءبىلىم بەرۋ، عىلىمي جانە مادەني مەكەمەلەردىڭ جاڭا كەڭەستىك جۇيەسىن قالىپتاستىرۋ.
سوعان بايلانىستى1920 جىلى تامىزدا پارتيانىڭ ورتالىق كوميتەتىندە ۇگىت - ناسيحات ءبولىمى قۇرىلدى. وسى جىلى قاراشادا ركفسر اعارتۋ حالكومى جانىنان باس ساياسي – اعارتۋ كوميتەتى ىسكە قوسىلدى. بۇل ەكى پارتيالىق جانە مەملەكەتتىك ورگان مادەني ريەۆوليۋسياعا باسشىلىقتى جۇزەگە اسىرا باستادى.
مادەني ريەۆوليۋسيانىڭ مىندەتتەرى:
قازاقستاندا مادەني ريەۆوليۋسيانى تۇپكىلىكتى جۇزەگە اسىرۋ ءۇشىن ءبىرقاتار مىندەتتەردى شەشۋ كەرەك بولدى.
- جەرگىلىكتى جەردە ناقتى مادەني بازا جاساۋ ءۇشىن ساۋات اشۋ جانە ساياسي ءبىلىم قاجەت بولدى.
- قازاقستانداعى وقۋ - اعارتۋ مەكەمەلەرىن ءبىر جۇيەگە كەلتىرۋ، وقىتۋدى ءبىرىڭعاي وقۋ باعدارلاماسىمەن جۇرگىزۋ.
- رۋحاني ومىرگە جاڭا مازمۇن بەرۋ ءۇشىن، قازاق سوسياليستىك مۋزىكا مادەنيەتىن دامىتۋ.
- كەڭەستىك مەملەكەتتەردىڭ تۇتاس اۋماعىندا ءبىرىڭعاي مادەني كەڭىستىك جاساۋ ءۇشىن ولكەدە ونەردىڭ جاڭا تۇرلەرىن – تەاتر، كينو، بەينەلەۋ ونەرىن ت. ب. قالىپتاستىرۋ.
- قازاقستاندا عىلىمدى قالىپتاستىرۋ ءۇشىن عىلىمي مەكەمەلەر جۇيەسىن قۇرۋ.
- جەرگىلىكتى حالىقتىڭ قوعامدىق جانە جەكە ومىردەگى رۋلىق جانە ءدىني نانىم - سەنىمدەرىن جويىپ، كەڭەس ادامىنىڭ جاڭا ومىردەگى سالتىن ەنگىزۋ.
- سوسياليستىك قوعام قۇرۋ مىندەتتەرىن شەشۋ ءۇشىن ۇلتتىق كادرلاردى دايارلاۋ.
- قازاقستاندا ورتا ارناۋلى جانە جوعارى ءبىلىم جۇيەسىن قۇرۋ.
وسىلايشا 1920 - 1930 جىلدارداعى پارتيانىڭ مادەني ساياساتىنىڭ مازمۇنى پارتيالىق جانە مەملەكەتتىك ورگاندار، قوعامدىق ۇيىمدار، سونداي - اق رۋحاني سالاداعى مەكەمەلەر
مەن ۇيىمدار ارقىلى «جاڭا كەڭەستىك سانا» قالىپتاستىرۋ ىسىنە باعىتتالدى.
پارتيا ءبىرتۇتاس سوسياليستىك مادەنيەت قالىپتاستىرۋ ءۇشىن ءبىر جاعىنان - حالىقتىڭ ءبىلىمى مەن مادەنيەتىن كوتەرۋگە، ەكىنشى جاعىنان – شىعارماشىلىق سالاسىن حالىققا جاقىنداتا تۇسۋگە تىرىستى. ءبىرتۇتاس كەڭەستىك مادەنيەت قۇرۋ يدەياسى ۇلتتىق مادەنيەتتىڭ ءورىسىن تارىلتىپ جىبەردى.

2. جاڭا ءبىلىمدى مەڭگەرۋ
ماعىنانى تانۋ كەزەڭى
بۇگىنگى ساباقتا وتىلەتىن تاقىرىپتى ەكى توپقا ءبولىپ بەرەمىن. ەكى توپ ءوز تاقىرىپشالارىن وقىپ شىعىپ، سىزبا نەمەسە كەستە تۇرىندە پلاكاتكا سالىپ، تاقتا الدىندا تۇسىندىرەدى
1 - توپ. ساۋاتسىزدىقتى جويۋ.
2 - توپ. ساياسي اعارتۋ جۇيەسى. مەكتەپتىك ءبىلىم.

ءىۇ. بەكىتۋ«پيراميدالىق ستراتەگيا»
ەگەر بەرىلگەن تاپسىرمانى دۇرىس ورىنداساڭىز، بۇگىنگى تاقىرىپتىڭ مازمۇنىن اشاتىن تاريحي پيراميدا قۇراستىرا الاسىز.
1. كەيىپكەردىڭ اتى 1 ءسوز
2. ونى سيپاتتايتىن 2 ءسوز
3. وقيعا ورنىن سيپاتتايتىن 3 ءسوز
4. وقيعاعا اكەلەتىن پروبلەما 4 ءسوز
5. ءبىرىنشى وقيعانى سيپاتتايتىن 5 ءسوز.
6. ەكىنشى وقيعانى سيپاتتايتىن 6 ءسوز.
7. پرولەمانى شەشۋدى سيپاتتايتىن 7 ءسوز.

ءۇ. قورىتىندىلاۋ.
قيىندىقتار مەن كەدەرگىلەرگە قاراماستان حالىققا ءبىلىم بەرۋگە ارنالعان شارالار جۇزەگە اسىرىلىپ، رەسپۋبليكادا جەتى جىلدىق، ون جىلدىق مەكتەپتەر جۇمىس جاسادى. ءار وقۋشىنىڭ سىنىپتان - سىنىپقا وتۋىنە جاعدايلار قاراستىرىلدى.
شىعارماشىلىق ىزدەنىس پەن كۇندەلىكتى تاجىريبەگە سۇيەنگەن كەڭەستىك پەداگوگيكا قالىپتاستى.

ءۇى. باعالاۋ
ءۇىى. ۇيگە تاپسىرما: «ساۋاتسىزدىقتى جويۋ، حالىققا ءبىلىم بەرۋ جۇيەسىنىڭ دامۋى جانە ساياسي اعارتۋشىلىق» تاقىرىبىندا تاريحي شىعارما جازىپ كەلۋ.

قىزىلسۋ ورتا مەكتەبىنىڭ
تاريح ءپانى ءمۇعالىمى رسالينا گۋلسارا يبراەموۆنا