سەن ءالى سەرىكسىز بە ەدىڭ،
سەرىكسىز بە ەدىڭ،
قۇربىجان؟
ءوتىپتى-اۋ ايلار، ەرىكسىز جىلدار جىلجىعان.
جاپادان-جالعىز،
جاۋاتىن كۇندەي تۇنجىراپ،
جۇرەسىڭ، قۇربىم،
He ىستەيمىن ساعان؟
قىنجىلام.
جاڭا جارىلعان،
جاۋقازىن ەدىڭ كوكتەمدە
جىلىسىپ جازىڭ وتكەن بە؟
لاپىلداپ تۇرعان،
جالىن ەدىڭ عوي ورت-كەۋدە،
ءتايىر العىرلار،
تانىماي سەنى كەتكەن بە؟!
ومىردە مىنا،
تاپ بولار تالاي توسىن جاي،
ءومىر - ءومىر عوي،
ءومىردىڭ زاڭى وسىنداي.
ءبىرى -باتىستا،
ءبىرى -شىعىستا،
جارق ەتىپ، سونگەن جاسىنداي،
ءوتۋى مۇمكىن، جاقسى مەن جاقسى قوسىلماي.

---