سەن باتىستا، مەن شىعىستا - حالىقپىز،
ءبىر باقشادا بىرگە بۇرشىك جارىپپىز.
ءبىر وتاندا بىرگە باقىت تاۋىپپىز،
ءبىر وتاندا بىردەي تەڭدىك الىپپىز،
ءبىز وسىنداي تىرلىكتەگى حالىقپىز.
مەن شىعىستا، سەن باتىستا دوستارمىز
ءبىر دەنەگە بىرگە بىتكەن قوس جانبىز،
ۇلى وداققا باسىمىزدى قوسقانبىز
ءبىز وسىنداي بىرلىكتەگى دوستارمىز.
داۋتاباعا قۇيا المايدى سىر بارىپ
ءبىراق بىزدەر ءبىر ارنادا، ءبىر حالىق.
دوستىعىمىز جاتىر، مىنە، شىندالىپ
ۇلى وتاندا شەشەك اتىپ، گۇل جارىپ
وتتىك بىزدەر وتكەلدەردەن نە ءتۇرلى
سىن ساعاتتا بوساعامىز بەكىندى.
لاتىش، قازاق ەكەۋى دە ءبىر قۇستىڭ
ەگىز بىتكەن قوس قاناتى سەكىلدى.
سەن باتىستا، مەن شىعىستا ەكى ەلمىز
ماڭگىلىككە باۋىر بولىپ كەتەرمىز.
سەن باتىستا، مەن شىعىستا وتانعا
قالقان بولىپ جاراتىلعان ەكەنبىز.
تورلەتىندەر، ارداقتارى بالتىقتىڭ!
بالتىق جىرىن بالتىققا ۇقساپ شالقىت ءبىر

---